Hebreos 3:8 - CHUYA QELLQA La Biblia en Quechua de Ayacucho 2012

⁸ amayá sonqoykichikta rumiyarachiychikchu piñachiwasqanku punchawpi hinaqa, chunniqpi tentawaspanku ruwasqankuta hinaqa.

Quechua Ayacucho Bible 1987

⁸ amayá sonqoykichikta rumiyachiychikchu piñachiwasqanku punchawpi hinaqa, chunniqpi pruebawaspanku rurasqankuta hinaqa.

Chuya Qellqa 1992

⁸ amayá sonqoykichikta rumiyarachiychikchu piñachiwasqanku punchawpi hinaqa, chunniqpi tentawaspanku ruwasqankuta hinaqa.

Hebreos 3:8 Iomraidhean Croise

2~Reyes 17:14

Paykunam ichaqa mana kasukurqakuchu, aswanqa Tayta Diospi mana hapipakuq ñawpaq taytanku hinam rumi sonqo karqaku.

2~Crónicas 30:8

Chaynaqa, amayá ñawpaq taytay-kichikkuna hina rumi sonqoqa kaychikchu. Tayta Diosman kutirikuspayá chuyanchasqan santuarionman hamuspa yupaychasqanchik Tayta Diosta serviychik, hinaptinqa piñakuyninmi qamkunamanta asurinqa.

2~Crónicas 36:13

Rey Nabucodonosormi Sedequiasta Diospa sutinpi jurachirqa payta kasunanpaq, ichaqa Sedequiasmi paypa contranpi hatarirurqa. Sonqonta rumiyarachispanmi Israelpa yupaychasqan Tayta Diosmanpas mana kutirikurqachu.

Nehemías 9:16

Paykunawan ñawpaq taytaykum ichaqa hatun tukuq rumi sonqo runakuna karqaku, chayraykum kamachikuynikikunata mana kasukurqakuchu.

Jobwan Sutichasqa Libro 9:4

Diosqa llumpay atiyniyuqmi, payqa ancha yachayniyuqmi ¿Pitaq paywan kutipanakuspan allin lloqsirunman?

Éxodo 17:7

Chay sitiotam “Meriba” nispa suticharqaku, Israelpa mirayninkuna chaypi atipanakusqankurayku. Suticharqakutaqmi “Masah” nispapas, Tayta Diosta chaypi tentasqankurayku. Paykunam nirqaku: “¿Ñoqanchikwanchu Tayta Dios kachkan icha manachu?” nispanku.

Éxodo 8:15

Faraonmi ichaqa chaykunamanta libreña tarikuspan, sonqonta aswanraq rumiyarachispan Tayta Diospa nisqanta mana kasukurqachu.

Proverbios 28:14

Mayna kusisqam kanqa Diosta tukuy tiempo kasukuq runaqa, mana kasukuq runam ichaqa sasachakuyman wichiykunqa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Jeremías 7:26

Qamkunam ichaqa mana uyariwarqankichikchu, nitaqmi kasuwar-qankichikchu. Aswanqa sonqoykichikta rumiyarachispam taytaykichikkunamantapas astawanraq tukuy mana allinkunata ruwarqankichik.

Daniel 5:20

Aswanqa hatun tukuruspa sonqonpi hoqarikuruptinmi rey kayninmantapas wischururqa, qechururqataqmi reqsisqa kaynintapas.

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Hechos 19:9

Ichaqa wakin runakunam sonqonkuta rumiyarachispanku mana iñiyta munarqakuchu, aswanraqmi paykunaqa Cristomanta allin noticiapa contranpi tukuy imaymanata llapa runakunaman nirqaku. Chaymi Pablo paykunamanta sapaqcharuspan llapa iñiqkunata rakirurqa Tiranno sutiyuq runapa escuelanman, chaypiñam sapa punchaw paykunata yachachirqa.

Hechos 7:36

Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas.

1~Corintios 10:9

Amataqyá Señortapas tentasunchu, imaynam paykunamanta wakiqninkupa tentasqanta hinaqa, chaynapim paykunamanta kaqkunaqa wakiqninku maqta urupa kachusqan wañururqaku.

Deuteronomio 6:16

Masah lawpi pruebaman churasqaykichikta hinaqa amam yupaychasqaykichik Tayta Diostaqa pruebaman churankichikchu.

1~Samuel 6:6

¿Imanasqataq sonqoykichikta rumiyarachinkichik, yaqa egipciokuna chaynataq rey Faraón hina?. Paykunam rumi sonqo karqaku, chaymi Dios castigaptinña Israelpa mirayninkunata kachaykurqaku.