Hebreos 10:4 - CHUYA QELLQA La Biblia en Quechua de Ayacucho 2012

⁴ Torokunapa chaynataq chivatokunapa yawarninqa huchakuna chuyanchaytaqa manam atirqachu.

Quechua Ayacucho Bible 1987

⁴ Torokunapa chaynataq chivatokunapa yawarninqa huchakuna horqoytaqa manam atinmanchu.

Chuya Qellqa 1992

⁴ Torokunapa chaynataq chivatokunapa yawarninqa huchakuna chuyanchaytaqa manam atinmanchu.

Hebreos 10:4 Iomraidhean Croise

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Jeremías 6:20

¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Oseas 14:2

Tayta Diosman kutirikuspa kaynata ruegakuychik: “Tukuy mana allin ruwasqaykumanta pampachaykuwayku, kuyakuynikiwanyá simiykumanta lloqsiq yupaychayniykuta chaskiykuwayku.

Oseas 6:6

Sacrificiota qowanaykichikmantaqa kuyawanaykichiktam munani. Animalkunata ofrecewanaykichikmantaqa reqsiwanaykichiktam munani.

Marcos 12:33

Tukuy sonqowan, tukuy yuyaywan, tukuy kallpawan Diosta kuyaymi hinaspa runamasinchiktapas kikinchikta hina kuyaymi aswan allinqa, altarpi lliw kañana sacrificiokunamantawan, wakin sacrificiokunata kañaspa ofreceymantapas, nispa.

Juan 1:29

Juanmi paqarinnintin punchaw rikururqa Jesusta paypa lawman hamuchkaqta, hinaspanmi nirqa: Qawaychik, paymi llapa runakunapa huchanta mayllaq Diospa Corderonqa.

Romanos 11:27

Chaynapim pactoyta cumplisaq huchankuta qechuspay”, nispa.

Hebreos 10:1

Moisespa leyninqa karqa ha-muq kaqkunapa llantuynin hinallam, manam kikin allin kaqkunachu. Chayraykum leyman hinaqa animalkunata kañaspa watan-watan ofreceqkunapas mana chuyanchakuyta atiqkuchu.

Hebreos 10:11

Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku.

Hebreos 10:8

Nisqanpi hinam “sacrificiokunatawan, ofrendakunata, lliw kañana sacrificiokunata hinaspa hucharayku ofrendakunataqa mana munarqankichu nitaqmi chaskirqankichu”. Chaykunataqa ofrecenku leypa kamachisqanman hinallam.

Hebreos 9:9

Chaykunaqa rikchakurqa kunan pun-chawkunapi kaqta qawachiwananchikpaqmi. Huchankurayku animalkuna wañuchisqanku ofrendakunaqa manam chay ofreceqkunapa sonqontaqa chuyanchayta atirqachu.

1~Juan 3:5

Yachasqaykichikpi hinapas Jesucristoqa kay pachamanqa hamurqa huchanchikta qechunanpaqmi, payqa mana huchayuqmi karqa.