Hebreos 8:11 - CHUYA QELLQA La Biblia en Quechua de Ayacucho 2012

¹¹ Manañam pipas runamasinta nitaq wawqentapas yachachinqachu: “Señorta reqsiy” nispaqa. Warmakunapas, yuyayniyuqkunapas llapallankum reqsiwanqaku.

Quechua Ayacucho Bible 1987

¹¹ Manañam pipas runamasinta nitaq wawqentapas yachachinqachu: “Señorta reqsiy” nispaqa. Llapallankum warmakunapas chaynataq yuyayniyoqkunapas reqsiwanqaku.

Chuya Qellqa 1992

¹¹ Manañam pipas runamasinta nitaq wawqentapas yachachinqachu: “Señorta reqsiy” nispaqa. Warmakunapas, yuyayniyuqkunapas llapallankum reqsiwanqaku.

Hebreos 8:11 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 30:22

Chaymi tukuy sonqowan Tayta Diosta serviq levitakunata sumaq rimaykunawan rey Ezequías kallpancharqa. Qanchis punchawmi fiestapi wañu-chisqanku animalkunata mikurqaku, Dioswan allinlla kasqankumanta ofrendatapas ofrecespankum ñawpaq taytankupa yupaychasqan Tayta Diosman graciasta qorqaku.

Esdras 7:25

Esdras, qamñataqmi Diosnikipa yachay qosusqaykiman hina, haykam Tayta Diospa kamachikuynin yachaqkunamanta juezkunatawan gobernadorkunata churanki, chaynapi Eufrates mayupa intipa seqaykunan lawninpi yachaq runakunata kamachinankupaq; mana yachaqkunatañataqmi qam yachachinki.

Isaías 2:3

Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 31:34

Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Jeremías 42:1

Careapa churin Johananmi tropakunapa capitanninkunawan, Osaiaspa churin Jezaniaswan chaynataq hatunpas taksapas llapallan runakunapiwan

Jeremías 42:8

Chaymi Jeremiasqa, Careapa churin Johananta, tropankunapa capitan-ninkunata chaynataq hatunpas taksa-pas llapallan runakunata qayachirqa.

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Ezequiel 34:30

Chaynapim yachanqaku ñoqa Tayta Dios paykunawan kasqayta; paykunam llaqtay kanqaku ñoqañataqmi Diosninku kasaq. Ñoqa Tayta Diosmi chaynata nini.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Juan 6:45

Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Hechos 8:10

Paytam taksapas hatunpas kasukuqku, hinaspam paymanta niqku: “Kay runapiqa Diospa hatun atiyninmi kachkan”, nispanku.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.