Hebreos 3:1 - CHUYA QELLQA La Biblia en Quechua de Ayacucho 2012

¹ Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Quechua Ayacucho Bible 1987

¹ Waqe-panillaykuna, qamkunaqa kachkankichik Diospaq rakisqam chaynataq hanaq pachapi huñunasqa kanaykichikpaq qayasqam chaynaqa Diospa kachamusqan *f**sacerdotekunapa jefen chaskisqanchik Jesucristopiyá yuyaymanaychik.

Chuya Qellqa 1992

¹ Wawqe-panillaykuna, qamkunaqa kachkankichik Diospaq sapaqchasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 3:1 Iomraidhean Croise

Isaías 1:3

Toropas dueñontaqa reqsinmi, asnopas dueñompa ruwapusqan corraltaqa reqsinmi. Israel llaqtaymi ichaqa mana reqsikuq hinaspa mana uyarikuq rikurirun.

Isaías 41:20

Chaynapi haykam rikuqkuna ñoqa Tayta Diospa ruwasqayta yachanankupaq, Israelpa Chuya Diosnin kaspay unanchasqayta musyanankupaq.

Isaías 5:12

Convido ruwasqaykichikpipas arpakunata, bombokunata, qenakunatam tocankichik, vinopas puchu-puchum; Tayta Diospa ruwasqantam ichaqa mana qawarinkichikpaschu, Diospa tukuy ima ruwasqantaqa manam kaqpaqpas hapinkichikchu.

Ezequiel 12:3

Chaynaqa, runapa churin, preso apasqa hina lloqsinaykipaq apanayki kaqkunata allichakuy hinaspa paykuna qawasuchkaptiki punchaw pacha lloqsiy. Wasikimanta lloqsispa huklawman riy, icharaqpas mana kasukuq runakuna kasqankuta reqsikunmanku.

Ezequiel 18:28

Mana kasukusqanta qawaykuspan mana allin ruwasqankunata saqesqanraykum cheqaptapuni kawsanqa, manam wañunqachu.

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Hageo 2:15

Chaynaqa, temploypa perqankuna churayta manaraq qallaykuchkaspaykichikyá tukuy sonqoykichikmanta sumaqta yuyaymanaychik.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 20:21

Huktawanmi Jesús nirqa: ¡Hawkayay qamkunawan kachun! Imaynam Taytay kachamuwarqa, chaynam qamkunatapas kachaykichik, nispa.

Juan 20:27

Hinaspam Tomasta nirqa: Dedoykita kayman hinay hinaspa makiyta qaway chaynataq waqtaymanpas makikita hinay. Amayá mana iñiyniyuqqa kaychu aswanqa iñiyniyuqyá kay, nispa.

Hechos 1:15

Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Romanos 15:27

Chaytaqa kikillankumantam ruwarqaku, hinaspapas ruwanankupunim karqa, paykunaqa debekuq hinam kachkanku judiokunapa yanapakuyninwan Diosta chaskikusqankumanta. Chaymi paykunapas iñiqmasinchik judiokunata wakchayayninkupi imapas kapuqninkuwan yanapananku.

Romanos 15:8

Kaywanqa nichkaykichik Cristoqa judiokunata servinanpaqmi hamurqa hinaspa Diosqa cheqap kasqanta qawachinanpaqmi. Payqa hamurqa ñawpaq taytanchikkunaman Diospa promesan qosqanta cumplinanpaqmi.

Romanos 9:24

Chaynatam Dios qayaykuwarqanchik, wakiqninchikta judiokunamanta wakiqninchiktañataq mana judío kaqkunamanta.

1~Corintios 1:2

Corinto llaqtapi iglesiaman kay cartata qellqamuykichik, qamkunaqa kankichik Cristo Jesuspi Diospa akllasqankunam. Diosmi qayasurqankichik Señor Jesucristota maypipas yupaychaqkunawan kuska akllasqakuna hina kawsanaykichikpaq. Jesusmi, paykunapapas ñoqanchikpapas Señorninchikqa.

1~Corintios 10:17

Tantaqa chullallam, ñoqanchikñataqmi achkallaña kachkaspapas huk cuerpolla kanchik, llapallanchik huk tantallamanta mikusqanchikrayku.

1~Corintios 9:23

Tukuy chaykunatam ruwani Cristomanta allin noticia willakunayrayku hinaspa allin noticiamanta allin kaqkuna chaskinayrayku.

2~Corintios 1:7

Qamkunapim llumpayta confiakuniku, yachanikum ñakariqmasiyku kasqay-kichikta, yachanikutaqmi llakipayasqamasiyku kasqaykichiktapas.

2~Corintios 9:13

Kay yanapakuywanmi runa-kunaman allin noticiata chaskispa kasukusqaykichikta qawachinkichik, chaymi paykunapas Diosta yupaychanqaku. Yupaychanqakutaqmi paykunapaqwan llapallan runakunapaq ofrenda qosqaykichikmantapas.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 4:4

Cuerpoqa hukllam, hukllataqmi Espiritupas, Diosqa huk sonqolla suyanaykichikpaqmi qayasurqankichik.

Filipenses 3:14

Maymi chayanaymanmi richkani llallinakuypi kallpachkaq hina, chaynapi Jesucristontakama Dios qayawaspan premio qowasqanta chaskinaypaq.

Colosenses 1:12

hinaspa kusikuywan Dios Taytanchikman graciasta qonaykichikpaq. Paymi sapakamaman achkirichkaq tupasuqnikichikta qosunkichik.

Colosenses 1:22

Chaynaqa, karun Cristopa runa kayninpi wañus-qallanwanmi. Payqa wañurqa chuyanchasqata, mana qachayuqta hinaspa pasaypaq mana huchayuqtaña Diospa qayllanman pusaykusunaykichikpaqmi

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

1~Tesalonicenses 2:12

kunarqaykikutaqmi Dios-pa churinkuna hina allinta kawsanay-kichikpaqpas. Diosmi munaychakuyninpi hatunchasqa kanaykichikpaq qayasur-qankichik.

1~Tesalonicenses 5:27

Señorpa sutinpim kamachikichik, llapallan iñiqkunapaqyá kay cartata leeychik.

2~Tesalonicenses 1:11

Chayraykum tukuy tiempo qamkunapaq Diosta mañapuykiku. Diosninchikyá allinpaq hapisuspaykichik qayasusqaykichik-man hina, atiyninwan tukuy allin munasqaykichikta cumplichun, cumplichuntaqyá iñiynikichikwan llamkasqaykichikpipas.

2~Tesalonicenses 2:14

Chaypaqmi allin noticia willas-qaykutakama qayasurqankichik, chay-napi Señor Jesucristopa maymi kasqanpi kanaykichikpaq.

1~Timoteo 6:12

Allin peleachkaq hinayá iñisqaykipi kallpanchakuy wiñay kawsayta haypanaykipaq. Chaypaqmi Dios qayasurqanki, iñisqaykimantapas willakurqankiñam achka testigokunapa qayllanpi.

1~Timoteo 6:2

Sichum esclavokunapa patronnin iñiqmasin kaptinqa amayá iñiqmasin kasqanraykuqa mana kaqpaqqa hapichunchu. Aswanqa chay patronnin iñiqmasin hinaspa kuyay wawqen kasqanraykuyá allinta servichun. Kaykunatayá yachachiy hinaspa kamachiy.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

2~Timoteo 2:7

Kay nisqaykunapiyá yuyaymanay, hinaptinqa Señormi lliwta yachachisunki.

Hebreos 10:19

Chaynaqa, wawqe-panillaykuna Jesucristopa yawarnin chaqchusqanraykuyá confianzawan “Chuyay-chuyay” lugarman yaykusunchik.

Hebreos 10:21

Diospa wasinpiqa pusawaqninchik Sumo sacerdotem kapuwachkanchik.

Hebreos 10:23

Ama maylawmanpas muyuspayá imam iñisqanchikpi takyasunchik, Diosqa imam prometewasqanchiktaqa cumplinqapunim.

Hebreos 13:22

Wawqe-panikuna, ruegakuykichikmi, kallpanchanaypaq qellqamusqaytayá aslla kaptinpas pacienciawan qawaykuychik.

Hebreos 2:11

Diosllapaqña runakunata sapaqchaq Jesuspas chaynataq sapaqchasqan runakunapas Diospa churillanmi kanku. Chayraykum Diospa Churin Jesuspas mana penqakunchu sapaqchasqankunataqa “wawqeykuna” niyta.

Hebreos 2:17

Chayraykum wawqenkunaman tukuy imapi rikchakurqa chaynapi llakipayakuq hinaspa hapipakunapaq kasqanrayku Diospa qayllanpi sacerdotekunapa kamachiqnin kananpaq hinaspa runakunapa huchanrayku wañuspan, paykunapaq Diospa pampachakuyninta haypananpaq.

Hebreos 3:12

Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.

Hebreos 3:14

Ñoqanchikqa Cristowan hukllawasqañam kachkan-kichik, ichaqa imaynam qallariyninmanta hapipakuspa takyasqanchikpi hinayá tukupaykama allinta takyasun.

Hebreos 6:20

Chaymanmi Jesusqa yaykurqa lliwmantapas puntata, ñoqanchikpaq ñanta kichapuwananchikpaq, yaykurqaqa Melquisedecman rikchakuq sacerdotekunapa kamachiqnin wiñaypaq karuspanmi.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Hebreos 7:28

Moisespa leyninman hinaqa Sumo sacerdotekunaqa churasqa karqaku chaylla pantaruq runallamantam. Leypa qepantañataq-mi Sumo sacerdote kananpaqqa wiñay-paq mana huchayuq Churintaña juramentowan Dios churarun.

Hebreos 9:11

Cristom ichaqa hamurunña, payqa mana haykapipas tukuq allin kaqkunapa Sumo sacerdoten kaspanmi allin chuya carpaman yaykurun, chay carpaqa manam runakunapa ruwasqanchu nitaqmi kay pachallamanta kaqchu.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

1~Pedro 3:5

Ñawpaq tiempopi chuya warmikunapas chaynatam allichapakuqku, paykunaqa Diospi hapipakuspam qosankutapas kasukuqku.

1~Pedro 5:1

Kunanñataqmi qamkuna ukupi kaq ancianokunata rimapayamuni, ñoqapas paykuna hina ancianom kani, rikurqanitaqmi Jesucristopa ñakarisqankunatapas, ñoqapas pay-kunawan kuskam suma-sumaq riku-rimuq achkiyman yaykusaq.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

Judas 1:1

Jesucristo serviq hinaspa Jacobopa wawqen ñoqa Judasmi Dios Taytapa kuyasqankunaman hinaspa qayasqan-kunaman qellqamuykichik. Qamku-naqa Jesucristopa waqaychasqanmi kachkankichik.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 18:20

Hanaq pachapi kaqkunapas kusikuychikyá, Diosllapaqña kawsaqkunapas kusikuychikyá, apostolkunawan profetakunapas kusikuychikyá, chay llaqtata Dios castigasqanmanta kusikuychik. Qamkunapaq allin arreglota Diospa ruwasqanmanta kusikuychik”, nispanku.