Hebreos 3:16 - CHUYA QELLQA La Biblia en Quechua de Ayacucho 2012

¹⁶ Diospa rimasqanta uyarichkaspankuqa, ¿pikunataq payta piñachirqaku? Moisespa pusamusqan llapallan runakunam.

Quechua Ayacucho Bible 1987

¹⁶ Diospa rimasqanta uyarichkaspankuqa ¿pikunataq payta piñachirqaku? Moisespa pusamusqan llapallan runakunam.

Chuya Qellqa 1992

¹⁶ Diospa rimasqanta uyarichkaspankuqa ¿pikunataq payta piñachirqaku? Moisespa pusamusqan llapallan runakunam.

Hebreos 3:16 Iomraidhean Croise

Jeremías 32:29

Caldea runakunam yaykuramuspanku kay llaqtata kañaykunqaku. Kañaykun-qakum Baal idolokunaman incien-sota kañananku chaynataq wakin idolokunaman vino tallinanku altosniyuq wasikunatapas, chaykunatam ruwarqaku ñoqata piñachiwanankupaq.

Jeremías 44:3

Chaynaqa, kachkanku mana allinkunata ruwasqankuraykum. Paykunam tukuy rikchaq idolokunata yupaychaspanku, inciensota kañapuspanku ñoqata piñachiwarqaku. Chay idolokunataqa manam paykunapas, qamkunapas nitaq ñawpaq taytaykichikkunapas reqsirqankichikchu.

Jeremías 44:8

¿Imanasqataq kay yachasqaykichik Egipto nacionpi kikikichikpa ruwakusqaykichik idolokunaman inciensota kañapuspaykichik piñachiwachkankichik? Chaykuna ruwasqaykichikwanqa kikillaykichikmi tukusqa kankichik, hinaspam llapa nacionkunapa ñakasqan chaynataq burlakusqan kankichik.

Números 14:11

Hinaptinmi Moisesta Tayta Dios nirqa: ¿Haykapikamataq kay runakuna piñachiwanqa? ¿Haykapikamataq qayllankupi tukuy señalkunata ruwachkaptiypas mana creewanqakuchu?

Números 14:2

Llapallankum Moisespa hinaspa Aaronpa contranpi rimaspa kaynata nirqaku: Amalaya Egipto nacionpi otaq kay chunniqpipas wañuruchwan karqa.

Números 14:24

Serviqniy Calebtam ichaqa kallpanchakuspan nisqaykunata kasukusqanrayku, qawamusqan allpaman yaykuchisaq, chay allpam mirayninkunapaq kanqa.

Números 14:30

Yachanaykichikpaq juraspay qonay allpamanqa manam mayqannikichikpas yaykunkichikchu. Jefonepa churin Calebwan Nunpa churin Josueyllam yaykunqaku.

Números 14:38

Chay allpa qawamuq runakunamantaqa Josueywan Calebllam mana wañurqakuchu.

Números 14:4

Hinaspam hukninkumanta hukninkuman ninakurqaku: ¡Kamachiwaqninchikta akllasunchik hinaspa Egiptoman kutikusunchik! nispanku.

Números 26:65

Chay wañuruq runakunamantaqa Tayta Diosmi kaynata nirqaña: Paykunaqa lliwmi chunniqpi wañunqaku, manam huk qaripas puchunqachu, puchuspaqa-puchunqa Jefonepa churin Calebwan Nunpa churin Josueyllañam, nispa.

Deuteronomio 1:38

Nunpa churin yanapaqniki Josueymi ichaqa qampa rantikipi yaykunqa, chaynaqa paytayá kallpanchay, paymi chay allpata Israelpa mirayninkunaman qonqa.

Judas 1:5

Yachachkaptikichikpas yuyarichiytam munachkani, Egiptomantam Israel runakunata Señor hurqomurqa, Diospi mana creeqkunatañataqmi wañurachirqa.