Hebreos 5:13 - CHUYA QELLQA La Biblia en Quechua de Ayacucho 2012

¹³ Ñuñuq wawa hina lechellawanraq kawsaqkunaqa manaraqmi entiendenchu mayqanmi allin otaq mana allin yachachikuy kasqantapas.

Quechua Ayacucho Bible 1987

¹³ Lechellawanraq kawsaqkunaqa manaraqmi entiendenmanchu allin ruraykunamanta yachachikuykunataqa.

Chuya Qellqa 1992

¹³ Ñuñuq wawa hina lechellawanraq kawsaqkunaqa manaraqmi entiendenchu mayqanmi allin otaq mana allin yachachikuy kasqantapas.

Hebreos 5:13 Iomraidhean Croise

Isaías 28:9

Ñoqata kamiwaspankum ninku: ¿Pitataq yachachichkan? ¿Pitataq allin yachachikuykunata entiendechichkan? ¿Anukasqa wawakunatachu? ¿Ñuñuq wawakunatachu?

Mateo 11:25

Chay tiempopim, Taytanta mañakuspan Jesús nirqa: Hanaq pachapipas kay pachapipas munaychakuq Taytalláy, yachayniyuqkunamantawan yuyayniyuqkunamanta pakaykuspaykim, wawakunaman kaykunata reqsichirqanki, chayraykum yupaychayki.

Marcos 10:15

Cheqaptam nikichik, pipas wawakuna hina Diospa munaychakuyninta mana chaskispanqa, chay munaychakuymanqa manam yaykunqachu, nispa.

Romanos 2:20

Mana yachayniyuqkunata hinaspa warmakunatapas allinta yachachiqpaqmi hapikunki. Chaynataqa piensanki Diospa leyninpi cheqap kaqkunata yachasqaykiraykum.

1~Corintios 13:11

Taksallaraq kaspayqa warma hinam rimarqani, piensarqani, yuyaymanarqani, hatunyaruspaymi ichaqa manaña warma hinañachu ruwani.

1~Corintios 14:20

Wawqekuna, amayá wawakuna hinaqa piensaychikchu, wawakuna hinaqa kaychik mana allinkunapaqyá, aswanqa yuyayniyuq runakuna hinañayá piensaychik.

1~Corintios 3:1

Chaywanpas wawqe-panillaykuna, qamkunamanqa rimarimuykichik manam Chuya Espirituwan kawsaq runakunaman hinachu, aswanqa aychapa munasqallanpi kaqkunaman hinam, otaq Cristoman chayraq iñiqkunaman hinam.

2~Corintios 3:9

Condenawaqninchik leypas achkiriyniyuq kachkaptinqa, ¡maynataraq pampachaykuymanta allin noticia willakuyqa achkirinqa!

Efesios 4:14

manam kasunqa warmakuna hinañachu, warmakunaqa hukta-hukta creeruspankum wayrawan apachikuchkaq hina runakunapa yachachisqanwan apachikunku, paykunataqa sakri runakunam sumaqllataña rimaspa pantachin.

2~Timoteo 3:16

Chuya Qellqaqa llapallanmi Diospa yuyay qosqanman hina qellqasqa, allinmi yachachinapaq, pantaypi kasqanta qawachinapaq, pantaypi puriqta allin ñanman kutichinapaq chaynataq allin kawsakuyta yachachinapaq.

1~Pedro 2:2

Imaynam naceq wawakuna ñuñuta maskachkaq hinayá Diospa cheqap palabranta maskaychik, chaywan wiñaspa salvo kanaykichikpaq.

2~Juan 1:11

Pipas “yayku-kamuy” niqqa mana allin ruwaqmasin-ñam rikurirun.