Hebreos 8:13 - CHUYA QELLQA La Biblia en Quechua de Ayacucho 2012

¹³ Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

Quechua Ayacucho Bible 1987

¹³ Mosoq contratomanta Dios rimaspanqa punta kaq contratotam mawkayarachinña. Mawkayachisqa manaña servikuq contratoqa chinkarunanpaq hinañam kachkan.

Chuya Qellqa 1992

¹³ Musoq pactomanta Dios rimaspanqa punta kaq pactotam mawkayarachinña. Mawkayachisqa manaña servikuq pactoqa chinkarunanpaq hinañam kachkan.

Hebreos 8:13 Iomraidhean Croise

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Lucas 22:20

Cenayta tukuruspanmi vinoyuq vasota hapiykuspan nirqa: Kay vasom yawarniywan ruwasqa musoq pacto, chaymi qamkunarayku chaqchusqa kanqa.

1~Corintios 13:8

Kuyakuyqa wiñaypaqmi, profeciakunam ichaqa tukunqa, mana reqsisqanchik rimaypi rimaykunapas tukunqam, yachaypas manañam kanqañachu.

2~Corintios 3:6

Paymi allinta yachachiwarqanchik imaynam musoq pactoman hina servikunanchikpaq. Manam qellqasqa leyman hinallachu aswanqa Espirituman hinam. Qellqasqa leyqa wañuymanmi apakun, Espiritum ichaqa kawsachikun.

2~Corintios 5:17

Chaynaqa, pipas Cristopi kaqqa musoq runañam, ñawpaq kaqkunaqa pasarunñam, kunanqa lliwmi musoqña.

Hebreos 1:11

Chaykuna puchukaruptinpas qamqa wiñaypaqmi takyanki, chaykunam ichaqa pacha hina mawkayarunqa.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 7:22

Chayraykum Jesusqa musoq pactota cheqapchan punta pactomantapas aswan allinta.

Hebreos 8:6

Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

Hebreos 8:8

Chayraykum Israelpa mirayninkunata qaqchaspan Dios nirqa: Hamuchkanmi punchawkuna Israel miraykunawan chaynataq Judá castakunawan musoq pactota ruwanaypaq.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.