Hebreos 6:2 - CHUYA QELLQA La Biblia en Quechua de Ayacucho 2012

² bautismomantapas, iñiqkunapa hawanman maki churaymantapas, wañuqkuna kawsarimunanmantapas chaynataq wiñaypaq castigomantapas.

Quechua Ayacucho Bible 1987

² nitaq bautismomantapas nitaq iñiqkunapa hawanman makikuna churaymantapas nitaq wañuqkuna kawsarimunanmantapas chaynataq wiñaypaq castigomantapas.

Chuya Qellqa 1992

² bautismomantapas, iñiqkunapa hawanman maki churaymantapas, wañuqkuna kawsarimunanmantapas chaynataq wiñaypaq castigomantapas.

Hebreos 6:2 Iomraidhean Croise

Eclesiastés 12:14

Runaqa imataña ruwaspanpas, allin kaqta otaq mana allin kaqtaña ruwaspanpas, mana pipa rikusqantaña ruwaspanpas, Diospa juzgasqanmi kanqa.

Isaías 26:19

Qampi wañukuqkunam kawsarinqaku, ayaykikunam hatarimunqaku. Allpa ukunpi kaqkunam rikcharimuspa kusikuyllawanña qaparinqaku, sullata hinaraq kanchaynikita chayachiptikim wañuqkuna allpa ukumanta hatarimunqaku.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Mateo 3:14

Juanñataqmi mana munaspan nirqa: ¿Ñoqata bautizawanayki kachkaptinchu qamraq bautizanaypaq hamuwanki? nispan.

Marcos 16:16

Pipas iñispa bautizasqa kaqmi salvasqa kanqa, mana iñiqñataqmi condenasqa kanqa.

Marcos 7:4

Mercadomanta kutimuspankupas manaraq makinkuta mayllakuspaqa manam mikuqkuchu. Chayna tukuy rikchaq costumbrekunamanmi hapipakuqku, chayraykum vasokunata, jarrokunata, fierro mankakunata hinaspa catrekunatapas mayllanku).

Marcos 7:8

Qamkunaqa Diospa kamachikuyninkunata mana kasukuspam runakunapa costumbrenkunaman hapipakunkichik.

Lucas 11:38

Ichaqa paykunapa costumbrenman hina makinta Jesús mana mayllakuptinmi chay fariseoqa hukmanyasqallaña qawarayarqa.

Lucas 12:50

Ichaqa hatun ñakariytam pasanay. Maynatam sonqoy llakikun cumplikunankama.

Lucas 14:14

Chaynata ruwaspaykiqa ancha kusisqam kanki, paykunaqa manam kutichipuyta atisunkimanchu, ichaqa allin ruwaqkuna kawsarimuptinmi Diosña kutichipusunki.

Lucas 3:16

Chaymi llapallankuta Juan nirqa: Cheqaptapas ñoqaqa yakullawanmi bautizaykichik, qepay hamuqmi ichaqa Chuya Espirituwan hinaspa ninawan bautizasunkichik. Payqa ñoqamantapas aswan atiyniyuqmi, chaymi usutanpa watullantapas mana paskaq hinachu kani.

Juan 1:33

Manam paytaqa reqsirqanichu, ichaqa yakupi bautizanaypaq kachamuwaqniymi niwarqa: “Pimanmi Chuya Espíritu uraykamuspa hawanman tiyaykuqta rikusqaykim Chuya Espirituwan bautizaqqa”, nispa.

Juan 5:29

Hinaspam allin ruwaqkuna wiñay kawsakuymanña kawsarimunqaku, mana allin ruwaqkunañataq condenasqa kanankupaq.

Hechos 10:47

Hinaptinmi Pedro nirqa: Ñoqanchik hina paykunapas Chuya Espirituta chaskichkaptinkuqa, ¿yaqachum pipas harkakunman bautizasqa kanankuta? nispa.

Hechos 13:3

Ayunaruspankum Diosta mañakurqaku, hinaspam makinkuta paykunapa hawanman churaykuspanku aviarurqaku.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Hechos 16:33

Payñataqmi tutallaraq kachkaptin, chay horallapi Pablopa hinaspa Silaspa heridankunata mayllarqa, chaymantam wasinpi kaqkunapiwan bautizakurqaku.

Hechos 17:18

Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 2:41

Hinaptinmi Pedropa nisqanta kasu-kuqkunaqa bautizachikurqaku, chaynapim iñiqkunaman chay punchawpi yaqa kimsa waranqa runakuna yapakurqaku.

Hechos 23:6

Chaypi wakin kamachikuqkunam saduceo partidomanta karqaku, wakinñataqmi fariseokunamanta. Chayta qawaykuspanmi Pabloqa hatunmanta qaparirqa: Wawqekuna, ñoqaqa fariseokunapa mirayninmi kani. Qamkunaqa wañuqkunapa kawsarichimunanmanta yachachisqaymantam juzgawachkankichik, nispa.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Hechos 24:21

Paykunapa qayllanpi kachkaspayqa kayllatam rimarurqani: “Wañuqkunata Dios kawsarichinanmanta yachachisqayraykum juzgawachkankichik”, nispay.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 26:8

¿Imanasqataq qamkuna mana creenkichikchu wañuqkunata Dios kawsarichimunanta?

Hechos 4:2

Paykunam llumpay piñasqallaña kachkarqaku Pedropawan Juanpa yachachisqankuwan. Paykunam yachachichkarqaku: Jesucristom kawsarimurqa, chaynam lliw wañuqkunapas kawsarimunqa, nispanku.

Hechos 6:6

Paykunatam apostolkunaman pusamurqaku, apostolkunañataqmi paykunapa hawanman makinkuta churaykuspanku Diosta mañakurqaku.

Romanos 2:16

Chaynataqa ruwanqa Jesucris-tontakama llapallan runakunata Dios juzganan punchawpim. Chay punchawpim runapa sonqonpi pakasqa kaqkunatapas Dios juzganqa, imaynam kay allin noticia willakusqayman hina.

1~Corintios 10:2

Chaynapim llapallanku Moiseswan huklla kanankupaq puyupi hinaspa lamar qochapi bautizasqa karqaku.

1~Corintios 12:13

Llapallanchikmi judiopas, griegopas, esclavopas hinaspa librepas chulla Espiritullawan bautizasqa karqanchik, chaynapi huk cuerpollaña kananchikpaq, huk Espiritullatataqmi chaskirqanchikpas.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Colosenses 2:12

Bautizakuspaykichikmi Cristowan kuska pampakuchkaq hina ñawpa vidaykichikta pamparurqankichik, paywan kuskataqmi musoqmanta kawsarimurqankichik, kawsarimurqankichikqa Diospa llumpay atiyninwan Cristopa kawsarimusqanpi iñispallaykichikmi.

2~Timoteo 2:18

Paykunam cheqak kaqta saqeruspa: “Wañuqkunaqa ñam kawsarirunkuña” nispanku wakin iñiqkunatapas pantachihchkanku.

Hebreos 11:35

Warmi-kunam wañusqamantaña kawsarichisqan ayllunkuta chaskiykurqaku. Wakinñataqmi kaspikunawan waqtapasqa karqaku, ichaqa librasqa kayta mana munaspankum wañurqaku, chay-napi aswan allin vidaman kawsarimunan-kupaq.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.