Hebreos 12:2 - CHUYA QELLQA La Biblia en Quechua de Ayacucho 2012

² Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Quechua Ayacucho Bible 1987

² Kallpasunqa iñichiwaqninchik hinaspa qespichiwaqninchik Jesusta qawaspayá. Paymi ancha kusikuyniyoq kananta yachaspan cruzpi ñakarirqa penqaytapas qepanchakuykuspa hinaspam Diospa tiyananpa alleq lawninpi tiyaykurqa.

Chuya Qellqa 1992

² Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Hebreos 12:2 Iomraidhean Croise

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 45:22

Tukuy hinastinpi yachaqkuna ñoqaman hamuwaychik, ñoqam lliw runakuna salvaq Diosqa kani, manam sapaq Diosqa kanchu.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Números 21:9

Moisesmi broncemanta maqta uruta ruwaruspan kaspiman churarurqa. Hinap-tinmi maqta urupa kachusqan runakuna, broncemanta maqta uruta qawaspanku mana wañuqkuchu.

Mateo 16:21

Chaymantapunim discipulonkunaman Jesús willakurqa Jerusalenman riptin judiokunapa chaynataq sacerdotekunapa kamachiqninkuna hinaspa Diospa leynin yachachiqkuna ñakari-chinankumanta. Willakurqataqmi wañu-rachiptinku kimsa punchawninman kawsarimunantapas.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Marcos 14:36

Mañakuspanmi nirqa: Taytalláy, qampaqqa tukuy imapas atinallaykim, kay ñakariymantayá libraykullaway, ichaqa amayá ñoqapa munasqaychu kachun aswanqa qampa munasqaykiyá, nispa.

Marcos 15:28

[Chaynapim Qellqapa kayna nisqan cumplikurqa: Huchasapakunawan hukllawasqam karqa], nispa.

Marcos 16:19

Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa.

Marcos 9:12

Hinaptinmi Jesusñataq nirqa: Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan?

Marcos 9:24

Hinaptinmi chay warmapa taytanñataq qaparispan nirqa: ¡Creenim, aswanraq creenaypaqyá yanapaykullaway! nispa.

Lucas 17:5

Apostolninkunam Señorta mañakurqaku: Iñiytayá yapaykuwayku, nispanku.

Lucas 23:11

Herodesmi soldadon-kunapiwan Jesusta despreciarqaku, hinaspam reyta hinaraq burlakunankupaq suma-sumaq pachawan pacharachirqaku. Chaymantam Pilatoman kutirichirqa.

Lucas 24:26

¿Ma-nachum Cristoqa hanaq pachaman kutinanpaqqa tukuy chaykunata ñakarinan karqa? nispan.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Juan 12:24

Cheqaptapunim nikichik, allpaman huk trigo wichispa mana wañuspanqa hina kaqllam kanqa, wañuspanmi ichaqa achkallataña rurunqa.

Juan 12:32

Ñoqañataqmi chakatawaptinku llapallanta kikiyman pusamusaq.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 6:40

Taytapa munasqanqa kaymi: Diospa Churinta rikuspa payman iñiqqa wiñay kawsayniyuqñam, chayna iñiqtaqa tukupay punchawpim kawsarichimusaq, nispa.

Juan 8:56

Ñawpaq taytaykichik Abrahamqa hamunay punchawta qawaykuyta munaspanmi kusikurqa, rikuykuspanñataqmi aswanraq kusikurqa.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Hechos 3:15

Chaynapim kawsay qokuq Jesusta wañuchirqankichik. Ichaqa Dios Taytam kawsarichimurqa, chaymi Jesús kawsarimusqan rikusqaykumanta testigo kaniku.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

1~Corintios 1:18

Chinkasqakunapaqqa, Cristopa cruzpi wañusqanmanta willakuyqa mana valeqpaq hapisqam, salvakuy munaqkunapaqmi ichaqa kay willakuyqa atiyniyuq.

1~Corintios 1:23

ñoqanchikmi ichaqa chakatasqa Cristomanta willakunchik. Judiokunapaqmi kay willakuyqa urmachiqninku hina, mana judío kaqkunapaqñataqmi mana valeqman rikchakun.

Efesios 2:16

Cristom cruzpi wañusqanwan Dios-wan allinyanachispan iskaynin llaqtakunata hukllamanña huñururqa, chaynataqa ruwarqa cheqninakusqankuta pasaypaqta chinkachispanmi.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Filipenses 3:20

Ñoqanchikmi ichaqa hanaq pacha llaqtayuq kanchik, chaynapim Señor Jesucristopa kutimunanta suyachkanchik.

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Hebreos 1:13

Manam mayqannin angelninkunatapas Diosqa nirqachu: Enemigoykikunata vencenaykama alleqniypi tiyaykuy, enemigoykikunata saruchinaykama alleqniypi tiyaykuy, nispaqa.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 10:14

Chaynatam Cristoqa huk kutillata wañusqanwan wiñaypaq haykam Diospaq sapaqchasqa kaqkunata chuyancharun.

Hebreos 10:33

Huk kutipim runakuna qawakunankupaq tukuy imaymana kamisqa hinaspa maqapasqa karqankichik. Huk kutipiñataqmi ñakariqkunapa ñakariqmasin karqankichik.

Hebreos 11:36

Wakinkunatam burlakurqaku, azoterqaku, cadenarqaku hinaspam carcelman wichqarqaku. Chayna pruebakunatam chaskirqaku.

Hebreos 12:3

Chaynaqa, Señor Jesuspa ejemplonpiyá yuyaymanaychik, paymi ñakarirqa huchasapa runakunapa kamikuyninta, chaynapi mana pisiparunaykichikpaq nitaq huk-manyarunaykichikpaq.

Hebreos 13:13

Chaynayá ñoqanchikpas campamentomanta lloq-sispa Jesusta qatisunchik payta imayna kamisqankuta hina kamiwaptinchik ñakarispapas.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Hebreos 7:19

Moisespa leyninqa manam imapaqpas servirqachu, kunanmi ichaqa chaypa rantinpi kapuwachkanchik allin confianzawan Diosman asuyku-nanchikpaq.

Hebreos 8:1

Tukuy nisqaykunapa yachachikuyninqa kaymi: Sumo sacerdotenchikmi kapuwachkanchik, payqa hanaq pachapim Diospa alleqninpi tiyachkan.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

Santiago 2:1

Kuyasqay wawqe-panillaykuna, atiyniyuq Señorninchik Jesucristopi iñiq kaspaykichikqa amayá pimanpas sayapakuychikchu.

1~Pedro 1:11

Cristopa Espiritunmi profetakunaman ñawpaqmantaraq yacha-chirqa Cristopa ñakarinanmanta hinaspa chaykuna pasaruptin hatunchasqa kananmanta. Paykunam yachaykuyta munarqaku Cristopa imaynam ñakarinanmanta hinaspa chaykunapa qepanta hatun kusikuy hamunanmanta.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.

Judas 1:21

Diospa kuyakuyninpiyá waqaychakuychik, Señorninchik Jesucristopa wiñay kawsaypaq kuyapayakuyninta suyaspa.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Apocalipsis 1:8

Tukuy Atiyniyuq Señor Diosmi nin: “Ñoqam kani Qallariypas Tukupaypas. Ñoqataqmi kani Ñawpaq kaqpas, Kunan kaqpas, Hamuq kaqpas”, nispa.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin: