Hebreos 13:2 - CHUYA QELLQA La Biblia en Quechua de Ayacucho 2012

² Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

Quechua Ayacucho Bible 1987

² Wasikichikpi samaykachiytapas amayá qonqaruychikchu. Chaynata ruraspankum wakinkunaqa mana yachastin angelkunata samaykachirqaku.

Chuya Qellqa 1992

² Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

Hebreos 13:2 Iomraidhean Croise

Génesis 18:1

Mamre lawpi encina sachankunapa kasqanpi, sinchita rupamuptin carpapa punkunpi Abraham tiyachkaptinmi Tayta Dios payman rikuriykurqa.

Génesis 19:1

Chay iskay angelkunam Sodoma llaqtaman tardeykuytaña chayarurqaku. Lotñataqmi tiyachkarqa Sodoma llaqtapa punkunpi, chaymi angelkunata rikuykuspan paykunata chaskiq rirqa, hinaspam pampaman kumukuykuspan

2~Reyes 4:8

Huk punchawmi Sunem llaqtanta Eliseo pasachkarqa, chaypim ancha kapuqniyuq warmi yacharqa. Paymi Eliseota hikutaspan wasinpi mikumunanpaq pusarqa. Chaymi sapa kuti chayninta pasaspanqa chay warmipa wasinpi mikunanpaq yaykuq.

Jobwan Sutichasqa Libro 31:19

Pipas mana pachayuq kaspa ñakarisqanta rikuykuspayqa, wakcha kasqanrayku qatakuykunanpaq mana imanpas kaptinqa,

Jobwan Sutichasqa Libro 31:32

Huklaw llaqtayuqkunataqa manam hawapi puñunantaqa munarqanichu, illaqkunamanpas wasiytaqa kichaykuqmi kani.

Isaías 58:7

yarqasqa runata mikuykachiymi, mana wasiyuqta wasikipi samaykachiymi, mana pachayuqta pachaykachiymi, runamasikita tukuy imapi yanapaykuymi.

Levítico 19:34

Llaqtamasikichikta hinam paykunataqa qawankichik, kikikichikta hinam kuyankichikpas, qamkuna hina kasqanrayku. Huklaw llaqtayuqmi qamkunapas Egipto nacionpi karqankichik. Ñoqaqa Tayta Diosmi kani.

Mateo 25:35

Qamkunaqa yarqaymanta kaptiymi mikuykachiwarqankichik, yakumanta kaptiymi yakuta qoykuwarqankichik; runapa llaqtanpi puriptiymi samaykachiwarqankichik.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 25:43

Runapa llaqtanpi puriptiypas manam samaykachiwarqankichikchu, mana pachayuq kaptiypas manam pachaykachiwarqankichikchu, onqoptiypas hinaspa carcelpi kaptiypas manam watukuykuwarqankichikchu”, nispa.

Hechos 16:15

Chaymi wasinpi kaqkunapiwan kuska bautizakuruspanku, kaynata ruegawarqaku: Cheqaptapuni Señorman iñikusqayta yachaspaykichikqa wasiypiyá samakamuychik, nispa. Llumpayta ruegawaptinkum wasinpi samapakurqaniku.

Romanos 12:13

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

Romanos 16:23

Wasinpi samapakusqay Gayopas chaynataq wasinpi huñunakuq iñiqmasinchikkunapas rimaykamusunkichikmi. Llaqtapa qollqen waqaychaq Erastopas hinaspa wawqenchik Cuartopas rimay-kamusunkichikmi.

1~Timoteo 3:2

Iñiqku-namanta nanachikuqqa kanan: Mana pipapas anyananmi, huk warmiyuqllam, imamantapas controlakuqmi, allin yuyaywan imapas ruwaqmi, allichakuyninpas kanan allinmi, visitakuna allin chaskiykuqmi, allin yachachikuqmi,

1~Timoteo 5:10

Payqa wawankuna allin uywasqanwanmi, visitakuna allin chaskisqanwanmi, iñiqmasinkunapa chakin mayllaykusqanwanmi, ñakariqkunata yanapasqanwanmi hinaspa tukuy imapas allinkuna ruwasqanwanmi reqsichikuna.

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

1~Pedro 4:9

Ama murmuranakuspa wasikichikpipas samaykachinakuychik.

3~Juan 1:5

Kuyasqay wawqelláy, allintapunim ruwachkanki iñiqmasinchikkunata yanapaspaykiqa, karu llaqtayuqkunata yanapaspaykiqa aswan allintaraqmi ruwachkanki.