Hebreos 6:10 - CHUYA QELLQA La Biblia en Quechua de Ayacucho 2012

¹⁰ Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

Quechua Ayacucho Bible 1987

¹⁰ Diosqa justom. Payqa llamkasqaykichiktaqa manam qonqanqachu, manataqmi qonqanqachu pay kuyasqaykichiktapas. Payta kuyaspam Cristopi wawqe-panikunatapas servirqankichik, arí, chaynatamá kunanpas servichkankichik.

Chuya Qellqa 1992

¹⁰ Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

Hebreos 6:10 Iomraidhean Croise

Nehemías 13:22

Levitakunatapas kamachirqanim chuyanchakuspanku punkukunata waqaychanankupaq chaynapi samana punchawta Diosllapaqña sapaqcha-nankupaq. ¡Dios Taytalláy! Amayá qonqaruychu kay ruwasqaytapas, hinaspa kuyapayakuynikiman hina llakipayariykullaway, nispa.

Nehemías 13:31

Kamachirqanitaqmi tiempollanpi yantatawan chaynataq punta kaq rurukunata apamunankupaqpas. ¡Dios Taytalláy, amamá qonqarullawankichu, yanapaykuwanaykipaqmi yuyarillawanki!

Nehemías 5:19

Chaymantam Tayta Diosta mañakuspay nirqani: ¡Dios Taytalláy, kay runakunapaq tukuy ima ruwasqaytaqa amamá qonqarunkichu! nispay.

Éxodo 1:20

Parterakunatam Dios favorecerqa chaymi Israel runakuna mirasqankuman hina kallpasapallaña rikurirqaku.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 19:17

Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Eclesiastés 11:1

Tantaykita yakuman wischuykuy, punchawkuna pasaruptinmi huktawan tarirunki.

Jeremías 18:20

¿Paykunapaq allin ruwasqaymantachu mana allinwan pagawanqaku? Sepulturaytapas toqorunkuñam, paykunapa allinninpaq rimasqaytayá yuyariy, paykunamanta piñakuynikita suchuchinaykipaq mañakusqaytayá yuyariy.

Jeremías 31:16

Chaywanpas Tayta Diosmi kaynata nin: Raquel, amaña masta waqaychu, weqekitapas amaña usuchiychu, llamkasqaykimantaqa pagasqam kanki: Wawaykikunam enemigopa llaqtanmanta kutimunqa. Ñoqa Tayta Diosmi chaynata nini.

Mateo 10:42

Pipas qatiqniykunamanta taksan kaqkunallamanpas chiri yakullatapas qoykuqqa, qatiqniy kasqanraykum premionta chaskinqa.

Mateo 20:7

Chaymi paykuna nirqaku: “Llam-kanaykupaqqa manam pipas minkawankuchu”, nispanku. Hinaptinmi nirqa: “Qamkunapas chakrayman rispa llamkamuychik, imam kaqtam pagasqaykichik”, nispa.

Mateo 25:17

Chaynataqmi iskay wayqa chaskiqpas iskay wayqatawan mirarachirqa.

Marcos 9:41

Ñoqapa kasqaykichikrayku huk vaso yakullatapas ñoqapa sutiypi qoykusuqnikichikqa, cheqaptapunim premionta chaskinqa.

Juan 13:20

Cheqaptapunim nikichik, ñoqapa kachasqayta pipas chaskiqqa ñoqatapunim chaskiwan, ñoqa chaskiwaqniyñataqmi kachamuwaqniy Taytayta chaskin.

Hechos 10:31

Hinaspam niwarqa: “Cornelio, mañakusqaykikunatawan wakchakuna yanapasqaykitam Dios chaskiykun.

Hechos 10:4

Chaymi Cornelioqa angelta rikuykuspan llumpay mancharisqallaña tapurqa: ¿Imata Señor? nispa. Hinaptinmi chay ángel nirqa: Mañakusqaykitawan wakchakuna yanapasqaykitam Dios chaskiykun.

Hechos 11:29

Hi-naptinmi Antioquía llaqtapi iñiqkuna rimanakurqaku Judea lawpi iñiqkunaman atisqankuman hina yanapakuyta apachinankupaq.

Romanos 12:13

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

2~Corintios 9:1

Iñiqkunapaq yanapakuy ofrenda huñunaykichikmantaqa yanqañam qellqamuykichikman.

Gálatas 5:13

Wawqe-panillaykuna, Diosqa libre kanaykichikpaqmi qayasurqankichik. Ichaqa libre kaynikichiktaqa amayá aychapa munasqanpaq hinachu hapiychik, aswanqa kuyakuywanyá huknikichikmanta huknikichikkama yanapanakuychik.

Gálatas 5:6

Jesucristowan huklla kaptinchikqa manam imananchu qari kayninchikpi señalasqa otaq mana señalasqa kayninchikpas. Iñiyllam valenqa, chay iñiyqa kuyakuywan ruwaypim qawachikun.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Deuteronomio 32:4

Payqa pakakunanchik qaqam, ruwasqankunapas mana pantayniyuqmi, ruwayninkunapas allinpunim. Payqa cheqap Diosmi, paypiqa manam ima mana allinpas kanchu, payqa derechonpim imatapas ruwan.

Colosenses 3:17

Tukuy imata ruwaspapas otaq rimaspapas Señor Jesuspa sutinpiyá ruwaychik, chaykunataqa ruwaychik Cristontakama Dios Taytaman graciasta qospa.

1~Tesalonicenses 1:3

Yuya-rinikutaqmi Dios Taytanchikpa qayllanpi iñiynikichikman hina llamkasqaykichikta, kuyakuynikichikman hina servisqaykichikta hinaspa Señorninchik Jesucristorayku ñakarispa qaqa hina sayasqaykichiktapas.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Hebreos 10:32

Achkiy chaskisqaykichik punchawkunatayá yuyariychik, chay punchawkunapiqa llumpayta ñakarichkaspapas kallpancha-kuspam allinta sayarqankichik.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.