Hebreos 9:8 - CHUYA QELLQA La Biblia en Quechua de Ayacucho 2012

⁸ Chayna kasqanraykum Chuya Espiritupa yachachisqanpi hinapas Chuyay-chuyay lugarqa manaraq kichasqachu karqa, chaynaqa karqa chay Chuya lugarqa hinallaraq kasqanraykum.

Quechua Ayacucho Bible 1987

⁸ Chayna kasqanraykum Chuya Espiritupa yachachisqanpi hinapas Chuyay-chuyay sutiyoq cuartomanqa manaraq punku kichasqachu karqa, chaynaqa karqa chay Chuya Cuarto hinallaraq kasqanraykum.

Chuya Qellqa 1992

⁸ Chayna kasqanraykum Chuya Espiritupa yachachisqanpi hinapas Chuyay-chuyay lugarqa manaraq kichasqachu karqa, chaynaqa karqa chay Chuya lugarqa hinallaraq kasqanraykum.

Hebreos 9:8 Iomraidhean Croise

Isaías 63:11

Moisesmantawan llaqtanmanta yuyarispankum tapunakurqaku: ¿Maypitaq kachkan lamar qochamanta michiqninkunatawan ovejankunata salvaq Diosqa? ¿Maypitaq kachkan Moisesman Chuya Espirituta qoq Diosqa?

Lucas 1:80

Juanmi wiñaspan espiritupi kall-panchakurqa, hinaspam chunniqkunapi yacharqa Israelpa mirayninkunaman reqsichikunankama.

Juan 10:7

Jesusmi huktawan nirqa: Cheqaptapunim nikichik, ñoqam ovejakunapa yaykunan punku kani.

Juan 10:9

Ñoqam punku kani, pipas ñoqantakama yaykuqqa salvasqam kanqa. Yaykunqam, hinaspam lloqsinqa, pastokunatapas tarinqataqmi.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Hechos 28:25

Mana huk sonqolla kaspa asurikuptinkum Pablo nirqa: Allintapunim ñawpaq taytanchikkunamanqa Chuya Espíritu profeta Isaiasnintakama kaynata nirqa:

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Efesios 2:18

Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.

Hebreos 10:15

Chuya Espiritum kaynata willawanchik:

Hebreos 3:7

Chaynaqa, imaynam chuya Espiritupa nisqanman hina: Sichum kunan, Diospa nisqanta uyarispaqa,

Hebreos 9:3

Iskay kaq rakinaq velopa qepa lawninpiñataqmi karqa “Chuyay-chuyay” sutiyuq lugar.

2~Pedro 1:21

Manataqmi profetakunaqa qellqarqa runapa munasqanman hinallachu, aswanqa Chuya Espiritupa yuyay qosqanman hinam Diosmanta rimarqaku.