Hechos 1:15 - CHUYA QELLQA La Biblia en Quechua de Ayacucho 2012

¹⁵ Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

Quechua Ayacucho Bible 1987

¹⁵ Huk punchaw yaqa pachak iskay chunkan iñiqkuna huñunasqa kachkaptinmi Pedro sayariykuspa nirqa:

Chuya Qellqa 1992

¹⁵ Huk punchaw yaqa pachak iskay chunka iñiqkuna huñunasqa kachkaptinmi sayariykuspa Pedro nirqa:

Hechos 1:15 Iomraidhean Croise

Mateo 13:31

Jesusmi huk rikchanachiytawan nirqa: Diospa munaychakuyninqa rikchakun huk runapa tarpusqan mostaza muhumanmi.

Lucas 22:32

ichaqa ñoqam qampaq mañakuruni, chaynapi iñiyniki mana pisinanpaq. Qamñataqmi ñoqaman kutirimuspayki iñiqmasikikunata kallpanchanki, nispa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Juan 21:23

Chaymi iñiqkuna ukupi noticia karqa: “Chay discipuloqa manas wañun-qachu”, nispanku. Jesusqa nichkarqa manam mana wañunanmantachu, payqa nirqa: “Munaptiyqa payqa kawsanmanmi kutimunaykamapas, ¿imataq qamtaqa qokusunki?”, nispam.

Hechos 10:23

Hinaptinmi Pedroñataq chay wasiman paykunata yaykuykachispan samachirqa, hinaspanmi paqarinnintin punchaw paykunawan pasarqa, Jope llaqtapi yachaq wakin iñiqkunapas riysirqakum.

Hechos 11:1

Judeapi kaq iñiqkunam apostolkunapiwan yacharurqaku mana judío kaq runakunapas Diospa palabran chaskisqankuta.

Hechos 11:12

Chaymi Chuya Espíritu kamachiwarqa: “Paykunawan riy ama iskayrayaspayki”, nispa. Ñoqawantaqmi rirqaku kay soqta iñiqmasinchikkunapas, lliwmi chay runapa wasinman yaykurqaniku.

Hechos 11:26

Chaypim Antoquía iglesiapi huk watapuni karqaku achka iñiqkunata yachachistin. Antioquía llaqtapim Jesucristoman iñiqkunata “cristianokuna” nispa sutichayta qallaykurqaku.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Hechos 12:17

Pedroñataqmi makinwan señaschaspan upallachirqa, hinaspam paykunaman willarqa, Señorpa imaynam carcelmanta hurqomusqanta. Nirqataqmi: Kaytayá willaychik Jacobomanwan iñiqmasinchikkunaman, nispa. Chaymantam lloqsiruspan huklawman pasakurqa.

Hechos 14:2

Ichaqa Jesucristoman mana iñiq judiokunam, mana judío kaqkunata umacharuspanku iñiqkunapa contranpi hatarirachirqaku.

Hechos 15:1

Chay punchawkunapim wakin runakuna Judeamanta Antioquia-man rispanku, llapa iñiqkunata kaynata yachachirqaku: Moisespa kamachisqanman hina mana señalachikuspaykichikqa manam salvakuyta atiwaqchikchu, nispanku.

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 16:2

Iconio llaqtapi hinaspa Listra llaqtapi iñiqkunam Timoteomanta allinta rimaqku.

Hechos 16:40

Pablowan Silasñataqmi carcelmanta lloqsiruspanku Lidiapa wasinman rirqaku, hinaspankum chaypi iñiqkunata kallpanchaykuspanku pasakurqaku.

Hechos 17:10

Iñiqkunañataqmi, chay tutalla Pablotawan Silasta Berea llaqtaman ayqechirqaku. Berea llaqtaman chayaruspankum judiokunapa sinagoganman yaykurqaku.

Hechos 17:14

Hinaptinmi llapa iñiqkuna Pablota lamar qochapa patanman ayqechirqaku, Silaswan Timoteom ichaqa hina Berea llaqtallapi qeparurqaku.

Hechos 17:6

Mana chaypi tarispankuñataqmi Jasontawan wakin iñiqmasinkunata autoridadkunaman aysarqaku kaynata qayaykachakustin: Kay runakunaqa llapallan llaqtakunapim runakunata engañamuchkanku, hinaspam kaymanpas chayaramunku.

Hechos 18:18

Pablom unay punchawkuna Corinto llaqtapi qeparqa, hinaspam llapa iñiqkunamanta despedikuykuspan, Aquilawan hinaspa Priscilawan kuska Siria lawman pasarqaku. Cencrea llaqtaman chayaruptinkum, Diosman promesa ruwasqanta cumplinanpaq lliw chukchanta rutukururqa.

Hechos 18:27

Acaya lawman Apolos rinanpaq kaptinmi, Éfeso llaqtapi wawqe-panikuna kallpanchaspanku, chay llaqtapi kaq iñiqkunaman cartata qellqarqaku, chaynapi Apolos chayaptin allinllata chaskiykunankupaq. Chay llaqtaman Apolos chayaruspanmi, Diospa kuyakuyninman hina iñiqkunata llumpayta yanaparqa.

Hechos 21:17

Jerusalenman chayaruptiykum kusikuyllawanña llapa iñiqkuna chaskiwarqaku.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 21:7

Tiro llaqtamantam barcopi Tolemaida llaqtaman chayarqaniku, hinaspaykum iñiqkunata watukuspayku paykunawan huk punchaw qeparqaniku.

Hechos 22:5

Tukuy chaykunataqa sumo sacerdotewan kamachikuqkunapas allintam yachanku. Paykunam Damasco llaqtapi judiomasinchikkunapaq cartakunata qowarqaku, chaynapim iñiqkunata kay Jerusalenman presota apamuspay castigachinaypaq rirqani.

Hechos 28:14

Chaypim wakin iñiqmasinchikkunata tarirqaniku, hinaptinmi ruegawarqaku huk semana paykunawan kanaykupaq. Chayñam Roma llaqtaman chayarqaniku.

1~Corintios 15:6

hinaspa pichqa pachak masnin huñunasqa wawqe-panikunaman, wakinkunaqa kaw-sakuchkanraqmi, wakinkunam ichaqa wañukunkuña.

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Apocalipsis 3:4

Sardispiqa kachkanmi iskay-kimsallapas pachanku mana qanrachaqkuna, paykunaqa yuraq pachayuqmi ñoqawan purinqaku, chaypaq hina kasqankurayku.