Hebreos 8:6 - CHUYA QELLQA La Biblia en Quechua de Ayacucho 2012

⁶ Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

Quechua Ayacucho Bible 1987

⁶ Cristom ichaqa Diospa churasqanman hina aswan allinta ruran, chaynataqa ruran aswan allin contratopa garantizaqnin kasqanraykum. Chayna contratowanmi aswan allin promesakunata qowarqanchik.

Chuya Qellqa 1992

⁶ Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

Hebreos 8:6 Iomraidhean Croise

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.

Lucas 22:20

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

Efesios 2:12

Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

1~Timoteo 2:5

Hukllam Diosqa, hukllataqmi Dioswan runakunata allinyanachiqpas, chay allinyanachiqqa Jesucristom.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 7:22

Chayraykum Jesusqa musoq pactota cheqapchan punta pactomantapas aswan allinta.

2~Pedro 1:4

Chaynintakamam ancha valorniyuq hatun promesankunata qowarqanchik, chaynapi Dioswan huklla kananchikpaq hinaspa kay pachapi mana allin ruway munasqanchikmanta ayqenanchikpaq.