Hebreos 3:10 - CHUYA QELLQA La Biblia en Quechua de Ayacucho 2012

¹⁰ Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.

Quechua Ayacucho Bible 1987

¹⁰ Chayraykum chay runakunawan piñasqa karqani, chayraykum paykunata kaynata nirqani: “Tukuy tiempo pantaq sonqokunam kankichik” nispa. “Ñanniykunatapas mana reqsiqmi kankichik” nispa.

Chuya Qellqa 1992

¹⁰ Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.

Hebreos 3:10 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Isaías 28:7

Ichaqa paykunam vinota upyasqankurayku pantarunku, poqosqa aqata upyaspam tamsakachanku. Sacerdotewan profetapas poqosqa aqawan machaspam tampikachanku, paykunaqa visión rikusqankutam qewirunku, quejapi sentenciaspam pantarunku.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Mateo 20:24

Chayta uyariruspankum chunkantin discipulonkunañataq Juanpaqwan Santiagopaq piñakururqaku.

Marcos 3:5

Chaymi Jesusqa muyuriqninpi kaqkunata piñasqallaña qawarispan rumi sonqo kasqankumanta llakikurqa; chay runatañataqmi nirqa: Makikita haywariy, nispa. Haywariykuptillanmi makin sanoyarurqa.

Juan 8:45

Ñoqam ichaqa cheqapta nikichik aswanqa manam creewankichikchu.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 3:7

Sichum ñoqapa llullakusqay Diospa cheqap kaqninkunata reqsichinman chaynapi Dios hatunchasqa kananpaq, hinaptinqa, ¿imanasqataq huchasapata hinaqa juzgawanku?

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

Hebreos 3:12

Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.