Hebreos 3:9 - CHUYA QELLQA La Biblia en Quechua de Ayacucho 2012

⁹ Chaypim ñawpaq taytaykichikkuna tentawarqaku, tukuy ruwasqaykunata tawa chunka wata rikuchkaspankupas tentawarqakum.

Quechua Ayacucho Bible 1987

⁹ Chay chunniqpim ñawpa abueloykichikkuna rurasqaykunata rikurqaku. Tawa chunka watapuni chaykunata rikuchkaspankupas piñachiwaspankum pruebawarqaku.

Chuya Qellqa 1992

⁹ Chaypim ñawpaq taytaykichikkuna tentawarqaku, tukuy ruwasqaykunata tawa chunka wata rikuchkaspankupas tentawarqakum.

Hebreos 3:9 Iomraidhean Croise

Éxodo 19:4

“Qamkunaqa qawarqankichikmi Egipto runakunata imam ruwasqayta, qawarqankichiktaqmi ankapa rapranpi hina ñoqapa kasqayman qamkunata apamusqaytapas.

Éxodo 20:22

Israelpa mirayninkunaman ninanpaqmi Moisesta Tayta Dios kaynata nirqa: Qamkunaqa yachankichikñam cielomanta qamkunawan rimasqayta.

Números 14:33

Churikichikkunam kay chunniqpi ovejakunata michistin tawa chunka wata muyunqaku. Paykunam qepanchawasqaykichikmanta ñakarinqaku, kay chunniqpi llapallaykichik wañunaykichikkama.

Lucas 7:22

Hinaspanmi Juanpa kachamusqankunata nirqa: Kutispa qawasqaykichiktawan uyarisqaykichikta Juanman willamuychik. Ñawsakunam qawakuchkanña, suchukunam purichkanña, leprawan onqoqkunam sanoyachkanña, mana uyarikuqkunam uyarikuchkanña, wañusqakunam kawsariramunña, wakchakunapas evangeliotam uyarichkankuña, nispaykichik.

Hechos 13:8

Ichaqa Elimaswan sutichasqa brujom paykunapa contranpi karqa gobernador Sergio Paulo mana iñikunanta munaspan.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

Deuteronomio 11:7

Qamkunam testigo kankichik Tayta Diospa admirakuypaq kaqkuna ruwasqankunamantaqa.

Deuteronomio 29:2

Chaymi Israelpa miraykunata huñuruspan Moisés nirqa: Egipto nacionpi kaspaykichikmi rikurqankichik imaynam rey Faraonta, serviqninkunata chaynataq llapallan runankunatapas Tayta Dios castigasqanta.

Deuteronomio 4:3

Qawarqankichikmi Baal-peorpi Tayta Diospa imam ruwasqanta. Chaypim idolokuna yupaychaq runakunata qamkuna ukumanta Señornikichik Tayta Dios chinkachirqa.

Deuteronomio 4:9

Amam ima rikumusqaykichikman-tapas qonqarunkichikchu, kawsanaykichikkamaqa amam sonqoykichikmantapas chinkarachinkichikchu, chay-kunataqa churikichikkunamanpas willkaykichikkunamanpas yachachinkichikmi.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

Deuteronomio 8:4

Chay tawa chunka watapiqa manampachaykichikpas tukurqachu nitaqmi chakikichikpas punkirqachu.

Josué 23:3

Qamkunaqa rikurqankichikmi Señor-ninchik Tayta Diospa llapallan chay nacionkunata qamkunarayku tukuy ima ruwasqantaqa. Señorninchik Tayta Diosmi qamkunarayku pelearqa.

Josué 24:7

Chaymi ñawpaq taytaykichikkuna qayakamuwaptinku hatun tutayaywan Egipto runakunamanta rakirqani. Lamar qochatam Egipto runakunapa hawanman kutiykachispay chaywan pamparachirqani. Qamkunaqa rikurqankichikmi Egipto runakunawan imam ruwasqaytaqa. Unay watam chunniqpi karqankichik.

Josué 5:6

Israelpa mirayninkunaqa, tawa chunka watam chunniqpi purirqaku guerraman lloqsiq qarikuna tukunankama. Mana kasukusqankuraykum Tayta Dios jurarqa ñawpaq taytankuman prometesqan tukuy imapa kanan chaynataq tukuy imapa qespinan allpata mana qawachinanpaq.