Hebreos 4:3 - CHUYA QELLQA La Biblia en Quechua de Ayacucho 2012

³ Iñiqkunam ichaqa Diospa samay qosqanman yaykurunchikña, paymi nirqa: Piñakuyniypim jurarqani: “Samanankupaq qosqaymanqa manam haykapipas yaykunqakuchu”, nispa. Chaywanpas kay pacha unanchas-qanmantapunim Diosqa tukuy ima ruwasqankunataqa tukurqa.

Quechua Ayacucho Bible 1987

³ Creeqkunam ichaqa Diospa samay qosqanman yaykunchikña. Paymi nirqa: Piñakuyniypim jurarqani: “Samanankupaq qosqaymanqa manam yaykunqakuchu” nispa. Chaywanpas kay pacha unanchasqanmantapunim Diospa rurasqankunaqa tukusqaña kachkan.

Chuya Qellqa 1992

³ Iñiqkunam ichaqa Diospa samay qosqanman yaykurunchikña, paymi nirqa: Piñakuyniypim jurarqani: “Samanankupaq qosqaymanqa manam haykapipas yaykunqakuchu” nispa. Chaywanpas kay pacha unanchasqanmantapunim Diosqa tukuy ima ruwasqankunataqa tukurqa.

Hebreos 4:3 Iomraidhean Croise

Génesis 1:31

Diosmi qawarqa unanchasqankunaqa llumpay allin kasqanta. Chaymi tardeykuqmanta paqarinnintin tardeykuqkama soqta kaq punchaw karqa.

Éxodo 20:11

Soqta punchawpim cielokunata, kay pachata, lamar qochata chaynataq chaypi tukuy ima kaqkunatapas unancharqani. Qanchis punchawpiñataqmi samarqani, hinaspam chay punchawta bendecispay sapaqcharqani.

Isaías 28:12

Paykunataqa ñawpaqmantaraqmi nirqa: Hawkayayqa kaypim kachkan, samariypas kaypim kachkan, pisipasqayá samarichun nichkaptinpas manam kasukurqakuchu.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Ezequiel 20:38

Qamkunamantam mana kasuwaqniykunatawan contraypi hoqarikuqkunata rakisaq. Paykunataqa runapa llaqtanpi yachasqankumantapas hurqorusaqmi, Israel allpamanmi ichaqa mana yaykunqakuchu, chaynapim Tayta Dios kasqayta yachankichik.

Mateo 13:35

Chaynapi profetapa kayna nisqan cumplikunanpaq: Rikchanachiykunawanmi rimarisaq, kay pachata Dios unanchasqanmantapuni pakasqa kaqkunatam rimasaq, nispa.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Hebreos 3:11

Chayraykum piñakuyniypi jurarqani: “Samanankupaq qosqaymanqa manam yaykunqakuchu”, nispay.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

Hebreos 9:26

Chayna kanan kaptinqa kay pacha unanchasqa kasqanmantachiki Cristoqa achka kutita ñakarinman karqa. Kunanqa tiempokuna cumplikuruptinmi rikuriramuspa Cristoqa kikillanmanta huk kutillata wañurqa huchakunata chinkachinanpaq.

1~Pedro 1:20

Chaynata wañunanpaqqa manaraqpas kay pacha unanchasqa kachkaptinmi citasqaña karqa, ichaqa kay tukupay tiempokunapim kuyasusqaykichikrayku rikurimurqa.