Hebreos 11:9 - CHUYA QELLQA La Biblia en Quechua de Ayacucho 2012

⁹ Iñiyllawanmi Diospa prometesqan allpapipas runapa allpanpi mana llaqtayuq hina purirqa. Pay hinallataqmi Isaacwan Jacobpas maypim yachanankupaq promesata chaskirqaku.

Quechua Ayacucho Bible 1987

⁹ Iñiyllawanmi Diospa prometesqan allpapipas runapa allpanpi hina forastero purirqa. Herencia chaskiqmasin Isaacwan Jacobpas karpakunallapim yacharqaku.

Chuya Qellqa 1992

⁹ Iñiyllawanmi Diospa prometesqan allpapipas runapa allpanpi mana llaqtayuq hina purirqa. Pay hinallataqmi Isaacwan Jacobpas maypim yachanankupaq promesata chaskirqaku.

Hebreos 11:9 Iomraidhean Croise

Génesis 12:8

Chaymantam pasakurqa Bet-elpa waklawnin intipa qespimunan law orqoman, hinaspam carpanta chaypi hatarichirqa, chay kasqanmantam Bet-el llaqta rikukurqa intipa seqaykunan lawpi, Hai llaqtañataqmi intipa qespimunan lawpi. Chaypim Tayta Diospaq altarta ruwaspan payta hatuncharqa.

Génesis 13:18

Chaymi Abramqa carpanta astarqa Hebrón lawpi Mamre sutiyuq runapa encina sachankunapa kasqanman, chaypim Tayta Diosta yupaychananpaq huk altarta ruwarqa.

Génesis 13:3

Neguev lawmantam allimanta kutirqa ñawpaq yachasqan Bet-elkama. Chay sitioqa tarikurqa Bet-elmanta Haiman rinapim.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 18:6

Chaymi Abrahamqa Sarapa kasqan carpaman kallparqa, hinaspam Sarata nirqa: Utqayman iskay chunka kilo harinata chapuy hinaspa tantata ruway, nispa.

Génesis 18:9

Paykunañataqmi Abrahamta tapurqaku: ¿Maypitaq warmiki Sara kachkan? nispanku. Abrahamñataqmi nirqa: Wak carpapim kachkan, nispa.

Génesis 21:34

Abrahamqa unay watam Filistea nacionpi yacharqa.

Génesis 23:4

hinaspam nirqa: Ñoqaqa huklaw llaqtayuqmi qamkuna ukupi yachani. Chaynaqa, warmiy pampanaypaqyá allpata rantikuwaychik, nispa.

Génesis 25:27

Iskayninkum wiñarurqaku. Esaumi karqa purun animalkuna hapiq hinaspa campoman amañasqa runa, Jacobñataqmi karqa carpallapi yachaspa hawkalla kakuq runa.

Génesis 28:4

Abrahamman prometesqan bendicionnintayá qanmanwan miraynikikunaman qosunkichik, chaynapi mana llaqtayuq hina yachasqanchik allpa qamkunapaña kananpaq, nispa.

Génesis 31:25

Labanmi Jacobta hayparurqa carpankuna sayachisqan Galaad law orqokunapi, chaypim paypas ayllunkunapiwan carpankuta sayachirqaku.

Génesis 35:27

Chaymantam Jacob chayarurqa taytan Isaacpa kasqan Mamre lawpi Arba llaqtaman, chay llaqtapa huknin sutinmi karqa Hebrón. Chaypim ñawpaqta Abrahampas chaynataq Isaacpas yacharqa.

Génesis 36:7

Jacobwan Esauqa llumpay apullañam karqaku, animalsapallaña kasqankuraykum kuska yachayta mana atirqakuchu, yachasqanku allpapas manam hayparqachu.

Génesis 47:9

Jacobñataqmi nirqa: Ñoqaqa kay mana llaqtayuq hina purisqaypim pachak kimsa chunka wataypiña kachkani. Kay pisi watakunallapipas sasallatañam kawsarqani, chaywanpas ñawpaq taytaykunapa watankunamanqa manaraqmi haypaniraqchu, nispan.

Jeremías 35:7

Wasitapas amam ruwankichikchu, amam chakrakunapipas tarpunkichikchu, amataqmi uvastapas plantankichikchu; aswanqa kawsanaykichikkamam carpallapi yachankichik, chaynapi huklaw llaqtayuq hina kay yachasqaykichik allpapi unay watakuna kawsanaykichikpaq”, nispa.

Hebreos 6:17

Chaynapunim Diospas tanteasqanmanta qepamanqa mana kutinmanchu. Chayraykum prometesqankunataqa herencia qosqan chaskiqkunaman juraspan cheqap kasqanta qawachirqa.