Hechos 1:8 - CHUYA QELLQA La Biblia en Quechua de Ayacucho 2012

⁸ Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Quechua Ayacucho Bible 1987

⁸ Ichaqa Chuya Espiritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalen llaqtapi, lliw Judea lawpi, Samaria lawpi hinaspa kay pachapa cantonkama.

Chuya Qellqa 1992

⁸ Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 1:8 Iomraidhean Croise

Isaías 42:10

Tukuy hinastinpi kaqkuna, lamar qochanta illaqkuna, lamar qochapi kawsaqkuna, lamar qochapa patanpi lliw nacionkuna, Tayta Diospaq musoq takita takiychik.

Isaías 49:6

Tayta Diosmi kaynata nin: “Manam serviqllaychu kanaykiqa, manam Jacobpa mirayninkunata hatarichimuqllachu kanaykiqa, manam Israelmanta puchuqkunata kutirichimuqllachu kanaykiqa; Aswanqa lliw nacionkunata kancharinaykipaqmi churasqayki, chaynapi kay allpa pachaman salvacionniyta chayachinaykipaq”, nispa.

Isaías 52:10

Tayta Diosmi atiyninta llapallan nacionkunaman qawarichin, tukuy hinastinpi kaqkunam Diosninchik salvawasqanchikta yachanqaku.

Isaías 66:19

Paykunamanmi huk señalta qosaq. Wañuymanta lluptiqkunatam kay nacionkunaman kachasaq: Tarsis llaqtaman, Libia llaqtaman, flechana arma manejaq Lidia llaqtaman, Tubal llaqtaman Grecia llaqtaman, hinaspa lamar qochapa patankunapi karu nacionkunamanpas. Chaypi kaq runakunaqa manam haykapipas ñoqamanta uyarirqakuchu, nitaqmi atiyniytapas reqsinkuchu. Paykunam chay nacionkunaman atiyniymanta willamunqaku.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Mateo 24:14

Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Marcos 16:15

Chaymi paykunata Jesús nirqa: Tukuy hinastinman rispaykichik kay evangeliota llapa runakunaman willakamuychik.

Lucas 1:35

Chaymi angelñataq nirqa: Chuya Espiritum qanman hamunqa, hinaptinmi hanaq pachapi Diospa atiynin llantuy hina pampaykusunki. Chayraykum naceq chuya wawaqa Diospa Churinwan sutichasqa kanqa.

Lucas 10:19

Atiytam qoykichik maqta urukunata hinaspa atoq-atoqkunata sarunaykichikpaq chaynataq supaypa atiyninta vencenaykichikpaqpas, manam imapas imanasunkichikchu.

Lucas 24:29

Hinaptinmi paykunañataq harkaspanku nirqaku: Tutaykamuchkanñam, kayllapiña samapakusunchik, nispanku. Chaymi Jesusqa paykunawan samakunanpaq yaykurqa.

Juan 15:27

Qamkunapas ñoqamantam willakunkichik, qamkunaqa qallariyninmantapunim ñoqawan karqankichik.

Hechos 1:22

Paykunam Juanpa bautizay qallarisqanmantapuni ñoqanchikwan karqaku hanaq pachaman Jesús ripukunankama. Chaymi paykunamanta hukkaqninta akllananchik, Jesucristopa kawsarimusqanmanta ñoqanchikwan kuska willakunanpaq, nispa.

Hechos 1:5

Cheqaptam Juanqa yakuwan bautizarqa, ichaqa kay-kay punchawkunallapim Chuya Espirituwan bautizasqa kankichik.

Hechos 13:31

Chaymi achka punchaw rikurirqa Galileamanta Jerusalenman riqmasinkunaman. Paykunam Israelpa mirayninkunaman Jesusmanta willakunku.

Hechos 2:32

Kay Jesustam Dios kawsarichimurqa, cheqaptapunim chaytaqa llapallayku rikurqaniku.

Hechos 22:15

Qanmi tukuy hinastinpi runakunaman Jesusmanta rikusqaykitawan uyarisqaykita willakunki.

Hechos 3:15

Chaynapim kawsay qokuq Jesusta wañuchirqankichik. Ichaqa Dios Taytam kawsarichimurqa, chaymi Jesús kawsarimusqan rikusqaykumanta testigo kaniku.

Hechos 4:33

Apostolkunam aswan atiywanraq willakurqaku Jesucristopa kawsarimusqanmanta, chaymi llapallankuta llumpayta Dios yanaparqa.

Hechos 5:32

Kaykunamantaqa ñoqaykum testigo kaniku, testigotaqmi kasukuqninkunaman Diospa qosqan Chuya Espiritupas.

Hechos 6:8

Estebanmi Diospa ancha bendecisqan kaspa chaynataq Diospa atiyninwan huntarisqa kaspan llapa runakunapa chawpinpi milagrokunata ruwaq.

Hechos 8:1

Saulom allinpaq hapirqa Esteban wañuchisqankuta. Hina chay pun-chawllapim Jerusalenpi iñiqkunata ñakarichinankupaq qatikachayta qallay-kurqaku. Chaymi llapa iñiqkuna Judea lawman hinaspa Samaria lawman che-qerurqaku, apostolkunallañam qeparurqaku.

Romanos 10:18

Ichaqa ñoqam tapukuni: ¿Manachu willakuytaqa uyarirqaku? ¡Paykunaqa uyarirqakupunim! Chuya Qellqapim kaynata nin: “Lliw kay pachamanmi willakuyninkuqa chayarqa, palabrankunañataqmi kay pachapa patankama chayarqa”, nispa.

Romanos 15:19

Paypunim señalkunata hinaspa milagrokunata Chuya Espiritupa atiyninwan ruwachiwarqa. Chaymi Cristomanta allin noticiakunata tukuy hinastinpi willakurqani, Jerusalenmanta qallaykuspay Ilírico lawkama.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.