Hebreos 3:12 - CHUYA QELLQA La Biblia en Quechua de Ayacucho 2012

¹² Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.

Quechua Ayacucho Bible 1987

¹² Wawqe-panillaykuna, cuidakuychikyá, yanqañataq mayqannikichikpas mana iñiq kaspa hinaspa, mana allin sonqoyoq kaspa kawsaq Diosmanta rakikurunman.

Chuya Qellqa 1992

¹² Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.

Hebreos 3:12 Iomraidhean Croise

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Jobwan Sutichasqa Libro 21:14

Paykunaqa Diostapas kaynataraqmi ninku: “Ñoqaykumantaqa anchuy, munasqaykiman hina kawsaytaqa manam munanikuchu.

Jobwan Sutichasqa Libro 22:17

Paykunaqa Diostapas kaynatam nirqaku: “Ñoqaykumanta anchuriy, Tukuy Atiyniyuq Dios ¿imanawankikutaq?” nispanku.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Isaías 59:13

Mana kasukuspam qepancharqaykiku, iskay uya kaspaykum traicionarqaykiku; contraykipim hatarirqaniku, runamasiykuta ñakarichinaykupaqmi rimarqaniku, engañanaykupaqmi sonqoykupipas tantearqaniku.

Jeremías 11:8

Ichaqa manam kasukurqakuchu nitaqmi uyarirqakuchu, aswanqa mana allin sonqonkupa munasqanman hinam kawsarqaku. Chayraykum chay pactopi nisqay castigokunata paykunapa contranpi kacharimurqani, nispa.

Jeremías 16:12

Qamkunam ichaqa taytaykichikkunamantapas aswantaraq huchallikurunkichik. Sapakamam sonqoykichikpa munasqanman hina kaw-saspa mana kasuwarqankichikchu.

Jeremías 17:5

Tayta Diosmi kaynata nin: Pipas runamasinpi hapipakuq runaqa ñakasqayá kachun, ñoqa Tayta Diosmanta rakikuspa runapa kallpallanpi hapipakuq runaqa ñakasqayá kachun.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 3:17

Chay tiempopim Jerusalén llaqtata “Tayta Diospa tronon” nispa sutichanqaku, chaymanmi llapa nacionkuna huñunakamunqaku ñoqa Tayta Diosta adorawanankupaq; paykunaqa manam rumi sonqo kayninkuman hinañachu kawsanqaku.

Jeremías 7:24

Ichaqa mana kasu-kuspankum mana kaqpaqpas hapirqa-kuchu, aswanraqmi sonqonkupa munas-qanta ruwaspa tukuy mana allinku-nata ruwarqaku. Ñoqaman kutirikamunanku kachkaptinpas aswanraqmi karunchakururqaku.

Ezequiel 14:5

Icharaqpas chaynata ruwaptiy tukuy rikchaq idolokunata qatispa qepanchawasqankumanta wanakunmanku.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Mateo 16:16

Hinaptinmi Simón Pedro nirqa: Qamqa kanki kawsaq Diospa Churin Cristom, nispa.

Mateo 24:4

Jesusñataqmi nirqa: Allintayá cuidakuychik, yanqataq pipas pantachisunkichikman.

Marcos 13:23

Chaynaqa, waqaychakuychikyá, manaraq imapas pasakuchkaptinmi tukuy kaykunataqa willachkaykichikña.

Marcos 13:33

Chaynaqa, rikchan-rikchanlla kaspayá Diosta mañakuychik, manam yachankichikchu haykapim kutimunayta.

Marcos 13:9

Qamkunaqa kikikichikyá cuidakuychik, juezkunaman entregasqam kankichik, sinagogakunapim maqasqa kankichik. Ñoqaraykum kamachikuqkunapa chaynataq reykunapa qayllanman apasqa kankichik, chaynapim paykunamanpas ñoqamanta willakunkichik.

Lucas 21:8

Jesusñataqmi nirqa: Pipas pantachisunaykichikmantayá allinta cuidakuychik. Achkaqmi sutiypi hamunqaku: “Ñoqam kani Cristo, ñam tiempoqa chayaramunña”, nispan-ku. Ichaqa amam paykunataqa kasunkichikchu.

Romanos 11:21

Sichum chay cheqap kallmakunatapas mana pampachachkaspaqa qamtapas manam pampachasunkichu.

1~Corintios 10:12

Chaynaqa, pipas qaqa hina sayasqanpaq hapikuqqa wichiykunanmanta cuidakuchun.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

Hebreos 10:31

¡Mayna mancharikuypaqmi kawsaq Diospa makinman wichiykuyqa!

Hebreos 10:38

Allin ruwaq runaqa iñisqanraykum kawsanqa, qepanchakuruwaptinmi ichaqa mana kusisqachu kasaq”, nispa.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

Hebreos 12:22

Qamkunam ichaqa asuykurunkichik Sión moqoman, hanaq pachapi kawsaq Diospa Jerusalén llaqtanman, Diosta yupaychanankupaq wara-waranqa angel-kunapa huñunasqa kasqankuman.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 3:10

Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.

Hebreos 3:19

Chaynaqa, Diospi mana creesqankuraykum mana yaykuyta atirqakuchu.

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.