Hebreos 9:9 - CHUYA QELLQA La Biblia en Quechua de Ayacucho 2012

⁹ Chaykunaqa rikchakurqa kunan pun-chawkunapi kaqta qawachiwananchikpaqmi. Huchankurayku animalkuna wañuchisqanku ofrendakunaqa manam chay ofreceqkunapa sonqontaqa chuyanchayta atirqachu.

Quechua Ayacucho Bible 1987

⁹ Kaykunaqa kunan tiempokunapaq ejemplom. Huchankurayku ofrendakunawan wañuchisqanku animalkunaqa chay qoqkunapa sonqontaqa manam *f**chuyanchayta atiqchu.

Chuya Qellqa 1992

⁹ Kaykunaqa rikchakurqa kunan punchawkunapi kaqta qawachiwananchikpaqmi. Huchankurayku animalkuna wañuchisqanku ofrendakunaqa manam chay ofreceqkunapa sonqontaqa chuyanchayta atinchu.

Hebreos 9:9 Iomraidhean Croise

Romanos 5:14

Ichaqa Adanmanta Moiseskamam lliw huchallikuqkunapi wañuy munaychakurqa, paykunaqa manam Adán hinachu kamachikuypa contranpi huchallikurqaku. Adanmi karqa hamuq Cristopa rikchaynin.

Gálatas 3:21

Moisespa kamachisqankunaqa, ¿Diospa promesanpa contranpichu kachkan? ¡Manapunim! Manam ima leypas kanchu chayta kasukuspanchik wiñay kawsananchikpaqqa. Chayna kaptinqa, chaywanchiki cheqapta mana huchayuqpaqña Dios chaskiwachwan karqa.

Hebreos 10:11

Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku.

Hebreos 11:19

Abrahamqa yacharqam wañusqatapas Diosqa atiyninwan kawsarichiq kasqanta. Chayraykum Abrahamqa wañusqamanta kawsarimuqta hinaña churinta chaskiykurqa.

Hebreos 5:1

Llapallan Sumo sacerdotekunataqa Diosmi runakunamanta akllan, paykunaqa churasqa kachkanku runakunapa rantinpi Diosman asuykuspa, sacrificiokunatawan ofrendakunata Diosman presentanankupaqmi hinaspa animalkunatapas wañuchispa paypaq kañanankupaqmi.

Hebreos 7:11

Leviypa castanmantawan Aaronpa castanmanta sacerdotekunata Dios churaspanmi Israel runakunaman leyninta qorqa. Chaywanpas chay casta sacerdotekunaqa manam runakunataqa chuyanchayta atirqakuchu. Chayraykum Diosqa Melquisedecman rikchakuq sacerdotetaña churarqa, manam Aaronpa castanmantachu, aswanqa Melquisedecmantañam.

Hebreos 8:4

Sapaq sacerdotekuna kachkaptinqa, kay pachapiraq kaspanqa payqa manam sacerdoteqa kanmanchu leyman hina hucharayku ofrendakunata presentananpaqqa.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.