Hebreos 13:5 - CHUYA QELLQA La Biblia en Quechua de Ayacucho 2012

⁵ Amayá qollqella maskaymanqa qoku-ruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Quechua Ayacucho Bible 1987

⁵ Amayá apuyaytaqa kuyaychikchu ichaqa kapusuqnikichikwanyá contentakuychik. Diosmi nirqa: —Manapunim dejasqaykichu nitaqmi saqesqaykichu —nispa.

Chuya Qellqa 1992

⁵ Amayá qollqella maskaymanqa qokuruychikchu, aswanqa imam kapusuqnikichikwanyá contentakuychik. Diosmi nirqa: Manapunim qonqasqaykichu nitaqmi saqesqaykichu, nispa.

Hebreos 13:5 Iomraidhean Croise

Génesis 28:15

Ñoqam qanwan kachkani, mayman riptikipas waqaychasqaykim, hinaspam kay allpaman kutichimusqayki. Manam saqesqaykichu, nisqaykunataqa cumplisaqpunim, nispa.

Génesis 30:31

Chaymi Labán nirqa: ¿Imatataq paganayta munanki? nispa. Hinaptinmi Jacob nirqa: Ama imatapas pagawaychu. Kunan nisqayta “allinmi” niptikiqa, kaqllam ovejaykikunata michimusaq.

Génesis 31:5

Chaypim paykunata nirqa: Taytaykichikmi hukmanyarun, manañam ñawpaqta hinañachu. Taytaypa Diosninmi ichaqa ñoqawan kachkan.

1~Reyes 6:13

hinaspaymi Israelpa mirayninkunawan yachasaq, Israelpa mirayninkunataqa manam saqesaqchu, nispa.

1~Reyes 8:57

Señorninchik Tayta Diosyá ñoqanchikwan kachun imaynam ñawpaq taytanchikkunawan kasqanta hina, amayá payqa wischuruwasunchu nitaq saqeruwasunchu.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

Éxodo 2:21

Chaynapim Moisesqa Reuelpa wasinpi yachananpaq arí nirqa. Chaymantam Reuelqa churin Seforawan Moisesta casarachirqa.

Éxodo 20:17

Amam munapayankichu runamasikipa wasinta, warminta, criadanta, criadonta, toronta, asnonta nitaq ima kapuqnintapas, nispa.

Proverbios 23:4

Ama apuyayllata maskaychu, aswanqa chaypi yuyarayayta saqey.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 41:17

Wakchakunawan mana imayuqkunam yakuta qallunkupas chakisqa maskachkanku, ichaqa manam tarinqakuchu; chaywanpas ñoqa Tayta Diosmi paykunataqa uyarisaq, Israelpa Diosninqa manam qonqasqaykichikchu.

Isaías 42:16

Ñawsakunatam mana reqsisqanku ñanninta pusasaq, ñawpaqninkupim tutayayta achkiyman tikrasaq, ranra ñantam pampa ñanmanña tikrasaq. Paykunapaqmi tukuy kaykunata ruwasaq, paykunataqa manam saqesaqchu.

Jeremías 6:13

Paykunaqa hatunpas taksapas llapallankum apuyayllamanña qokurunku, profetankunawan sacerdotenkunapas engañakuqllañam rikurirunku.

Ezequiel 33:31

Chaynapim runaykunaqa costumbrenkuman hina uyarinankupaq hamuspanku ñawpaqnikipi tiyaykusparaq uyarisunki, ichaqa manam ruwayman churanqakuchu. Paykunaqa kuyanakuqkunapa takinta hinaraqmi rimanku, sonqonkum ichaqa qollqellapi yuyaymanachkan.

Mateo 6:19

Kay pachapiqa amayá qori-qollqellataqa huñukuychikchu, chaykunaqa puyurachikuq, ismuruq hinaspa suwapa aparunallanmi.

Mateo 6:25

Chaynaqa, nikichikmi: Amayá mikunaykichikmanta, tomanaykichikmanta hinaspa pachakunaykichikmantaqa llakikuychikchu. Mikuymantapas aswanqa vidaykichikmi valen, pachamantapas aswanqa cuerpoykichikmi valen.

Mateo 6:34

Amayá hamuq punchawmantaqa llakikuychikchu, hamuq punchawkunapas sasachakuytaqa apamunqapunim. Punchawkunaqa sapakamam sasachakuyniyuq.

Marcos 7:22

waqllikuykuna, imatañapas munapayaykuna, mana allin ruwaykuna, engañakuykuna, vicioman qokuruykuna, envidiakuykuna, cuento qepi kaykuna, hatun tukuykuna, mana allin tanteaykuna.

Lucas 3:14

Soldadokunapas tapukuspankum nirqaku: ¿Imatataq ñoqaykuqa ruwasaqku? nispanku. Juanñataqmi nirqa: Amayá pitapas manchachispaqa nitaq yanqamanta tumpaspaqa imantapas qechuychikchu. Pagoykichikwanyá contentakuychik, nispa.

Lucas 8:14

Kichkakunaman wichiqñataqmi haykam uyariqkuna, paykunaqa allimantam kay pachapi afanakuykunawan, qori-qollqe maskaywan hinaspa aycha kusichiykunawan pamparachikunku, chaynapim mana rurunkuchu.

Romanos 1:29

Chaymi paykunaqa kay mana allin ruwaypa huntasqan kachkanku: Waqllikuqkuna, millakuypaq kaqta ruwaqkuna, qollqella kuyaqkuna chaynataq hukpa kaqninta munapayaqkuna, runa wañuchiqkuna, kikillanpaq munaqkuna, engañakuqkuna peleolla kuyaqkuna, cuento qepikuna,

1~Corintios 5:11

Qellqamurqaykichikqa iñiqmi kani nichkaspa huchapakuqkunawan, qollqella kuyaqkunawan, ídolo yupaychaqkunawan, cuento qepikunawan, sinkakuqkunawan hinaspa suwakunawan mana hukllawanakunaykichikpaqmi. Chaykunawanqa amam kuskapas mikunaykichikchu.

1~Corintios 6:10

nitaq suwakunaqa, qollqella kuyaqkunaqa, sinkakuypi kaqkunaqa, cuento qepikunaqa nitaq engañakuqkunapas.

2~Corintios 4:9

qatikachasqa kaspaykupas, ichaqa manam sapallaykuchu kachkaniku, tuñichisqa kaspaykupas, ichaqa manam chinkachisqachu kaniku.

Efesios 5:3

Qamkunaqa Diospa sapaqchakusqanmi kankichik, chaynaqa amañayá rimayllapas rimariychikchu huchapakuymantaqa chaynataq millakuypaq kaqkunamanta nitaq qollqella kuyay huchakunamantapas.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Deuteronomio 31:6

Chaynaqa, kallpanchakuspa qarinchakuychik. Ama paykunata manchakuychikchu, amataq katkatataychikchu; Señornikichik Tayta Diosmi qamkunawan richkan, manam payqa saqerusunkichikchu nitaqmi qonqasunkichikchu.

Deuteronomio 31:8

Tayta Diosmi ñawpaqnikita rispan qanwan kanqa. Manam saqesunkichu nitaqmi qonqasunkichu, chaynaqa ama manchakuychu nitaq hukmanyaychu, nispa.

Deuteronomio 4:31

Señornikichik Tayta Diospas llakipayakuq Dios kasqanraykum manapuni saqesunkichikchu, nitaqmi chinkachisunkichikchu. Ñawpaq taytaykichikwan juraspan pacto ruwasqantapas manam qonqanqachu.

Colosenses 3:5

Chaynaqa, aychapa mana allin ruway munayninkunatayá wañuchiychik: Amayá huchapakuychikchu, amayá millakuypaq kaqkunataqa ruwaychikchu, amayá mana allin munaywanqa aysachikuychikchu nitaq intuchikuychikchu, amataqyá qollqella kuyaqqa kaychikchu, (qollqe kuyayqa idolokuna yupaychay hinam).

1~Timoteo 3:3

upyakuykunapi mana purikuqmi, peleollapi mana purikuqmi, pacienciakuqmi, mana atipanakuqmi, qollqellaman mana qokuruqmi.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Josué 7:21

Jericó llaqtamanta apamusqanchik kaqkunamantam, Babiloniamanta kaq kuyayllapaq capata, iskay chunka kimsayuq kilo qollqeta hinaspa medio kilo pesaq qorita rikururqani. Chaykunatam kuyaruspay hapikurqani, hinaspaymi carpaypa chawpinpi allpa ukupi pamparurqani, qollqepas chaykunapa ukunpim pakasqa kachkan, nispa.

2~Pedro 2:14

Warmitapas waqllikuy ñawinkuwan-mi qawanku, huchallikuytaqa manam aminkuchu, pisi iñiyniyuqkunatam enga-ñanku, sonqonpim runapa kaqninta muna-payanku, kaykunaqa ñakay runakunam.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.

Judas 1:11

¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku.

1~Samuel 10:7

Kay señalkunata rikuchkaspaqa, atisqaykiman hinayá imatapas ruway, Diosmi qanwan kachkan.

1~Samuel 12:22

Tayta Diosmi ichaqa, sutin hatunchasqa kasqarayku mana saqesunkichikchu. Payqa runankunaña kanaykichiktam munan.