Hebreos 8:8 - CHUYA QELLQA La Biblia en Quechua de Ayacucho 2012

⁸ Chayraykum Israelpa mirayninkunata qaqchaspan Dios nirqa: Hamuchkanmi punchawkuna Israel miraykunawan chaynataq Judá castakunawan musoq pactota ruwanaypaq.

Quechua Ayacucho Bible 1987

⁸ Chayraykum Israelpa mirayninkunata qaqchaspan Dios nirqa: Hamuchkanmi punchawkuna Israel castakunawan chaynataq Juda castakunawan mosoq contrato ruranaypaq.

Chuya Qellqa 1992

⁸ Chayraykum Israelpa mirayninkunata qaqchaspan Dios nirqa: Hamuchkanmi punchawkuna Israel miraykunawan chaynataq Judá castakunawan musoq pactota ruwanaypaq.

Hebreos 8:8 Iomraidhean Croise

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 23:7

Chayraykum Tayta Dios kaynata nin: Chayamunqam punchaw, “Israelpa mirayninkunata Egipto nacionmanta hurqomuq kawsaq Tayta Diosraykum jurani” nispa manaña juranankupaq.

Jeremías 30:3

Hamuchkanmi punchaw Israel llaqtaymantawan Judá llaqtaymanta preso apasqa kaqkunata kutichimunaypaq. Ñoqa Tayta Diosmi nini: Paykunatam ñawpaq taytankuman qosqay allpaman kutichimusaq chaypi yachanankupaq, nispa.

Jeremías 31:27

Tayta Diosmi kaynata nin: Hamuchkanmi punchaw Israel naciontawan Judá nacionta runakunawan hinaspa animalkunawan huntachinaypaq.

Jeremías 31:38

Ñoqa Tayta Diosmi kaynata nini: Hamuchkanmi punchaw, Hananeelpa torrenmanta qallaykuspa esquina punkukama llaqtayta musoqmanta hatarichinankupaq.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Ezequiel 37:26

Hawka kawsakunankupaqmi pay-kunawan pactota ruwasaq. Chay pactoqa wiñaypaqmi kanqa. Paykunata anchallataña mirachispaymi temploytapas chawpinkupi wiñaypaq churasaq.

Mateo 26:28

Kayqa musoq pactota ruwasqay yawarniymi. Kay yawarmi achkaqpa rantinpi chaqchusqa kanqa, chaynapi huchanku pampachasqa kananpaq.

Marcos 14:24

Chaymi Jesús nirqa: Kaymi qamkunawan musoq pacto ruwasqay yawarniy, kay yawarmi achkaqpa rantinpi chaqchusqa kanqa.

Lucas 17:22

Discipulonkunatapas nirqataqmi: Chayamunqam punchaw runapa Churinpa hukkaqnin punchawninta rikuykuy munanaykichikpaq, ichaqa manam rikunkichikchu.

Lucas 22:20

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

Lucas 5:38

Mana poqosqa vinotaqa musoq odrekunamanmi hillpuna.

1~Corintios 11:25

Cenayta tukuruspanñataqmi copata hapiykuspan nirqa: Kay copam yawarniywan ruwasqay musoq pacto, kayta sapa kuti tomaspam ñoqamanta yuyariwankichik, nispa.

2~Corintios 3:6

Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

Deuteronomio 29:14

Tayta Diosqa kay pactotawan juramentotaqa manam qamkunallawanchu ruwan,

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 7:22

Chayraykum Jesusqa musoq pactota cheqapchan punta pactomantapas aswan allinta.

Hebreos 8:13

Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

Hebreos 8:6

Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.