Hebreos 8:9 - CHUYA QELLQA La Biblia en Quechua de Ayacucho 2012

⁹ Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.

Quechua Ayacucho Bible 1987

⁹ Ichaqa manam abuelonkunawan contrato rurasqayta hinachu rurasaq. Paykunatam Egipto nacionmanta makinkumanta aysamuchkaq hina horqomurqani. Paykuna mana kasukuptinmi ñoqatapas manaña imapas qokuwarqachu. Chaynatam nin Señor.

Chuya Qellqa 1992

⁹ Ichaqa manam ñawpaq taytaykichikkunawan pacto ruwasqayta hinachu ruwasaq. Paykunatam Egipto nacionmanta, makinkumanta aysamuchkaq hina hurqomurqani. Paykuna mana kasukuptinmi ñoqatapas manaña imapas qokuwarqachu. Señormi chaynata nin.

Hebreos 8:9 Iomraidhean Croise

Génesis 19:16

Lot mana utqayman lloqsiptinmi, Tayta Diospa kuyapayakuyninman hina, chay iskaynin angelkuna Lotta, warminta hinaspa iskaynin warmi churinkunata makinmanta aysaspa llaqtamanta hawaman hurqorqaku.

Jobwan Sutichasqa Libro 8:20

Diosqa manam saqenchu allin kawsakuq runataqa, mana allin runatam ichaqa mana yanapanchu.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Éxodo 34:10

Tayta Diosmi nirqa: Ñoqam llapallan runaykikunapa ñawpaqninpi pactota ruwasaq, kay pachapi nitaq maylaw nacionpipas mana pipapas ruwasqantam admirakuypaq milagrokunata ruwasaq, maymi qampa kasqaykipim llapallan Israel runakuna ñoqapa ruwasqayta rikunqaku, mancharikuypaqmi qanwan ruwasqaykunaqa kanqa.

Cantares 8:5

¿Pitaq wak warmiqa kuyay yananman hapipakuykuspa chunniqmanta hamuchkan? Manzana sachapa sikinpim rikchachirqayki, chaypim mamayki dolorwan hapichikurqa, chaypim mamayki wachakusurqanki.

Isaías 40:11

Ovejankunata michinanpaqmi hamunqa, uñachankunatam marqayninpi apanqa, chayllaraq wachakuq ovejakunatam allillamanta pusanqa.

Isaías 41:13

Ñoqa Tayta Diosmi, Diosnikichik kani, alleq makikichikmanta hapiqnikichikmi kaynata nikichik: “Ama manchakuychikchu, ñoqam yanapasqaykichik”, nispa.

Isaías 51:18

Llapallan wachakusqayki wawaykikunamantapas manam mayqanpas makikimanta pusasuqniki kanchu, lliw uywasqayki warmakunamantapas manam hukllapas makikimanta pusasuqniki kanchu.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Lamentaciones 4:16

Tayta Diosmi paykunata cheqerachirqa, manañam paykunataqa qawarirqañachu, sacerdotekunapas manaña respetasqam karqaku, yuyaqkunapas manaña llakipayasqam karqaku.

Ezequiel 16:59

Ñoqa Tayta Diosmi kaynata nini: Juramentowan pacto ruwasqanchikta mana kasukusqaykimantam merecesqaykiman hina castigasqayki.

Ezequiel 16:8

Huktawan chayninta pasachkaspaymi, casarakunaykipaq hina tiempoykipiña kasqaykita qawaykurqani. Chaymi capayta mastarispay qalalla cuerpoykita tapaykurqani; hinaspam ñoqapaña kanaykipaq qanwan pactota ruwarqani; chaymantam ñoqapaña karqanki. Ñoqa Tayta Diosmi chaynata nini.

Amós 5:22

Sacrificiokunata kañaspa kawsaykunamanta ofrenda qowasqaykichiktapas manam chaskisqaykichikchu; ñoqawan allinyanakunaykichikpaq wira animalkuna wañuchipuwasqaykichiktapas manam rikuytapas atinichu.

Malaquías 2:13

Chaywanpas qamkunaqa chayna runamantapas mastaraqmi ruwanki-chik: Qamkunaqa Diospa altarnintapas weqekichikwan nuyuchispam qaparis-paraq waqankichik. Chaynataqa ruwan-kichik ofrenda apamusqaykichikta Tukuy Atiyniyuq Tayta Dios manaña chaskisuptikichikmi.

Marcos 8:23

Chaymi Jesusñataq ñawsata makinmanta aysarikuspan llaqtamanta hawanman pusarurqa, hinaspanmi ñawinman toqaykuspan makinta hawanman churaykuspan tapurqa: ¿Yaqachu rikukuchkankiña? nispa.

Hechos 13:11

Kunanmi Señor castigasunki, ñawsayaruspaykim unay punchawkuna intipa kanchaynintapas mana rikunkichu, nispa. Hinaptinmi chayllapuni tutayaypi rikurirurqa, chaymi manaña rikukuspan, tampikachaspan pipas makinmanta pusaqninta maskarqa.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Hechos 9:8

Sauloñataqmi pampamanta hatarispan ñawsayarusqanrayku manaña imatapas rikurqachu. Chaymi makinmanta aysaspanku Damascoman pusaykurqaku.

Gálatas 4:24

Kay iskay warmikunam rikchakun iskaynin pactoman, huknin pactom Sinaí orqomanta hamun, chaytam esclava Agarwan rikchanachinchik, paymi wawakunata wachakun esclavo kanankupaq.

Deuteronomio 29:1

Horeb orqopi pactota Tayta Dios ruwaruchkaspanpas, Moab nacionpiña kachkaptinkum Moisesta huktawan kamachirqa Israelpa mirayninkunawan pactota ruwananpaq.

Deuteronomio 29:12

Llapallaykichikmi huñu-nasqa kachkankichik Señornikichik Tayta Dioswan pactota ruwaspa kunan juranaykichikpaq.

Deuteronomio 29:25

Chaymi ninqaku: “Ñawpaq taytankupa yupaychasqan Tayta Diosmi Egipto nacionmanta hurqomuspan paykunawan pactota ruwarqa, chay pacto saqerusqankuraykum kaynata ruwarachikunku.