Hebreos 13:4 - CHUYA QELLQA La Biblia en Quechua de Ayacucho 2012

⁴ Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan hucha-pakuqkunatam ichaqa Dios juzganqa.

Quechua Ayacucho Bible 1987

⁴ Casado vidaqa llapallanpa respetasqanyá kachun, respetasqataqyá kachun puñunankupas. Hukwan tupakuruqkunatawan huchapakuqkunataqa Diosmi juzganqa.

Chuya Qellqa 1992

⁴ Casado kayqa llapallanpa respetasqanyá kachun, respetasqataqyá kachun camankupas. Waqllikuqkunatawan huchapakuqkunatam ichaqa Dios juzganqa.

Hebreos 13:4 Iomraidhean Croise

Génesis 2:21

Chaymi Adanta Tayta Dios sinchita puñurachirqa. Puñunankamam huknin costillanta hurqoruspan aychanta kaqllamanta wichqaykurqa.

Génesis 2:24

Chayraykum qariqa taytanta mamanta saqespa warminman hukllawakunqa, chaynapi iskayninku hukllaña kanankupaq.

2~Reyes 22:14

Hinaptinmi sacerdote Hilciaswan, Ahicam, Acbor, Safán hinaspa Asaías tapumunankupaq Harhaspa willkan hinaspa Ticvapa churin Salumpa warmin profetisa Huldaman rirqaku. Salumqa karqa Diospa templopi pachakunawan cuentallikuqmi. Huldaqa Jerusalén llaqtapa musoq barrionpim yacharqa. Chayaruspankum paywan rimarqaku.

Jobwan Sutichasqa Libro 31:12

Chaynata ruwaruptiyqa, tukuy imaykunatapas ninachá ruparunman karqa.

Isaías 8:3

Chaymantam profetisa warmiywan puñururqani, hinaptinmi wiksayakuruspan huk qari wawata wachakururqa. Chaymi Tayta Dios niwarqa: Chay wawata Maher-salal-hasbazwan sutichay.

Levítico 15:18

Sichum qariwan warmi puñuruspa karuptinkuqa, iskayninkum bañakunqaku, hinaspam tutaykuqkama millakuypaq kanqaku.

Levítico 18:20

Runamasikipa warminwanqa amam kakunkichu. Chaynata ruwaspaqa millakuypaqmi kawaq.

Malaquías 3:5

Tukuy Atiyniyuq Tayta Diosmi kaynata nin: Ñoqam qamkunata juzganaypaq hamu-saq. Kikiypunim testigo kasaq layqakunapa contranpi, waqllikuqkunapa contranpi, yanqamanta juraqkunapa contranpi, llamkaqkunapa pagon hapikuqkunapa contranpi, viudakunapa, wakchakunapa hinaspa huklaw llaqtayuqkunata ñakarichiqkunapa contranpi, chaynallataq mana kasuwaqniy runakunapa contranpipas, nispa.

1~Corintios 5:13

Diosmi mana iñiqkunataqa juzganqa. Qamkuna ukupi chay mana allin runataqa qarqoychik.

1~Corintios 6:18

Huchapakuymanta ayqeychik, runapa huk rikchaq hucha ruwasqanqa manam cuerponpa contranpichu, huchapakuqmi ichaqa kikinpa cuerponpa contranpi huchallikun.

1~Corintios 6:9

¿Manachu yachankichik Diospa munaychakuyninmanqa mana allin ruwaqkunaqa mana yaykunanta? Amayá engañakuychikchu: Diospa munaychakuyninmanqa manam yaykunqachu huchapakuypi puriqkunaqa, ídolo yupaychaqkunaqa, waqllikuqkunaqa, nitaq warmiwan hina qarimasinwan kaqkunaqa,

1~Corintios 7:38

Chaynaqa, casarachispaqa allintam ruwan, mana casarachispanñataqmi aswan allintaraq ruwan.

1~Corintios 9:5

¿Sichum iñiq warmiwan casado kaspaqa manachum kuska puriymanku wakin apostolkuna hina? Chaynatam Señorpa wawqenkunapas hinaspa Pedropas ruwar-qaku.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Gálatas 5:19

Suti reqsiyllam aychapa munayninkunaqa, chayqa kaykunam: Waqllikuykuna, uywanakuykuna, millakuypaq ruwaykuna, manaña penqarikuspa qanrakuykuna,

Gálatas 5:21

hukpa kaqnin munapayaykuna, (wañuchinakuykuna), upyakuykuna, mikuysapa kaykuna hinaspa chaykunaman rikchakuq tukuy rikchaq huchakuna. Ñawpaq nisqaytam huktawan nimuykichik: Chayna huchakuna ruwaqkunaqa manam Diospa munaychakusqanmanqa yaykunqakuchu.

Efesios 5:5

Kaytayá yachaychik: Pipas huchapakuqkunaqa, millakuypaq hucha ruwaqkunaqa hinaspa idolokuna yupaychaq hina qollqella kuyaqkunapas, Cristopa hinaspa Diospa munaychakusqanmanqa manam yaykunqachu.

Deuteronomio 22:22

Sichum pitapas casada warmiwan huchapakuchkaqta tariruspaykichikqa iskaynintam wañuchinkichik. Chaynata ruwaspam qamkunamanta mana allin ruwayta chinkachinkichik.

1~Tesalonicenses 4:6

Chaynaqa, amayá pipas runamasintaqa kamichunchu nitaq engañachunchu, Señorqa tukuy chaykunataqa vengakunqam. Ñam chaykunamantaqa willarqaykikuña.

1~Timoteo 3:12

Diaconokunaqa huk warmiyuqllam kananku, paykunaqa wasinpi kaqkunatawan chaynataq churinkunatapas allintam kamachinanku.

1~Timoteo 3:2

Iñiqku-namanta nanachikuqqa kanan: Mana pipapas anyananmi, huk warmiyuqllam, imamantapas controlakuqmi, allin yuyaywan imapas ruwaqmi, allichakuyninpas kanan allinmi, visitakuna allin chaskiykuqmi, allin yachachikuqmi,

1~Timoteo 3:4

Chayna runaqa wasinpi kaqkunatam allinta kamachinan, churinkunatam allinta yachachinan kasukuq hinaspa respetakuq kanankupaq.

1~Timoteo 4:3

Chayna runakunam harkakunqaku: Ama casarakuychikchu, kay-wak mikuytaqa ama mikuychikchu, nispanku. Diosmi lliw mikuykunataqa unancharqa payman agradecekuspa mikunanchikpaq, chaymi iñiqkunaqa cheqap kaqta yachasqanchikrayku imatapas mikuchwanchik.

1~Timoteo 5:14

Chaymi ñoqaqa munayman kallpanpiraq kaq viudakunaqa huktawan casarakuspanku wawayuq kanankuta, wasinkupi ocupakunankuta, chaynapi enemigowan ama kamichikunankupaq.

Tito 1:6

Ancianoqa mana pipapas anyananmi kanan, chullalla warmiyuq, churinkunapas Jesucristopi iñiqkuna, kasukuqkuna hinaspa mana pipapas acusananmi kananku.

Hebreos 12:16

Amayá pipas huchapakuchunchu nitaq Diospa kaqninkunatapas despreciachunchu, imaynam Esaú huk plato mikuyllapaq piwi kayninta rantikusqanta hinaqa.

Apocalipsis 22:15

Ichaqa hawa-pim qepanqaku: Allqo hina kawsaqku-naqa, layqakunaqa, huchapakuqkunaqa, runa wañuchiqkunaqa, idolokuna yupaychaqkunaqa hinaspa llullakuqkunaqa.