Hebreos 8:10 - CHUYA QELLQA La Biblia en Quechua de Ayacucho 2012

¹⁰ Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

Quechua Ayacucho Bible 1987

¹⁰ Chay punchawkuna pasaruptin Israel castakunawan contrato ruranayqa ñoqa señorpa nisqayman hinam kayna kanqa: yachachikuyniytam sonqonkupi churasaq hinaspam qellqasaqtaq yuyayninkupipas. Paykunapaqmi Diosninku kasaq, paykunañataqmi runaykunaña kanqa.

Chuya Qellqa 1992

¹⁰ Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

Hebreos 8:10 Iomraidhean Croise

Éxodo 24:4

Chaymi Tayta Diospa tukuy nisqankunata Moisés qellqarqa, hinaspam tutapayta hatarispan Sinaí orqopa ñawpaqninpi huk altarta ruwaspan chunka iskayniyuq rumikunata sayachirqa, chaynataqa ruwarqa Israelpa chunka iskayniyuq ayllunkunaman hinam.

Éxodo 24:7

Chaymantam Diospa pacto ruwasqan librota hapiykuspan runakuna uyarinanpaq leerqa, chaymi paykunañataq nirqaku: Tayta Diospa tukuy nisqanta kasukuspam ruwasaqku, nispanku.

Éxodo 34:1

Moisestam Tayta Dios nirqa: Iskay tabla rumikunata labray punta kaqkunata hina, ñuturusqayki tabla rumikunapi qellqatam musoqmanta qellqasaq.

Éxodo 34:27

Moisestam Tayta Dios nirqa: Kay nisqayta qellqay, kay nisqayman hinam qanwan hinaspa Israelpa mirayninkunawan pactoyta ruwani, nispa.

Cantares 2:16

Kuyaqniyqa ñoqapam, ñoqapas paypam kani, payqa rosas chawpikunapim ovejanta michin.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 31:1

Tayta Diosmi kaynata nin: Chay tiempopim Israelpa llapallan mirayninkunapa Diosnin kasaq, paykunañataqmi llaqtay kanqaku, nispa.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Jeremías 32:40

Paykunawanmi wiñaypaq pactota ruwasaq, hinaspaymi prometekusaq tukuy tiempo allinllata ruwanaypaq. Sonqonkumanmi manchakuyta churasaq, ñoqamanta mana haykapipas rakikuwanankupaq.

Ezequiel 37:27

Chaynapim paykunawan yachaspa Diosninku kasaq, paykunañataqmi llaqtay kanqaku.

Ezequiel 39:22

Israelpa miraykunapas chay punchawmanta qepamanmi Tayta Dios kasqayta yachanqaku.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Oseas 2:23

Kikiypaqmi llaqtayta kay pachapi hatarichisaq; mana llakipayanatapas llakipayaykusaqmi, “manam llaqtayñachu kanki” nisqaytapas, “llaqtaymi kanki” niptiymi paypas “Diosnilláy” niwanqa, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Zacarías 8:8

Kutichimuptiymi Jerusalenpi yachakunqaku, paykunam kanqa llaqtay, ñoqañataqmi Diosninku kasaq, paykunam ñoqapi hapipakunqaku, ñoqañataqmi nanachikuqninku kasaq, nispa.

Mateo 22:32

“Ñoqaqa kani Abrahampa, Isaacpa hinaspa Jacobpa Diosninmi” nisqanta? Diosqa manam wañusqakunapa Diosninchu, aswanqa kawsaqkunapa Diosninmi, nispa.

Romanos 11:27

Chaynapim pactoyta cumplisaq huchankuta qechuspay”, nispa.

1~Corintios 6:16

¿Manachu yachankichik pipas chuchumikawan kakuruspanqa huk cuerpollaña kasqankuta? Qellqapas kaynatam nin: Iskayninkum huk runa hinallaña kanqaku, nispa.

2~Corintios 3:3

Qamkunaqa kankichik Cristopa cartasqan hinam, ñoqaykuñataqmi chay carta apaqkuna kaniku. Chay cartaqa manam tintawan qellqasqachu, aswanqa kawsaq Diospa Espiritunwanmi, qellqasqaqa kachkan manam rumi labrasqapichu aswanqa runapa sonqonpim.

Deuteronomio 30:6

Señornikichik Tayta Diosmi qamkunatapas chaynataq miraynikichiktapas kasukuq sonqotaña ruwasunkichik, chaynapi tukuy sonqoykichikwan, tukuy vidaykichikwan payta kuyaspa allinta kawsanaykichikpaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Santiago 1:18

Paymi cheqap palabranta reqsiykachiwaspanchik musoqmanta nacechiwarqanchik, chaynapi lliw unanchasqankunamanta primicia hina kananchikpaq.

Santiago 1:21

Tukuy mana allin ruwaykunata hinaspa millay munapayaykunata saqespa, Diospa siminta llampu sonqowan chaskiychik. Paypa palabranqa almaykichikta salvaykunapaq atiyniyuqmi.

1~Pedro 1:23

Qamkunaqa musoqmantam nacerqankichik, ichaqa manam wañuq tayta-mamamantachu, aswanqa Diospa kawsaq hinaspa takyaq palabranmantam.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.