Hebreos 11:13 - CHUYA QELLQA La Biblia en Quechua de Ayacucho 2012

¹³ Chayna iñiyllapim llapallan runakunaqa wañukurqaku Diospa promesanta manaraq chaskichkaspanku. Ichaqa iñiyninku kasqanraykum karullamanta qawaspanku kusikurqaku, chaynapim kay pachapiqa huklaw llaqtayuq hinaspa purikuqlla kasqankuta reqsikurqaku.

Quechua Ayacucho Bible 1987

¹³ Chay llapallan runakunaqa iñiyniyoqllam wañukurqaku Diospa prometesqanta manaraq chaskichkaspanku. Chaywanpas Diospa cumplisqanta hinaña qawaspankum creerqaku, chaynapim kay pachapiqa forasterolla hinaspa huklaw llaqtayoqlla kasqankumanta willakurqaku.

Chuya Qellqa 1992

¹³ Chayna iñiyllapim llapallan runakunaqa wañukurqaku Diospa promesanta manaraq chaskichkaspanku. Ichaqa iñiyninku kasqanraykum karullamanta qawaspanku kusikurqaku, chaynapim kay pachapiqa huklaw llaqtayuq hinaspa purikuqlla kasqankuta reqsikurqaku.

Hebreos 11:13 Iomraidhean Croise

Génesis 21:34

Abrahamqa unay watam Filistea nacionpi yacharqa.

Génesis 23:4

hinaspam nirqa: Ñoqaqa huklaw llaqtayuqmi qamkuna ukupi yachani. Chaynaqa, warmiy pampanaypaqyá allpata rantikuwaychik, nispa.

Génesis 25:8

Abrahammi allin wañukuyta wañukurqa sinchi yuyaq kachkaspanña, hinaspam ñawpaq taytankunaman huñukuykurqa.

Génesis 47:9

Jacobñataqmi nirqa: Ñoqaqa kay mana llaqtayuq hina purisqaypim pachak kimsa chunka wataypiña kachkani. Kay pisi watakunallapipas sasallatañam kawsarqani, chaywanpas ñawpaq taytaykunapa watankunamanqa manaraqmi haypaniraqchu, nispan.

Génesis 48:21

Chaymantam Joseyta Israel nirqa: Ñoqaqa wañukusaqñam, ichaqa Diosmi qamkunawan kanqa, hinaspam ñawpaq taytaykichikkunapa allpanman kutichisunkichik.

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Génesis 49:18

Diosnilláy, salvaykuwanaykitam suyachkani.

Génesis 49:28

Kaykunam Israelpa mirayninmanta chunka iskayniyuq ayllukuna. Paykunatam sapakamata taytanku bendeciykurqa.

Génesis 49:33

Churinkunaman kamachikuykunata niykuspanmi, waqtapaykuspa Jacob wañukurqa, hinaspam ñawpaq taytankunapa kasqanman huñukuykurqa.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Jobwan Sutichasqa Libro 19:25

Ñoqaqa yachanim Salvawaqniypa kawsasqanta, payqa wañuyta venceruspanmi mana huchayuq kasqayta niykuwanqa.

Éxodo 2:22

Warmin Séfora qari wawata wachakuruptinmi Moisés chay wawata Gersonwan suticharqa: “Ñoqaqa huklaw llaqtayuqmi kani runapa llaqtanpi”, nispa.

Levítico 25:23

Allpataqa amam wiñaypaqqa ran-tikunkichikchu, allpaqa ñoqapam, qam-kunaqa huklaw llaqtayuq hinaspa samapakuqniy hinallam kankichik.

Números 10:30

Hinaptinmi cuñadon Hobab nirqa: Manam riymanchu, ñoqaqa llaqtaypi aylluykunapa kasqanmanmi kutikusaq, nispa.

Números 24:17

Rikuchkanim, ichaqa manam kunan kaqtachu, qawachkanim ichaqa manam hichpallapi kaqtachu: Jacobpa mirayninmantam huk chaska lloqsimunqa, Israel ayllumantam munaychakuq Rey hatarimunqa, Moab runakunapa umantam taqñunqa, Setpa mirayninkunatam chinkachinqa.

Mateo 13:17

Cheqaptapunim nikichik, achka profetakunawan allin kawsakuq runakunam qamkunapa rikusqaykichik rikuykuyta munarqaku, ichaqa manam rikurqakuchu; uyarisqaykichiktam uyariykuyta munarqaku, ichaqa manam uyarirqakuchu.

Juan 12:41

Chaynataqa Isaiasqa nirqa, Jesuspa kanchariyninta rikuspanmi, chaymi paymanta rimarqa.

Juan 8:56

Ñawpaq taytaykichik Abrahamqa hamunay punchawta qawaykuyta munaspanmi kusikurqa, rikuykuspanñataqmi aswanraq kusikurqa.

Romanos 4:21

Chikantapas mana iskayrayaspam nikurqa: Diosqa llumpay atiyniyuqmi imam prometekusqantaqa cumplinqapunim, nispa.

Romanos 8:24

Chay suyasqanchikwanmi salvasqa kanchik. Confiakuspaqa suyachkanchik mana rikusqanchik kaqta chaskinanchikpaqmi. Chaynaqa, ¿imapaqmá suyachwan makinchikpiña suyasqanchik kachkaptinqa?

2~Corintios 4:18

Suyachkanchikqa manam qawasqanchik kaqkunallatachu, aswanqa mana rikusqanchik kaqkunatam. Qawasqanchik kaqkunaqa tukuruqllam, mana rikusqanchik kaqkunam ichaqa wiña-wiñaypaq.

2~Corintios 5:6

Chaynapim confiakuspa kawsachkanchik, yachanchikmi aycha cuerpopi kawsananchikkamaqa, manaraqmi Señorwan kuskachu kachkanchik.

Efesios 2:19

Qamkunaqa manañam huklaw llaqtayuq forasterokuna hinañachu kankichik, qamkunaqa Diosllapaqña kawsaqkunapa llaqtamasinñam hinaspa Diospa ayllunñam kankichik.

Hebreos 11:14

Chayna niqkunaqa, cheqaptam huk llaqta maskasqankuta qawachikuchkanku.

Hebreos 11:17

Iñiyllawanmi Abrahampas, pruebasqa kaspan churin Isaacta Diosman ofrecerqa. Promesakuna chaskiq Abrahammi sapallan piwi churinta Diosman ofrecerqa.

Hebreos 11:27

Iñiyllawanmi Moisespas, reypa piñakuynintapas mana manchakuspan Egiptomanta pasakurqa. Mana rikuy atina Diosta qawachkaq hinam kallpanchakurqa.

Hebreos 11:39

Chay llapallan runakunapa iñiyninmantam allinta rimarqaku, ichaqa manam mayqenninkupas Diospa prometesqantaqa chaskirqakuchu.

1~Pedro 1:1

Jesucristopa apostolnin ñoqa Pedrom qellqamuykichik, Ponto lawpi, Galacia lawpi, Capadocia lawpi, Asia lawpi hinaspa Bitinia lawpi cheqesqakunaman.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

1~Pedro 2:11

Kuyasqay wawqe-panillaykuna, huklaw llaqtayuqta hinaspa illakuyllapi kaqta hinam ruegakuykichik, aychaykichikpa mana allinkuna munasqantaqa amayá ruwaychikchu, chaykunaqa almaykichikpa contranpim peleachkan.

1~Juan 3:19

Kaywanmi yachanchik cheqap kaqpa kasqanchikta, hinaspam paypa ñawpaqninpi confianzallawanña kasunchik.