Hebreos 9:1 - CHUYA QELLQA La Biblia en Quechua de Ayacucho 2012

¹ Ñawpaq pactoman hinaqa Diosta yupaychanapaqqa karqam kamachikuykuna, karqataqmi kay pachapi payman asuykuna carpapas.

Quechua Ayacucho Bible 1987

¹ Ñawpaq contratoman hina Diosta adoranapaqqa karqam kamachikuykuna, karqataqmi payman asuykuna karpapas.

Chuya Qellqa 1992

¹ Ñawpaq pactoman hinaqa Diosta yupaychanapaqqa karqam kamachikuykuna, karqataqmi kay pachapi payman asuykuna carpapas.

Hebreos 9:1 Iomraidhean Croise

Éxodo 25:8

Hinaspam huk santuariota ruwapuwanki qamkuna ukupi yachanaypaq.

Ezequiel 43:11

Sichum tukuy mana allinkuna ruwasqankumanta penqarikuptinkuqa, imaynam kay templo ruwasqa kananta willay, willaytaq maypim tukuy imankuna tarikunanta, maypim yaykuna punkun hinaspa lloqsina punkun kananta, imaynam chay templo kananta hinaspa ruwayman churananku kamachikuykunatapas. Dibujaspayki kaykunata qawachiy chayman hina ruwanankupaq. Kamachikuykunatapas qellqaytaq ruwayman churanankupaq.

Levítico 18:30

Chaynaqa, kay kamachisqaykunatayá kasukuychik, amayá millakuypaq kaqkunataqa ruwaychikchu imaynam qamkunamanta ñawpaq runakuna hinaqa. Chaykunawanqa amayá millarikuypaqtaqa ruwakuychikchu. Ñoqa Tayta Diosmi, Diosnikichik kani, nispa.

Levítico 22:9

Chaynaqa, kay kunasqaykunata kasukuchunku, chaynapi ama huchalli-kunankupaq hinaspa kay kunasqaykunata penqayman churaspa ama wañurunankupaq. Ñoqa Tayta Diosmi paykunataqa kikiypaq sapaqchani.

Números 9:12

Ofrecesqanku animalpa aychantaqa amam paqarinnintin punchawkamaqa puchunqakuchu, nitaqmi tulluntapas pakinqakuchu. Pascua fiestataqa kamachikuyniykunaman hinam ruwankichik.

Lucas 1:6

Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

Hebreos 8:13

Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

Hebreos 8:2

Payqa cheqap Chuyay-chuyay lugarpim sacerdotekunapa ruwananta ruwachkan, kikin Diospa ruwasqan carpapi, chaytaqa manam runachu ruwarqa.

Hebreos 8:7

Sichum punta kaq pacto mana pan-tayniyuq kanman karqa, hinaptinqa manañachiki qepa pactoqa necesarioñachu kanman karqa.

Hebreos 9:24

Cristoqa manam runakunapa ruwasqan santuariomanchu yaykurqa. Moisespa ruwasqan chay sitioqa hanaq pachapi cheqap santuarioman rikchakuqllam karqa. Cristoqa hanaq pachamanpunim yaykurun, chaypim ñoqanchikrayku Diospa qayllanpi mañapuwachkanchik kachkan.