Hebreos 13:7 - CHUYA QELLQA La Biblia en Quechua de Ayacucho 2012

⁷ Diospa palabranta yachachispa puntaman pusasuqnikichik michiqnikichikkunatayá yuyariychik. Imaynam kawsasqankuta qawarispayá iñiyninkuta qatipakuychik.

Quechua Ayacucho Bible 1987

⁷ Diospa palabranta yachachispa pusasuqnikichikmantayá yuyariychik. Imaynam kawsasqankupi yuyaymanaspayá paykuna hina confianzayoq kaychik.

Chuya Qellqa 1992

⁷ Diospa palabranta yachachispa puntaman pusasuqnikichik michiqnikichikkunatayá yuyariychik. Imaynam kawsasqankuta qawarispayá iñiyninkuta qatipakuychik.

Hebreos 13:7 Iomraidhean Croise

Cantares 1:8

Llapa warmikunamanta kuyayllapaq warmicha, mana yachaspaykiqa, ovejakunapa yupinta qatipay; michiqkunapa hatusninpa waqtampi cabrachaykikunata michiy.

Mateo 24:45

¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Lucas 12:42

Chaymi Señorñataq nirqa: ¿Pitaq allin yuyayniyuq hinaspa allin yachayniyuq sirvienteqa? ¿Paytaqa manachum patronninpas wasinpi churaykun, wasinpi kaqkunaman imam horapi mikuchinanpaq?

Lucas 5:1

Genesaret qochapa patanpi Jesús kachkaptinmi, llapa runakuna huñunakaramurqaku paytapas kichkichanankukama Diospa palabranta uyarinankupaq.

Lucas 8:11

Rikchanachisqaypa imam ninanqa kaymi: Muhuqa Diospa palabranmi.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

Hechos 4:31

Dios mañakuyta tukuruptinkum chay huñunakusqanku wasi katkatatarurqa, hinaptinmi Chuya Espíritu lliwman huntaykurqa. Chaymi manaña manchakuspanku Diospa palabranta willakurqaku.

Romanos 10:17

Iñiyqa uyariptinchikmi hamun, uya-riyñataqmi Cristopa palabranmanta hamun.

1~Corintios 10:13

Tentasqa kasqaykichikqa manam wakinkunapa tentasqa kasqankumantaqa maschu. Ichaqa Diosmi hapipakuna kasqanrayku mana munanqachu mana aguantay atinaykichikkama tentasqa kanaykichiktaqa. Tentacionkuna hamuptinqa Diosmi yanapasunkichik chaymanta lloqsinaykichikpaq.

1~Corintios 11:1

Imaynam ñoqapas Cristopa ruwas-qanta hina ruwani, chaynayá qamkunapas ñoqapa ruwasqayta hina ruwaychik.

1~Corintios 4:16

Chaymi ruegakuykichik imam ruwasqayta hina ruwanaykichikpaq.

Filipenses 3:17

Wawqe-panillaykuna, ñoqatayá qatipakuwaychik hinaspa wakiqnin ñoqa hina allinta kawsaqkunatapas qatipakuychik.

1~Tesalonicenses 1:6

Qamkunaqa ñoqaykupa hinaspa Señorninchikpa ejemplontam qatichkankichik, llumpayta ñakarichkaspaykichikpas Diospa palabrantam Chuya Espiritupa kusikuy qosusqaykichikwan chaskirqankichik.

1~Tesalonicenses 2:13

Chayraykum ñoqaykupas Diosman tukuy tiempo graciasta qoniku. Ñoqayku willaptiykum Diospa palabranta chaskirqankichik, ichaqa manam runapa rimasqanta hinallachu aswanqa Diospa cheqap palabranta hinam, chay palabraqa qamkuna ukupim allinta ruruchkan.

2~Tesalonicenses 3:7

Qamkunaqa yachankichikñam ñoqayku hina imaynam kawsaytaqa. Qamkunawan kaspaykuqa manam qella runakuna hinachu kawsarqaniku.

2~Tesalonicenses 3:9

Cheqaptapunipas ñoqaykupaqa derechoykum karqa mañakunaykupaq, ichaqa llamkarqanikum qamkunapas ñoqayku hina kanaykichikpaq.

1~Timoteo 3:5

Wasinpipuni kamachikuyta mana atichkaspaqa ¿imaynataq Diospa iglesiantaqa nanachikunman?

Hebreos 13:17

Michiqnikichikta kasukuspa paykunaman sujetakuychik. Paykunam almaykichikmanta nanachikunku, hi-naspam Diosman cuentata qonqaku. Kasukuptikichikqa mana hukmanyaspam kusisqalla pusasunkichik, mana chayqa manam allinnikichikpaqchu kanman.

Hebreos 13:24

Michiqnikichikkunatayá rimaykuy-chik, rimaykuychiktaqyá llapallan iñiq-kunatapas. Italiapi kaqkunam rimay-kamusunkichik.

Hebreos 6:12

Amayá qellaqa kaychikchu, aswanqa iñiywan hinaspa pacienciawanyá Diospa promesan chaskiqkunapa ruwasqanta hina ruwaychik.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.

Apocalipsis 1:9

Ñoqa, wawqekichik Juanmi ñakariqmasikichik kani chaynataq Diospa munaychakuyninpi Jesusrayku imapipas pacienciakuqmasikichikmi kani, Diospa palabranmanta hinaspa Jesucristomanta willakusqayraykum Patmos islapi preso karqani.

Apocalipsis 20:4

Rikurqanitaqmi tronokunatapas, chay-kunapiqa juzganankupaq kamachisqakunam tiyachkasqaku. Rikurqanitaqmi Jesusrayku hinaspa Diospa palabranta willakusqankurayku kunkan qorusqakunapa almankunatapas. Paykunaqa manam yupaycharqakuchu manchakuypaq animaltapas nitaq imagennintapas, manataqmi urkunkupipas nitaq makinkupipas marcantaqa churachikurqakuchu. Paykunaqa kawsarimuspankum Cristowan kuska waranqa wata munaychakunqaku.

Apocalipsis 6:9

Pichqa kaq sellota Cordero kichaykuptinñataqmi altarpa sikinpi rikururqani Diospa palabranta willakusqankurayku wañuqkunapa almanta.