Hebreos 7:11 - CHUYA QELLQA La Biblia en Quechua de Ayacucho 2012

¹¹ Leviypa castanmantawan Aaronpa castanmanta sacerdotekunata Dios churaspanmi Israel runakunaman leyninta qorqa. Chaywanpas chay casta sacerdotekunaqa manam runakunataqa chuyanchayta atirqakuchu. Chayraykum Diosqa Melquisedecman rikchakuq sacerdotetaña churarqa, manam Aaronpa castanmantachu, aswanqa Melquisedecmantañam.

Quechua Ayacucho Bible 1987

¹¹ Leviypa castanmantawan Aaronpa castanmanta *f**sacerdotekunata Dios churaspanmi Israel runakunaman leyninta qorqa. Chaywanpas chay casta sacerdotekunaqa manam cabaltachu runakunata chuyancharqa. Chayraykum Diosqa churanan karqa Melquisedecman rikchakuq sacerdotetaña, payqa kanan karqa manam Aaronpa castanmantachu.

Chuya Qellqa 1992

¹¹ Leviypa castanmantawan Aaronpa castanmanta sacerdotekunata Dios churaspanmi Israel runakunaman leyninta qorqa. Chaywanpas chay casta sacerdotekunaqa manam runakunataqa chuyanchayta atirqakuchu. Chayraykum Diosqa Melquisedecman rikchakuq sacerdotetaña churarqa, manam Aaronpa castanmantachu, aswanqa Melquisedecmantañam.

Hebreos 7:11 Iomraidhean Croise

Gálatas 2:21

Chaynaqa, manam wischupakuymanchu Diospa kuyawasqantaqa, sichum kamachikuykunallata kasukuspa mana huchayuqpaqña chaskisqa kachwan, hinaptinqa yanqapaqchiki Jesucristopas wañurqa.

Gálatas 4:3

Chaynataqmi ñoqanchikpas warmallaraq kaspaqa kay pachapi mana allin costumbrekunapa esclavon karqanchik.

Gálatas 4:9

Kunanmi ichaqa cheqap Diostaña reqsirunkichik otaqmi payña reqsirusunkichik, hinaptinqa, ¿imaynampimá kay pachapi ñawpaq yachachikuykuna kasukuqqa kutiriwaqchik? ¿Huktawanchu esclavo kayta munankichik?

Hebreos 5:10

Diosñataqmi, imaynam Melquisedec karqa, chayna Sumo sacerdote kananpaq churarun.

Hebreos 5:6

Huklawpipas kaynatam nichkan: “Qamqa wiñaypaq sacerdotem kanki. Imaynam Melquisedec karqa, chaynam qampas kanki”, nispa.

Hebreos 6:20

Chaymanmi Jesusqa yaykurqa lliwmantapas puntata, ñoqanchikpaq ñanta kichapuwananchikpaq, yaykurqaqa Melquisedecman rikchakuq sacerdotekunapa kamachiqnin wiñaypaq karuspanmi.

Hebreos 7:10

Melquisedecwan tupanankupaq Abraham lloqsiptinqa Leviyqa manaraqmi nacerqaraqchu, payqa ñawpaq taytan Abrahampa ukullanpiraqmi kachkarqa.

Hebreos 7:12

Chaynaqa, sacerdoteta cambiachkaspaqa leyta-pas cambianantaqmi kanqa.

Hebreos 7:13

Melquise-decmanta hamuq sacerdoteqa sapaq ayllupa mirayninmanta kaqmi, manam sacerdote kananpaq akllasqa ayllumantachu.

Hebreos 7:15

Melquisedecman rikchakuq sacerdotepa rikurimusqanwanmi leypa cambiasqa kayninqa astawan sutillata qawachikun.

Hebreos 7:21

Cristom ichaqa juramentoman hina churasqa karqa, paymantam Qellqapas kaynata nin: Señormi kaynata juramentarqa, “Qamqa wiñaypaq sacerdotem kanki”, nispa. Chay jurasqanmantaqa manam qepamanqa kutinqachu.

Hebreos 8:7

Sichum punta kaq pacto mana pan-tayniyuq kanman karqa, hinaptinqa manañachiki qepa pactoqa necesarioñachu kanman karqa.

Hebreos 9:6

Diospa carpanpi tukuy ima chayna allichasqa kaptinmi hawa kaq lugarman sacerdotekuna chaylla-chaylla yaykuqku imam ruwanankuta ruwanankupaq.