Hebreos 6:1 - CHUYA QELLQA La Biblia en Quechua de Ayacucho 2012

¹ Chaynaqa, Cristomanta chayllaraq punta yachachikuykunaman amaña kutirispayá yuyayniyuqña kasunchik. Amañayá rimasunchu huchapi wañusqa hina kasqanchikmantapas, wanakuymantapas, Diosman iñiymantapas,

Quechua Ayacucho Bible 1987

¹ Chaynaqa Cristomanta facilla yachachikuykunaman amaña kuti-kutirispayá yuyayniyoqña kasunchik. Yapatawanqa amañayá facil kaqkunamantaqa rimasunchikchu. Amañayá rimasunchu huchapi wañusqa hina kasqanchikmanta wanakuymantapas nitaq Diosman iñiymantapas

Chuya Qellqa 1992

¹ Chaynaqa, Cristomanta chayllaraq punta yachachikuykunaman amaña kutirispayá yuyayniyuqña kasunchik. Amañayá rimasunchu huchapi wañusqa hina kasqanchikmantapas, wanakuymantapas, Diosman iñiymantapas,

Hebreos 6:1 Iomraidhean Croise

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 21:29

Churinñataqmi nirqa: “Manam riymanchu”, nispa. Ichaqa allinta yuyaymanarispanmi pasarqa.

Mateo 21:32

Bautizaq Juanmi allin kawsakuymanta yachachisunaykichikpaq hamurqa, qamkunam ichaqa mana creerqankichikchu; impuesto cobraqkunawan chuchumikakunam ichaqa creerqaku. Qamkunaqa kaykunata qawachkaspapas manam paypi creenaykichikpaqqa wanakurqankichikchu.

Mateo 3:2

Huchaykichikmanta wanakuychik, Diospa munaychakuyninmi hichparamunña, nispan.

Mateo 4:17

Chaymantapacham Jesusqa kayna willakuyta qallarirqa: ¡Huchaykichikmanta wanakuychik, Diospa munaychakuyninmi hichparamunña! nispan.

Mateo 5:48

Qamkunaqa hanaq pachapi Taytaykichik hina mana pantaqyá kaychik.

Mateo 7:25

Chay wasimanmi para chayamurqa, lloqllam kallpamurqa, nisyu wayrapas pukumurqam, ichaqa taqrapa hawanpi ruwasqa kasqanraykum mana tuñirqachu.

Marcos 1:1

Kaykunam Diospa Churin Jesu-cristomanta allin noticiakunapa qallariynin.

Marcos 6:12

Chaymi discipulonkuna lloqsispanku runakunaman willamurqaku huchankumanta wanakuspa Diosman kutirikunankupaq.

Lucas 6:48

taqrata tarinankama uch-kuspan chaypa hawanpi wasinpa cimientonta hatarichiq runamanmi. Lloqlla chayamuspanpas chay wasitaqa allin ruwasqa kasqanraykum mana tuñichiyta atinchu.

Juan 12:44

Jesusmi hatunmanta qaparispa nirqa: Pipas ñoqaman iñiqqa manam ñoqallamanchu iñin, aswanqa kachamuwaqniy Taytaymanwanmi.

Juan 14:1

Amayá songoykichikqa hukmanyachunchu. Diospiyá creeychik, creeychiktaqyá ñoqapipas.

Juan 5:24

Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Hechos 11:18

Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 17:30

Ñawpaq tiempokunapim runakunapa huchallikusqanta Dios pacienciakurqa, kunanmi ichaqa kay pachapi llapallan runakunata huchankumanta wanakunankupaq kamachin.

Hechos 2:38

Chaymi Pedroñataq nirqa: Huchaykichikmanta wanakuspayá sapakama Jesucristopa sutinpi bautizakuychik, chaynapi huchaykichikmanta pampachasqa kanaykichikpaq, hinaspam Chuya Espiritupa atiyninta chaskinkichik.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

1~Corintios 13:10

Cheqap kaq hamuruptinqa, wakin yachasqanchikmi tukurunqa.

1~Corintios 2:6

Yachaymantaqa rimaniku iñiyninkupi wiñasqakunawanmi, ichaqa manam kay pachapi yachaytachu, nitaq kay pachapi kamachikuqkunapa yachaynintachu, chaykunaqa tukuruqllam.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

2~Corintios 7:10

Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Efesios 2:1

Huchaykichikrayku wañusqa hina kachkaptikichikmi Diosqa kawsarichisurqankichik.

Efesios 2:5

huchanchikrayku wañusqa hina kachkaptinchikpas Jesucristotawan kuskatam kawsariykachiwanchik. Chaynaqa, kuyakuyninraykullam Diosqa salvaykusurqankichik.

Efesios 4:12

Paykunatam churarqa iñiqkunata allinta yachachispa Diospa obranpi llamkanankupaq, chaynapi Cristopa cuerpon wiñachisqa kananpaq.

Colosenses 1:28

Chaymi ñoqaykuqa llapa runakunata anyaspa hinaspa tukuy yachaywan yachachispa Cristomanta willakuniku, chaynapi llapa runakuna Cristo hina kanankupaq

Colosenses 3:14

Tukuymanta llalliqtaqa kuyakuywanyá pachallikuychik, kuyanakuymi allin huklla kaytaqa ruwawanchik.

Colosenses 4:12

Rimaykamusunkichiktaqmi Señorninchikta serviq llaqtamasikichik Epafraspas, paymi tukuy tiempo qamkunapaq tukuy sonqonwan Diosta mañakuchkan, Diospa munasqanman hina allinta sayanaykichikpaq, chaynapi ima kaqpipas Diosman hapipakunaykichikpaq.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

1~Timoteo 6:19

Chaynapim hamuq tiempopaq llapa imankunapas taqesqa hina kanqa, hinaspam cheqap wiñay kawsayta haypanqaku.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Hebreos 11:6

Mana iñiyniyuq kaspaqa manam Diostaqa agradachwanchu. Pipas Diosman asuykunanpaqqa cheqap kasqantam creenan, creenantaqmi haykam maskaqninkunamanqa premianantapas.

Hebreos 12:13

Qewi-qewi ñannikichikta derechaychik, chaynapi wistukunapas ama huklawman pantarunankupaq, aswanqa sanoyanankupaq.

Hebreos 7:11

Leviypa castanmantawan Aaronpa castanmanta sacerdotekunata Dios churaspanmi Israel runakunaman leyninta qorqa. Chaywanpas chay casta sacerdotekunaqa manam runakunataqa chuyanchayta atirqakuchu. Chayraykum Diosqa Melquisedecman rikchakuq sacerdotetaña churarqa, manam Aaronpa castanmantachu, aswanqa Melquisedecmantañam.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

Santiago 1:4

Ichaqa qespichisqa kanaykichikkamayá aswanraq pacienciakuychik, chaynapi iñiypi wiñaspa mana imapa pisisqan kanaykichikpaq.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

1~Juan 4:12

Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.