Hebreos 11:12 - CHUYA QELLQA La Biblia en Quechua de Ayacucho 2012

¹² Chayraykum Abrahampa wañukunanpaq hina yuyaqña kachkaptinpas mirayninqa cielopi chaskakuna hinaña nacerqa hinaspa lamar qochapa patanpi aqo hinaña mana yupay atina kanankama.

Quechua Ayacucho Bible 1987

¹² Chayraykum Abrahamqa wañukunanpaq hina yuyaqña kachkaptinpas miraynin nacerqa cielopi lucerokuna hinaña hinaspa lamar qochapa patanpi mana yupay atina aqo hinaña.

Chuya Qellqa 1992

¹² Chayraykum Abrahampa wañukunanpaq hina yuyaqña kachkaptinpas mirayninqa cielopi chaskakuna hinaña nacerqa hinaspa lamar qochapa patanpi aqo hinaña mana yupay atina kanankama.

Hebreos 11:12 Iomraidhean Croise

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 26:4

Miraynikikunatam cielopi chaskakunata hinaña mirachisaq, kay allpakunatam miraynikikunaman qosaq. Kay pachapi llapallan nacionkunam miraynikirayku bendecisqa kanqaku.

Génesis 32:12

Qamtaqmi niwarqanki: “Ñoqam yanapasqayki allin kanaykipaq chaynataq lamar qochapi aqo hinaña mana yupay atina mirayniyuq kanaykipaq”, nispayki.

2~Samuel 17:11

Chaynaqa, kaytam consejayki: Dan llaqtamanta qallarispa Beerseba llaqtakama lliw Israel nacionpi soldadokunata huñuruy, paykunaqa lamar qochapa patanpi aqo hinañam kachkanku, ichaqa qampunim guerrapi peleanankupaq pusanki.

1~Reyes 4:20

Israelpawan Judapa runankunaqa lamar qochapa patanpi aqo hina manaña yupay atinam karqaku. Paykunam mikukuypi upyakuypi kaspanku kusisqallaña kawsakurqaku.

1~Crónicas 27:23

Tayta Diosmi prometerqa Israel runakunata cielopi chaskakunata hina-ña mirachinanpaq, chayraykum Davidqa mana yupachirqachu iskay chunka watanman manaraq chayaq runakunataqa.

Nehemías 9:23

Churinkutapas cielopi chaskakunata hinañam qorqanki, hinaspam ñawpaq taytaykuman prometesqayki allpaman pusarqanki.

Éxodo 32:13

Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Isaías 10:22

Israel miraykuna, qamkunamanta lamar qochapi aqo hinaña kachkaspapas, asllañam kutimunqaku. Citasqañam kachkankichik allin arregloman hina chinkachisqa kanaykichikpaq.

Isaías 48:19

Miraynikikunapas manaña yupay atinam kanman karqa, lamar qochapi aqo hinañam kanman karqa, sutinpas manam chinkachisqachu kanman karqa, qayllaymantapas manam chinkachisqachu kanman karqa.

Jeremías 33:22

Serviqniy Davidpa mirayninkunatawan Leviypa mirayninkunatam achkallataña mirachisaq, cielopi chaskakuna hina chaynataq lamar qochapa patanpi aqokuna hina manaña yupay atina kanankukama, nispa.

Oseas 1:10

Chaywanpas, Israelpa mirayninkunaqa lamar qochapa patanpi mana yupay atina aqo hinañam kanqaku. “Qamkunaqa manam llaqtanchu kankichik nisusqaykichik sitiopim”, “qamkunaqa kawsaq Diospa llaqtanñam kankichik nispa”, nisunkichik.

Habacuc 1:9

Paykunaqa mayman rispankupas lliwtam puchukachinku, risqankupiqa manchakuywan wañuymi ñawpan, presokunatapas lamar qochapi aqota hinañam huñurunku.

Romanos 9:27

Israelpa mirayninmantam profeta Isaías nirqa: Lamar qochapi aqo hinaña kachkaspapas Israelpa mirayninkunaqa wakillanmi salvakunqa.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Deuteronomio 28:62

Chaynaqa, Israelpa mirayninkuna, cielopi chaskakuna hina achkallaña kachkaspapas, aschallañam puchurunkichik, Señornikichik Tayta Diosta mana kasukusqaykichikrayku.

Josué 11:4

Chay reykunam llapa tropankunawan lloqsirqaku. Paykunaqa lamar qochapa patanpi aqo hinañam karqaku. Guerrapaq caballonkupas, carretankupas mana yupay atinam karqa.

Apocalipsis 20:8

hinaspam lloqsimunqa kay pachapi llapallan nacionkunata engañananpaq. Gogtawan Magogtapas engañaspanmi paykunapa tropankunata guerrapaq huñunanqa, chay tropakunaqa lamar qochapa patanpi aqo hina manaña yupay atinam kanqa.

Jueces 7:12

Chay pampapim madianitakuna, amalecitakuna hinaspa intipa qespimunan lawmanta kaqkuna aqaruway urukuna hinaña achkallay-achka mastarayachkasqaku, camellonkupas lamarpa patanpi aqo hinaña mana yupay atinam kachkasqa.

1~Samuel 12:5

Hinaptinmi Samuel nirqa: Tayta Diosmi akllakusqan reypiwan kunan punchaw testigo, qamkuna mana imatapas tariwasqaykichikmanta, nispa. Paykunañataqmi nirqaku: Arí chaynapunim, nispanku.