Hechos 10:14 - CHUYA QELLQA La Biblia en Quechua de Ayacucho 2012

¹⁴ Pedroñataqmi nirqa: Manapunim mikuymanchu Señor. ¡Ñoqaqa manam haykapipas mana mikuna kaqkunataqa mikurqanichu! nispa.

Quechua Ayacucho Bible 1987

¹⁴ Chaymi Pedroñataq nirqa: —Manapunim mikuymanchu Señor. ¡Ñoqaqa haykapipas manam mikurqanichu mana mikuna kaqkunataqa! —nispa.

Chuya Qellqa 1992

¹⁴ Pedroñataqmi nirqa: Manapunim mikuymanchu Señor. ¡Ñoqaqa manam haykapipas mana mikuna kaqkunataqa mikurqanichu! nispa.

Hechos 10:14 Iomraidhean Croise

Génesis 19:18

Hinaptinmi Lot nirqa: Taytallaykuna amayá chaynaqa pasakuchunchu.

Éxodo 10:11

Manam chaynaqa kanmanchu, qarikunalla rispa Tayta Diosta yupaychamuychik. Chaynatam mañakurqankichik, nispa. Chaynata niruspanmi Faraonqa paykunata ñawpaqninmanta qarqorachirqa.

Ezequiel 4:14

Chaymi ñoqañataq nirqani: Dios Taytalláy, ñoqaqa manam haykapipas kayna millakuypaq kaqkunataqa mikurqanichu. Kikillanmanta wañuq animalpa aychantawan purun animalpa tisapasqan aychata hinaspa millakuypaq aychakunataqa manam haykapipas mikurqanichu, warma kasqaymantapas manam simiymanqa chayarqachu, nispay.

Ezequiel 44:31

Sacerdotekunaqa amam mikunqakuchu kikillanmanta wañuruq animalkunataqa alton pawaq kaptinpas otaq ima animal kaptinpas; amataqmi mikunqakuchu purun animalkunapa puchuntapas.

Daniel 1:8

Danielmi sonqonpi tantearurqa reypa mikunanwan chaynataq tomanan vinowanpas mana qachachakunanpaq. Chayraykum chay palaciopi serviqkunapa kamachiqninta ruegakurqa chay mikuykunata ama qonanpaq.

Levítico 20:25

Qamkunaqa reqsiychikyá mikunapaq kaq otaq mana mikunapaq kaq animalkunatapas, mikunapaq kaq otaq mana mikunapaq kaq alton pawaq animalkunatapas. Amam chay animalkunawanqa qachachakunkichu, nitaq raprayuq animalkunawanpas, nitaq qasqonpa puriq animalkunawanpas. Chaykunataqa millakuypaq kasqanraykum sapaqchani.

Mateo 15:11

Manam imapas mikusqanchu runataqa huchallichin, aswanqa mana allinkuna rimasqanmi, nispan.

Mateo 16:22

Chaymi Pedroñataq huklawchaman pusaruspan Jesusta nirqa: Amayá Diospas munachunchu chaykuna pasasunaykitaqa, nispan.

Mateo 25:9

Chaymi yachayniyuq sipaskunañataq nirqaku: “Qamkunaman qoykuptiykuqa yanqañataq llapanchikpaq pisirunman, chaynaqa rantikuqkunamanyá riychik rantimunaykichikpaq”, nispanku.

Mateo 8:2

Hinap-tinmi leprawan onqoq runa Jesusman asuykurqa, hinaspam qonqorakuykuspan nirqa: Señorlláy, munaspaykiqa sanoyaykachillaway, nispa.

Marcos 7:2

Paykunam Jesuspa wakin discipulonkunata makinkuta mana mayllakuspa mikuchkaqta rikurur-qaku, chayraykum paykunapa contranpi rimarqaku.

Lucas 1:60

Mamanñataqmi nirqa: Juanmi sutinqa kanqa, nispa.

Juan 4:11

Hinaptinmi chay warmiñataq nirqa: Señor, manataq yaku hurqonaykipaqqa imaykipas kanchu, kay pozoqa ukusum kachkan. ¿Maymantataq chay kawsachikuq yakutaqa qowankiman?

Hechos 10:13

Hinaptinmi Pedro uyarirurqa: Pedro hatariy, wañuchispayki kaykunata mikuy, nimuqta.

Hechos 10:28

Chaymi paykunata Pedro nirqa: Qamkunaqa yachankichikmi judiokunaqa mana judío kaqkunawanqa manam hukllawakuymankuchu, manataqmi wasinmanpas yaykuymankuchu leyniyku harkawasqankurayku. Ichaqa Diosmi qawaykachiwan amaña pitapas “kayqa millakuypaqmi otaq huchasapa runam” nispa ninaypaq.

Hechos 22:8

Chaymi ta-purqani: “¿Pitaq kanki Señor?”, nispay. Hinaptinmi nimuwarqa: “Ñoqaqa qatikachasqayki Nazaretmanta kaq Jesusmi kani”, nispan.

Hechos 9:5

Chaymi Saulo tapurqa: ¿Pitaq kanki Señor? nispa. Hinaptinmi nimurqa: Ñoqaqa qatikachawasqayki Jesusmi kani.