Hechos 10:23 - CHUYA QELLQA La Biblia en Quechua de Ayacucho 2012

²³ Hinaptinmi Pedroñataq chay wasiman paykunata yaykuykachispan samachirqa, hinaspanmi paqarinnintin punchaw paykunawan pasarqa, Jope llaqtapi yachaq wakin iñiqkunapas riysirqakum.

Quechua Ayacucho Bible 1987

²³ Hinaptinmi Pedro chay wasiman paykunata yaykuykachispan samachirqa. Paqarintin punchawñataqmi Pedro paykunawan pasarqa, riysirqataqmi Jope llaqtapi *f**yachaq wakin iñiqkunapas.

Chuya Qellqa 1992

²³ Hinaptinmi Pedroñataq chay wasiman paykunata yaykuykachispan samachirqa, hinaspanmi paqarinnintin punchaw paykunawan pasarqa, Jope llaqtapi yachaq wakin iñiqkunapas riysirqakum.

Hechos 10:23 Iomraidhean Croise

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Hechos 1:15

Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

Hechos 10:29

Chayraykum qayarachimuwaptikichik mana iskayrayaspay chaypunilla pasamurqani. Chaynaqa, yachaykuytam munani, ¿imapaqtaq qayachimuwarqankichik? nispa.

Hechos 10:33

Hinaptinmi chaypunilla kachamurqani maskamusunaykipaq. Allinpaqmi hamurunkiqa. Kunanmi Diospa qayllanpi lliwchayku huñunasqa kachkaniku, Señorpa tukuy kamachimususqaykitam uyariyta munaniku, nispa.

Hechos 10:45

Hinaptinmi Pedrowan hamuq iñiq judiokuna llumpayta admirakurqaku, mana judío kachkaptinkupas Chuya Espiritupa atiynin huntaykusqanmanta.

Hechos 11:12

Chaymi Chuya Espíritu kamachiwarqa: “Paykunawan riy ama iskayrayaspayki”, nispa. Ñoqawantaqmi rirqaku kay soqta iñiqmasinchikkunapas, lliwmi chay runapa wasinman yaykurqaniku.

Hechos 28:15

Roma llaqtapi iñiqkunam chayanaykuta yachasqakuña hinaspam “Apio Foro” nisqa plazakama taripamuwasqaku, wakinñataqmi “Kimsa Taberna” nisqa sitiokama taripamuwarqaku. Paykunata Pablo rikuykuspanmi Diosman graciasta qospan aswanraq kallpanchakurqa.

Hechos 9:36

Jope llaqtapim yacharqa Jesucristopi iñikuq Tabita sutiyuq warmi, paypa sutinmi griego rimaypi karqa Dorcas. Paymi allinkunata ruwaspan wakchakunata yanapaq.

Hechos 9:38

Lida llaqtaqa Jope llaqtamanta hichpallam karqa, chaymi iñiqkuna chaypi Pedro kasqanta yacharuspanku iskay runakunawan qayachimurqaku: Kunanpuni Jope llaqtaman hamuy, nispanku.

Hechos 9:42

Chaytam Jope llaqtapi llapa runakuna yacharurqaku, hinaspam Señorman achkallaña iñikurqaku.

2~Corintios 8:21

Allin ruwaytam munachkaniku Señorpa qayllanpipas chaynataq runakunapa qayllanpipas.

Hebreos 13:2

Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

1~Pedro 4:9

Ama murmuranakuspa wasikichikpipas samaykachinakuychik.