Hebreos 11:7 - CHUYA QELLQA La Biblia en Quechua de Ayacucho 2012

⁷ Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Quechua Ayacucho Bible 1987

⁷ Iñiyllawanmi Noeypas hamuq punchawkunapi pasananmanta Dios willaykuptin payta manchakuspan buqueta rurarqa familianta chaypi salvananpaq. Iñiyninwantaqmi kay pachapi kaqkunatapas condenarqa hinaspam chaskirqa iñiymanta hamuq allin kawsakuyta.

Chuya Qellqa 1992

⁷ Iñiyllawanmi Noeypas, hamuq punchawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Hebreos 11:7 Iomraidhean Croise

Génesis 19:14

Chaymi wasinmanta Lot lloqsispan warmi churinkuna casaray munaqkunata nimurqa: Kay llaqtamanta utqayman lloqsiychik, Diosmi kay llaqtata puchukachinqa, nispa. Chay runakunam ichaqa burlapaq hapirurqaku.

Génesis 6:13

Chaymi Noeyta Dios nirqa: Kunanmi tantearuni llapa runakuna chinkachiyta, paykunapa huchanmantam kay pacha kaynaniraq tarikun. Chaynaqa, kay pachamantam puchukachisaq.

Génesis 6:22

Noeymi Diospa kamachisqanman hina lliwta ruwarqa.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Génesis 7:23

Chaynatam kay pachapi llapallan kawsaqkuna wañururqaku, runakunamanta qallaykuspa uywa animalkuna, qasqonpa puriq animalkuna chaynallataq alton pawaq animalkunapas; aswanqa Noeywan kuska arcapi kaqkunallañam qeparurqaku.

Génesis 7:5

Chaymi Tayta Diospa kamachisqanman hina Noé ruwarqa.

Génesis 8:16

Arcamanta lloqsiy, lloqsichuntaq warmikipas, churikikunapas chaynataq llumchuynikikunapas.

2~Reyes 4:5

Nisqanpi hinam chay warmiqa wasin-man pasaspan wawankunawan punkunta wichqakaramurqa. Wawankuna aysakukunata haywaptinmi payñataq aceiteta hillpurqa.

Jobwan Sutichasqa Libro 35:8

Mana allin ruwasqaykiqa qam hina runallatam qachachan, allin ruwaynikipas runallatam yanapan.

Proverbios 22:3

Allin tanteakuq runaqa sasachakuyta qawarispam suchurikun, mana yachayniyuq runam ichaqa sasachakuyman yaykuruspan ñakarin.

Proverbios 27:12

Yachayniyuq runaqa sasachakuyta qawaspam asurikun, mana yuyaymanayniyuqmi ichaqa sasachakuyman yaykuspa ñakarin.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Ezequiel 14:20

ichaqa Noeywan, Daniel hinaspa Job chay nacionpi yachaspankuqa manam churinkutawanpas salvaytaqa atinmankuchu, aswanqa kikillankum allin ruwaq kasqankurayku salvakunmanku.

Ezequiel 33:5

Payqa trompetata uyarichkaspam mana kasukurqachu, chayraykum wañusqanmantaqa kikinpuni huchayuq kanqa. Kasukuspanqa manam wañunmanchu karqa.

Mateo 2:12

Ichaqa Diosmi paykunata mosqoyninkupi kamachirqa rey Herodesman amaña kutinankupaq, chaymi huklaw ñannintaña llaqtankuman kutikurqaku.

Mateo 24:15

Profeta Danielmi qellqarqa “Chuya” sutiyuq lugarpi millakuypaq kaqkunamanta (pipas kayta leeqqa entiendechun). “Chuya” sutiyuq lugarpi chaykunata rikuspaykichikqa,

Mateo 24:25

Qamkunataqa ñawpaqmantaraqmi nirqaykichikña.

Mateo 24:38

Chay pun-chawkunapim manaraq sinchi para chayamuchkaptin llapa runakuna mikukuchkarqaku, upyakuchkarqaku, casarakuchkarqaku hinaspa casarachinakuchkarqaku; arcaman Noeypa yaykunan punchawkama.

Mateo 3:7

Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Lucas 17:26

Imaynam Noeypa tiemponpi karqa, chaynam runapa Churin kutimuptinpas kanqa.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

Romanos 10:6

Aswanqa iñikuspallanchik mana huchayuqpaqña Diospa chaskisqan kananchikmantapas kaynatam nin: Amayá sonqoykipi niychu: ¿Pitaq hanaq pachaman wicharinqa? (Kayqa Cristota uraykachimunanpaqmi) nispaykiqa.

Romanos 3:22

Jesucristoman iñikuptillanchik-mi Diosqa llapa runakunata mana huchayuqtaña ruwawanchik. Manam imananchu pim kasqanchikpas.

Romanos 4:11

Chaymantañam Abrahamqa señalachikurqa iñisqanrayku mana huchayuqpaqña Diospa chaskisqan kasqanta qawachikunanpaq. Chaynapim Abrahamqa mana señalachikuq llapallan iñikuqkunapa taytankuña rikurirun. Chayna iñikuptillankum Diosqa paykunatapas mana huchayuqpaqña chaskin.

Romanos 4:13

Diosmi kay pachata herencianku kananpaq Abrahammanwan mirayninkunaman prometerqa. Ichaqa kay promesataqa qorqa manam leyta kasukuptinkuchu aswanqa iñisqakuraykullam.

Romanos 9:30

¿Imanisuntaq? Mana judío kaqkunapas Diosta mana ñawpaqta maskachkaspankupas, iñisqankuraykum Diospa pampachasqanña rikurirunku.

Gálatas 5:5

Ñoqanchikmi ichaqa Chuya Espiritupa yanapakuy-ninwan, mana huchayuqpaqña chaskisqa kananchikpaq iñiyllanchikwan suyachkanchik.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.

Hebreos 11:1

Iñiyqa suyasqanchikta cheqaptapuni chaskinanchikpaq suyaymi chaynataq mana rikusqanchik kaqta cheqappaq hapiymi.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Hebreos 8:5

Sacerdotekunapa ruwasqankunaqa llantuy hinallam hanaq pachapi kaqkunaman rikchakun. Diosman asuykuna carpata Moisés ruwananpaq kachkaptinmi, Diosqa Moisesta nirqa: Chaykunataqa ruwachinki Sinaí orqopi imaynam qawachisqayta hinam, nispa.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

2~Pedro 2:5

Diosqa manataqmi ñawpaq runakunatapas pampacharqachu, sinchi paratam kachaykamurqa huchasapa runakunaman, hinaspam salvacionmanta willakuq Noeytawan qanchis runakunallata salvarqa.

2~Pedro 3:6

Sinchi parawanmi kay pachaqa chinkachisqa karqa.