Hebreos 6:4 - CHUYA QELLQA La Biblia en Quechua de Ayacucho 2012

⁴ Huk kutinpi achkiy chaskiqkunataqa, Diospa atiyninta chaskiqkunataqa, Chuya Espíritu chaskiqkunataqa,

Quechua Ayacucho Bible 1987

⁴ Huk kutinpi kancharisqa kaspanku Diospa hanaq pachamanta qomusqanta malliqkunataqa otaq Chuya Espiritu chaskiqkunataqa

Chuya Qellqa 1992

⁴ Huk kutinpi achkiy chaskiqkunataqa, Diospa atiyninta chaskiqkunataqa, Chuya Espíritu chaskiqkunataqa,

Hebreos 6:4 Iomraidhean Croise

Levítico 13:55

Chay qoqarayuq kaqta taqsaruptinkum sacerdote qawanqa. Sichum chay qoqaray mana miraruspa hinalla kaptinqa, chaykunaqa millakuypaq kasqanraykum kañasqa kanqa; chayqa hawanpi kaspa otaq ukunpi kaspapas uchkuq qoqaraymi.

Levítico 14:43

Sichum ruminkunatapas wischuchichkaptin chaynataq perqakunatapas siksichispa musoqmanta mituwan laqachichkaptin chay wasipa perqankunapi kaqllamanta qoqaray rikuriruptinqa,

Números 24:3

Chaymi Balaam kaynata profetizarqa: Ñoqaqa Beorpa churin Balaammi kani, ñoqaqa imakunatapas allintam rikuni,

Mateo 12:45

Hinaspanmi chayman kutirispan paymantapas aswan mana allin qanchis espiritukunataraq pusaramun hinaspam yaykuykuspa chaypi yachakun. Chaynapim chay runaqa ñawpaq kasqanmantapas aswan mana allinña rikurirun. Chaynam pasanqa kay mana allin miraykunatapas, nispa.

Mateo 5:13

Qamkunaqa kay pachapi runakunapaqmi kachi hina kankichik. Kachi qamyayaruspaqa, ¿imapaqtaq valenman? Manam imapaqpas servinñachu, aswanqa wischusqa kaptin runakuna sarutyanallanpaqñam.

Juan 15:6

Pipas ñoqapi mana takyaqqa qorusqa kallma hinam wischusqa kanqa, chakiruspanmi ninapi rupananpaq wischusqa kanqa.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Juan 4:10

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Juan 6:32

Chaymi Jesusñataq nirqa: Cheqaptapunim nikichik, manam Moiseschu hanaq pachamanta hamuq tantataqa qosurqankichik, aswanqa Taytaymi hanaq pachamanta cheqap tantataqa qosuchkankichik.

Hechos 10:45

Hinaptinmi Pedrowan hamuq iñiq judiokuna llumpayta admirakurqaku, mana judío kachkaptinkupas Chuya Espiritupa atiynin huntaykusqanmanta.

Hechos 11:17

Chaynaqa, Señor Jesucristopi iñiqkunaman ñoqanchikman hina Espiritunta Dios qochkaptinqa, ¿pitaq ñoqaqa karqani Diosta harkakunaypaqqa? nispa.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

Hechos 8:20

Pedroñataqmi nirqa: ¡Qollqekiwan kuskayá infiernoman ripuy, qamqa Diospa atiynintam qollqewan rantiyta piensarqanki!

Romanos 1:11

Qamkunawan tupaykuytam llumpayta munachkani Chuya Espiritupa atiyninta qoykunaypaq chaynapi qaqa hina sayanaykichikpaq,

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Gálatas 3:2

Kay tapusqay contestawanaykichiktam munani: ¿Chuya Espiritutaqa chaskirqankichik leyta kasukuspachu, icha Jesucristomanta allin noticiata willakuptinku iñiywan uyarispachu?

Gálatas 3:5

Diosmi Espiritunta qosunkichik hinaspa qamkuna ukupi milagrokunata ruwan, ¿imanasqataq kaykunata ruwan? Manam leyta kasukusqaykichikraykuchu, aswanqa Jesucristomanta uyarispa payman iñisqaykichikraykullam.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 2:8

Kuyakuyninraykulla iñiptikichikmi Diosqa salvaykusurqankichik, chayqa manam qamkunamantachu aswanqa Diospa mana imallapaq qosusqaykichikmi.

Efesios 3:7

Diosmi kuyakuyninpi atiyninta qoykuwarqa, Jesucristomanta allin noticiata willakunaypaq.

Efesios 4:7

Ichaqa sapakamamanmi munas-qanman hina Jesucristoqa atiyta qowar-qanchik.

1~Timoteo 4:14

Qampi kaq Diospa atiynintaqa amayá qonqaruychu, chaytaqa profeciaman hina iglesiapi ancianokuna makinkuta hawaykiman churaykuspanku mañakuptinkum chaskirqanki.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

2~Timoteo 4:14

Herrero Alejandrom tukuy mana allinkunata ruwawarqa, Señorninchikmi kutichipunqa imam ruwasqanman hina.

Hebreos 10:32

Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik.

Hebreos 2:4

Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.

1~Juan 5:16

Sichum pipas rikunman wañuyman mana apakuq huchapi iñiqmasin kasqanta, hinaspaqa paypaqmi Diosta mañapunan, sichum chay huchallikusqan wañuyman mana apakuq kaptinqa Diosmi kawsachinqa. Kantaqmi wañuyman apakuq huchapas, chayna huchapi kaqpaqqa manam mañapuychikyá nikichikchu.