Hebreos 11:4 - CHUYA QELLQA La Biblia en Quechua de Ayacucho 2012

⁴ Iñiyllawanmi Abelpas wawqen Cain-mantapas aswan allinnin sacrificiota Diospaq kañarqa. Chayraykum Diosqa allin ruwaqpaq hapispa ofrendantapas chaskirqa, chaymi wañusqaña kachkaptinpas hinallaraq iñiyninmanta rimachkan.

Quechua Ayacucho Bible 1987

⁴ Iñiyllawanmi Abelqa wawqen Cainmantapas aswan allinnin ofrendata Diospaq kañarqa. Chayraykum allin ruraqpaq Dios chaskirqa hinaspam ofrendanmantapas alabarqa. Wañusqaña kaspanpas Abelqa iñiyniyoq kasqanmantam ejemplo kunankama kachkan.

Chuya Qellqa 1992

⁴ Iñiyllawanmi Abelqa wawqen Cainmantapas aswan allinnin sacrificiota Diospaq kañarqa. Chayraykum Diosqa allin ruwaqpaq hapispa ofrendantapas chaskirqa, chaymi wañusqaña kachkaptinpas hinallaraq iñiyninmanta rimachkan.

Hebreos 11:4 Iomraidhean Croise

Génesis 4:10

Hinaptinmi Tayta Dios nirqa: ¿Imatataq kayta ruwarunki? Wawqekipa allpaman chaqchusqayki yawarninmi justicia ruwanaypaq qaparispa qayakamuwan.

Génesis 4:15

Ichaqa Tayta Diosmi nirqa: Pipas wañuchisuqnikiqa qanchis kutikama castigasqam kanqa, nispa. Hinaspanmi Tayta Dios churarqa Cainman huk señalta, pipas tarispanqa mana wañurachinanpaq.

Génesis 4:25

Adanmi huktawan warmin Evawan puñururqa hinaptinmi wiksayakuruspa huk qari wawata wachakurqa, paytam Setwan sutichaspan nirqa: Cainpa wañuchisqan Abelpa rantinpim huk qari wawata Dios qoykuwan, nispa.

Génesis 4:8

Huk punchawmi wawqen Abelta Caín nirqa: Hakuchik purikuq, nispa. Hinaspanmi chakraman chayarachispan maqachkaspalla wawqen Abelta wañurachirqa.

1~Reyes 18:38

Hinaptinmi Tayta Diospa ninan wichiykamuspan ruparurqa torota, yantata, rumikunata hinaspa allpatapas, muyuriqnin yarqapi yakutapas chakirachirqam.

Jobwan Sutichasqa Libro 8:10

Ñawpaq runakunam ichaqa rimapayasuspayki tukuy imata yachachisunki.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Levítico 9:24

Hinaptinmi Tayta Diospa qayllanmanta lenwachkaq nina lloqsiramurqa, hinaspam lliw kañana animaltawan altarpi wirakunata ruparurqa. Chayta llapallan runakuna qawaykuspankum kusikuymanta qaparispa pampaman pakchakuykurqaku.

Mateo 23:35

Chaynapim qamkunaman chayasunkichik llapallan allin ruwaq runakunapa yawarnin, allin ruwaq Abelpa yawarninmanta qallaykuspa Berequiaspa churin Zacariaspa yawarninkama. Paytam templomanta altarman rinapi wañurachirqankichik.

Lucas 11:51

Abelpa wañusqanmanta qallaykuspa Zacariaskama, Zacariastam altarmanta santuarioman rinapi wañurachirqaku. Chayraykum nikichik, paykunapa wañusqanmantam kunan miraykunata cuentata Dios mañanqa.

Tito 1:16

Paykunam ninku: “Diostam reqsiniku” nispanku, ruwasqankuwanmi ichaqa Diosta neganku. Paykunaqa chiqnikuqmi, mana kasukuqmi hinaspa allin kaqkuna mana ruway munaqmi kachkanku.

Hebreos 11:2

Iñiyllankuwanmi ñawpaq taytanchikkunapas Diospa allinpaq hapisqan karqaku.

Hebreos 12:1

Chaynaqa, ñoqanchikpas, muyu-riqninchikpi puyu hinaña testigokuna kachkaptinqa, llasawaq-ninchik qepita saqechkaq hinayá llapa huchanchikkunata saqesunchik, hinas-payá pacienciawan puntaman kallpasunchik maymi kallpananchikta.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 5:1

Llapallan Sumo sacerdotekunataqa Diosmi runakunamanta akllan, paykunaqa churasqa kachkanku runakunapa rantinpi Diosman asuykuspa, sacrificiokunatawan ofrendakunata Diosman presentanankupaqmi hinaspa animalkunatapas wañuchispa paypaq kañanankupaqmi.

Hebreos 9:22

Leyman hinaqa yaqa llapallanmi yawarwan chuyanchasqa karqa. Yawar mana chaqchusqa kaptinqa huchaqa manam pampachasqachu kanman.

2~Pedro 2:8

Paykunapa chawpinpi yachaq Lotmi kay huchasapa runakunapa mana allinkuna ruwasqankuta qawaq hinaspa uyariq, chaymi sapa punchaw llumpayta sonqonpi llakikuq.

Judas 1:11

¡Ay, imaynaraq kanqaku! Paykunaqa Cainpa ruwasqantam qatipakuchkanku, qollqeraykum Balaam hina pantarunku, chaynataqmi Coré hina wañurunku mana kasukusqankurayku.