Hechos 1:6 - CHUYA QELLQA La Biblia en Quechua de Ayacucho 2012

⁶ Huñunasqa kachkaptinkum apostolninkuna Jesusta tapurqaku: Señorllayku, ¿kunanpunichu Israel nacionta musoqmanta hatarichinki? nispanku.

Quechua Ayacucho Bible 1987

⁶ Huñunasqa kachkaptinkum apostolninkuna Jesusta tapurqaku: —Señorllayku ¿kunanpunichu libranki Israel nacionta ñawpaq hina kananpaq? —nispa.

Chuya Qellqa 1992

⁶ Huñunasqa kachkaptinkum apostolninkuna Jesusta tapurqaku: Señorllayku ¿kunanpunichu Israel nacionta musoqmanta hatarichinki? nispanku.

Hechos 1:6 Iomraidhean Croise

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Isaías 1:26

Ñawpaq tiempopi hinam jueznikikunatapas chaynallataq umachasuqnikikunatapas hatarichisaq. Chaymi allinkuna ruwaqwan, hinaspa Diosllapi hapipakuq llaqtawan sutichasqa kanki.

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Daniel 7:27

Kay pachapi gobiernokunapa munaychakuyninpas, atiyninkupas, hatun kayninkupas tukuy imapa hawanpi munaychakuq Diospa llaqtanmanmi qosqa kanqa, munaychakuyninqa wiña-wiñaypaqmi takyanqa, chaymi llapallan llaqtakuna payllataña servispanku kasukunqaku, nispa.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Amós 9:11

Tayta Diosmi kaynata nin: Chay punchawkunapim Davidpa munaychakuyninta hatarichisaq, uchkunkunata wichqaykuspaymi perqankunatapas allichaykusaq, hinaspaymi ñawpaq tiempopi hina hatarichisaq.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 17:11

Chaymi Jesús nirqa: Arí, cheqaptaqa Eliasmi puntata hamunqa, paymi tukuy imata musoqmanta hatarichinqa.

Mateo 20:21

Jesusñataqmi tapurqa: ¿Imatataq munanki? nispa. Chaymi Zebedeopa warmin nirqa: Kamachiyá munaychakuynikipi kay iskaynin wawaykuna, huknin alleq lawnikipi hukninñataq ichoq lawnikipi tiyanankupaq, nispa.

Mateo 24:3

Chaymantam Olivos moqoman pasarqaku, chaypi Jesús tiyaykuptinmi llapa discipulokuna sapanpi tapurqaku: Niykuwaykuyá, ¿haykapitaq kay nisqaykikuna pasakunqa? ¿Ima señaltaq kanqa kutimunaykita hinaspa kay pacha puchukananmanta yachanaykupaq? nispanku.

Marcos 9:12

Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Lucas 17:20

Haykapim Diospa munaychakuynin hamunanmanta fariseokuna tapuptinmi, Jesusñataq nirqa: Diospa munaychakuyninqa mana pipapas yachasqallantam hamunqa.

Lucas 19:11

Jesusmi Jerusalenman hichpay-kuchkarqaña, uyariqnin runakunañataqmi Diospa munaychakuyninqa qallaykunantaña piensarqaku. Chayraykum kay rikchanachiyta

Lucas 22:29

Chayraykum, imaynam Taytay munay-chakuq kanaypaq churawasqanta hina qamkunatapas munaychakuq kanaykichikpaq churaykichik,

Juan 21:21

Payta rikuruspanmi Jesusta Pedro tapurqa: Señor, paytaqa, ¿imataq pasanqa? nispa.