Hebreos 9:4 - CHUYA QELLQA La Biblia en Quechua de Ayacucho 2012

⁴ Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Quechua Ayacucho Bible 1987

⁴ Chaypim karqa incienso kañana qorimanta *f**altar, chaypitaqmi karqa qoriwan qarachasqa contrato baulpas. Baulpa ukunpiñataqmi karqa Diospa apachimusqan mikuyniyoq qori manka, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Chuya Qellqa 1992

⁴ Chaypim karqa incienso kañana qorimanta altar, chaypitaqmi karqa qoriwan llusisqa pacto Arcapas. Arcapa ukunpiñataqmi karqa qori mankapi “maná” sutiyuq mikuy, Aaronpa iklliruq tawnan chaynataq chunkantin kamachikuy qellqasqa iskay tabla rumikunapas.

Hebreos 9:4 Iomraidhean Croise

1~Reyes 7:50

copan-kunatapas, mecha kaptanapaq tijeraku-natapas, tazonkunatapas, wisllakunatapas chaynataq incienso qontichinakunatapas. “Chuyay-chuyay” sutiyuq cuartopa chaynataq “Chuya” sutiyuq cuartopa punkunkunatapas qorimantam ruwachirqa.

1~Reyes 8:21

Arcapaqpas sitiotam alistaruni, chay Arcapim kachkan Egipto nacionmanta hurqomuspa ñawpaq taytanchikkunawan Tayta Diospa pacto ruwasqan, nispa.

1~Reyes 8:9

Arcapa ukunpiqa manam imapas hukqa karqachu, aswanqa Horeb orqopi Moisespa churaykusqan iskay tabla rumikunallam. Chay tabla rumikunapim, Egiptomanta lloqsiramuptinku Israelpa mirayninkunawan Tayta Diospa pacto ruwasqan qellqaspa karqa.

2~Crónicas 5:10

Arcapa ukunpiqa manam imapas hukqa karqachu, aswanqa Horeb orqopi Moisespa churasqan iskay tabla rumikunallam. Chay tabla rumikunapim Egiptomanta lloqsiramuptinku Israelpa mirayninkunawan Tayta Diospa pacto ruwasqan qellqasqa karqa.

Éxodo 26:33

Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 32:15

Moisesmi orqomanta kutimurqa iskay tabla rumikunapi chunkantin kamachikuyta aparikuspa, chaykunaqa iskay lawninpi qellqasqam karqa.

Éxodo 34:29

Chaymantam Moisesqa Sinaí orqomanta uraykamurqa chunkantin kamachikuykunata iskay tabla rumikunapi marqarikuspan, ichaqa manam musyakurqachu Tayta Dioswan rimasqanrayku uyan kancharisqantaqa.

Éxodo 37:25

Bezaleelqa incienso kañanapaq altartapas acacia tablamantam ruwarqa. Chay altarqa cuadradom karqa, tawan lawninmi yaqa parte metrokama karqa, sayayninñataqmi yaqa huk metro. Altartapas tawan waqrachankunatapas huk piezallamantam ruwarqa.

Éxodo 39:35

Diospa pacto ruwasqan Arcata, varillankunata, Arcapa tapanta,

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Levítico 16:12

Chaymantañataqmi ñoqa Tayta Diospa qayllaypi kaq altarmanta nina sansayuq incienso qontichinata hurqoykunqa, hapiykunqataqmi miski asnaq kutasqa inciensotapas iskay aptayta, hinaspam carpapi velopa qepanman apaykunqa.

Números 17:10

Hinaptinmi Moisesta Tayta Dios nirqa: Aaronpa tawnanta Arcapa ñawpaqninman kutiykachiy, mana kasukuq Israelpa mirayninkuna chayta qawaspa manaña contraypi rimanankupaq hinaspa mana wañunankupaq, nispa.

Números 17:5

Akllasqay runapa tawnanta ikllirachiptiymi ñoqapa qayllaypi Israelpa mirayninkuna manaña contraykichikpi rimanqakuñachu, nispa.

Números 17:8

Paqarinnintinta Tayta Diosman asuykuna carpaman Moisés yaykuykuptinmi, Leví ayllumanta kaq Aaronpa tawnan iklliramuspa waytachkasqa, hinaspam almendraskunata rururusqa.

Deuteronomio 9:11

Tawa chunka punchawwan tawa chunka tuta pasaruptinmi, Tayta Diosqa pacto ruwasqanta chay iskay tabla rumikunapi qowarqa.

Deuteronomio 9:9

Ñoqam orqoman qespirqani tabla rumikunata chaskiq. Rirqaniqa qamkunawan Tayta Diospa pacto ruwasqan tabla rumikuna chaskiqmi. Chay orqopim tawa chunka punchaw hinaspa tawa chunka tuta kamurqani, mana mikuspa nitaq yakutapas tomaspa.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 8:3

Hinaptinmi huk ángel qorimanta qontichinayuq hamuspan altarpa waqtanpi sayaykurqa, paymanmi qoykurqaku achka inciensota iñiqkunapa mañakuyninman yapaykuspan qorimanta altarpa hawanpi kañananpaq. Chay altarqa kachkasqa Diospa trononpa ñawpaqninpim.