Hebreos 13:16 - CHUYA QELLQA La Biblia en Quechua de Ayacucho 2012

¹⁶ Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

Quechua Ayacucho Bible 1987

¹⁶ Allin ruraytawan kapuqnikichikwan yanapanakuytaqa amayá qonqaychikchu, chay rurasqaykichikwanmi kañasqa ofrendawan hina Diosta agradankichik.

Chuya Qellqa 1992

¹⁶ Allin ruwaytawan kapuqnikichikwan yanapanakuytaqa amayá qonqaychikchu, chay sacrificiokuna ruwasqaykichikmi Diosta agradan.

Hebreos 13:16 Iomraidhean Croise

Lucas 18:22

Chayta uyarispanmi Jesusñataq nirqa: Chaywanpas kayraqmi ruwanayki kachkan, rispayki tukuy kapuqnikita rantikaramuy hinaspa chay qollqeta wakchakunaman qoykamuy, chaynapim hanaq pachapi kapuqniyuq kanki, hinaspayá qatiway, nispa.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 9:36

Jope llaqtapim yacharqa Jesucristopi iñikuq Tabita sutiyuq warmi, paypa sutinmi griego rimaypi karqa Dorcas. Paymi allinkunata ruwaspan wakchakunata yanapaq.

Romanos 12:13

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

Gálatas 6:10

Chayraykum, kapuwasqanchikman hina lliwpaq allin kaqkunata ruwananchik, tukuymanta llalliriqtaqa iñiqmasinchikkunapaqyá ruwasunchik.

Gálatas 6:6

Diospa palabran chaskiqkunaqa yachachiqnintam imallawanpas yana-pananku.

Efesios 4:28

Pipas suwakuqqa amañayá suwakuchunchu, aswanqa imatapas allinta ruwaspayá llamkachun, chaynapi mana imayuqkunata imallawanpas yanapaykunanpaq.

Filipenses 4:14

Chaywanpas qamkunaqa allintam ruwarqankichik, sasachakuyniykunapi yanapawaspaykichik.

Filipenses 4:18

Ñoqaqa puchu-puchutaraqmi chaskiruni. Epafroditowan apachimuwasqaykichikwanmi achkaña kapuwachkan, apachimuwasqaykichikqa karqa Diospaq miski asnaq ofrenda hinam hinaspa paypa agradonpaq kañasqa animal hinam.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

2~Tesalonicenses 3:13

Wawqe-panillaykuna, qamkunayá ichaqa allinkuna ruwaytaqa ama amiy-chikchu.

1~Timoteo 6:18

Allin kaqkuna ruwanankupaq kamachiy, allinkuna ruwayninyá apu kayninkuqa kachun, kuyakuywan imallankupas qokuykuqyá kachunku.

Filemón 1:6

Diostam mañakuchkani iñiqmasiyku kaspayki kuyasqayki Cristorayku tukuy allinkuna ruway atisqanchikta yachanaykipaq,

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

3~Juan 1:11

Kuyasqay wawqelláy, qamqa amayá mana allin ruwasqantaqa qatipakuychu, aswanqa allin kaqtayá ruway. Allin ruwaqkunaqa Diospam, mana allin ruwaqkunam ichaqa Diosta mana reqsinkuchu.