Hebreos 11:8 - CHUYA QELLQA La Biblia en Quechua de Ayacucho 2012

⁸ Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Quechua Ayacucho Bible 1987

⁸ Iñiyllawanmi Abrahampas, Dios kamachiptin llaqtanmanta lloqsirqa herencia hina chaskinan allpaman, pasarqamá manaraq reqsichkaspanpas.

Chuya Qellqa 1992

⁸ Iñiyllawanmi Abrahampas, Dios qayaykuptin kasukurqa, hinaspam llaqtanmanta lloqsirqa herencia chaskinan allpaman, chaymi lloqsirqa mana maymanpas rinanta yachastin.

Hebreos 11:8 Iomraidhean Croise

Génesis 11:31

Tareymi lloqsirqa Caldea lawpi Ur llaqtamanta Canaán lawman rinanpaq, hinaspam pusarqa churin Abramta warmintinta, chaynataq Haranpa churin Lottapas; Lotqa karqa Tareypa willkanmi. Harán llaqtaman chayaruspankum chaypi yacharqaku.

Génesis 12:5

Abrammi Canaán lawman rispan warmin Saraita pusarqa. Sobrinon Lotpas paywanmi rirqa. Aparqataqmi tukuy imankunatapas chaynataq Haranpi yachaspa animalkuna, runakuna rantisqantapas, hinaspam Canaanman chayarurqaku.

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 20:13

Taytaypa wasinmanta mana llaqtayuq hina purinaypaq Dios hurqoramuwaptiymi, warmiyta nirqani: Ama hina kaspaykim maylaw llaqtaman chayaptinchikpas turiymi niwanki, nispay.

Génesis 22:18

Kasuwasqaykiraykum kay pachapi lliw runakuna miraynikitakama bendecisqa kanqaku”, nispa.

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Isaías 41:2

¿Pitaq intipa qespimunan lawmanta imapipas allinllaña lloqsiq reyta hatarichimurqa? ¿Pitaq nacionkunatapas reynintinta payman hapiykachirqa? Chay reymi paykunapi munaychakuspa espadanwan polvota hina ruwarunqa, flechana arconwan ñuturuspam wayrapa apanan qopata hina cheqechinqa.

Isaías 51:2

Taytaykichik Abrahammanta yuyariychik, mamaykichik Saramanta yuyariychik. Abrahamta qayaptiyqa sapallanraqmi karqa, ichaqa bendecispaymi mirachirqani.

Ezequiel 36:24

Ñoqapunim lliw nacionkunamanta hurqomusqaykichik, chaykunamanta huñumuspam allpaykichikman kutichisqaykichik.

Números 10:30

Hinaptinmi cuñadon Hobab nirqa: Manam riymanchu, ñoqaqa llaqtaypi aylluykunapa kasqanmanmi kutikusaq, nispa.

Mateo 2:21

Chaymi Joseyqa hatarispan wawatawan mamanta pusarikuspan Israel nacionman kutirqa.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 10:16

Ichaqa manam llapallankuchu allin noticiata kasukunku. Isaiasmi nirqa: Señorlláy, ¿pitaq willakusqaykutaqa creerqa? nispa.

Romanos 6:17

¡Ichaqa Diosmanyá gracias kachun! Ñawpaqtaqa huchapa esclavonmi karqankichik, kunanmi ichaqa yachachikuykuna chaskisqaykichikta tukuy sonqomanta kasukuchkankichik.

2~Corintios 10:5

Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

Deuteronomio 9:5

Manam allin ruwaq runakuna otaq allin sonqoyuq kasqaykichikraykuchu paykunapa allpanmanqa pusasunkichik. Aswanqa Señornikichik Tayta Diosmi chay runakunataqa mana allinkuna ruwasqankumanta qarqonqa, chaynata ñawpaq taytaykichik Abrahamman, Isaacman hinaspa Jacobman jurasqanta cumplinanpaq.

Hebreos 11:33

Paykunaqa iñiyllawanmi huklaw nacionkunata vencerqaku, mana pimanpas sayapakuspam kamachikurqaku, Dios-pa prometesqankunatam chaskirqaku, leonkunapa simintam wichqarurqaku,

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Josué 24:3

Ñoqa Tayta Diosmi taytaykichik Abrahamta mayupa waklaw chimpanmanta pusamuspay Canaán law allpakunapi purichirqani. Chaymantam payta mirachirqani churin Isaacta qospay.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 3:1

Warmikuna, qamkunapas qosaykichiktayá kasuychik, chaynapim Diospa palabranpi mana iñiq qosakunapas mana rimapayachkasqalla allin kawsasqaykichikta qawaspa iñikunqaku.

1~Pedro 4:17

Ñam chayaramunña Diospi iñiqkunata juzganan punchaw, ñoqanchikwan juicio qallariptinqa, ¿imaynaraq kanqa Diospa allin notician mana kasukuqkunaqa?