Hechos 1:24 - CHUYA QELLQA La Biblia en Quechua de Ayacucho 2012

²⁴ Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Quechua Ayacucho Bible 1987

²⁴ Akllaruptinkum chaypi kaqkuna mañakurqaku kaynata: —Señorllayku, qamllam yachanki lliw runapa sonqonta. Reqsiykachiwaykuyá mayqanpas kay iskayninmanta akllasqaykita

Chuya Qellqa 1992

²⁴ Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 1:24 Iomraidhean Croise

1~Reyes 8:39

hanaq pachapi wasikimanta uyariykamuspa pampachaykuy. Hinaspayá sapakamaman imaynam kawsasqankuman hina pagaykapuy, qamllam llapa runapa son-qontaqa reqsinki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Proverbios 15:11

Wañuywan wañusqakunapa kasqanpas Tayta Diospa qayllanpim kachkan, aswanraqmi runakunapa imaynam kawsasqanqa paypa rikusqallan kachkan.

Jeremías 11:20

Tukuy Atiyniyuq Dios Taytalláy, qamqa mana pimanpas sayapakuq juezmi kanki, runapa yuyaymanayninkunatawan tukuy sonqontam reqsinki. Paykuna vengakusqaykita qawaykachiway, qanmanmi kay sasachakuyniyta willakamuyki.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Jeremías 20:12

Tukuy Atiyniyuq Dios Taytalláy allin ruwaq runakunapa sonqontam reqsinki, runapa yuyaymanaynintam reqsinki, paykunamanta vengakusqaykita qawachiway, qanmanmi kay sasachakuyniykunata willakamuyki.

Números 27:16

Llapallan runakuna kawsachiq Dios Taytalláy, qamyá hukkaqninta akllay llaqtaykita kamachinanpaq,

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

Hechos 6:6

Paykunatam apostolkunaman pusamurqaku, apostolkunañataqmi paykunapa hawanman makinkuta churaykuspanku Diosta mañakurqaku.

Romanos 8:27

Llapa runakunapa sonqon reqsiq Diosmi yachan Chuya Espiritupa imam nisqanta. Payqa Diospa munasqanman hinam llapallan iñiqkunapaq mañapun.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

1~Samuel 14:41

Hinaptinmi Saulñataq Israelpa yupay-chasqan Tayta Diosta nirqa: Kunan reqsiykachiwayku, ¿pitaq qampa contraykipi huchallikurun? nispa. Hinaptinmi churin Jonatanman tuparurqa. Chaynapim Saulwan runakunaqa mana huchayuq karqaku.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.