Hebreos 10:34 - CHUYA QELLQA La Biblia en Quechua de Ayacucho 2012

³⁴ Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam.

Quechua Ayacucho Bible 1987

³⁴ Carcelpi kaqkunamantapas llakipayarikurqankichikmi, chaynataqmi imaykichikta qechusuptikichikpas kusikuywan aguantarqankichik, chaynataqa rurarqankichik hanaq pachapi aswan allin wiñaypaq kapusuqnikichik kasqanta yachaspam.

Chuya Qellqa 1992

³⁴ Carcelpi kaqkunamantapas llakipayarikurqankichikmi, imaykichikta qechusuptikichikpas kusisqallam karqankichik, chaynataqa ruwarqankichik hanaq pachapi aswan allin wiñaypaq kapuqniyuq kasqaykichikta yachaspam.

Hebreos 10:34 Iomraidhean Croise

Eclesiastés 3:6

Kanmi tiempo tarinapaq kantaqmi chinkachikunapaqpas, kanmi tiempo waqaychanapaq kantaqmi wischunapaqpas.

Mateo 19:21

Chaymi Jesusñataq nirqa: Mana pantaq runa kayta munaspaykiqa, tukuy imaykita rantikamuspa chay qollqeta wakchakunaman qomuy, chaynapim hanaq pachapi kapuqniyuq kanki hinaspa qatiway, nispa.

Lucas 10:42

Hukllam ruwanaykiqa, ñañayki Mariaqa allin kaqtam akllakurun, chaytaqa manam pipas qechunqachu, nispa.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

Lucas 9:25

¿Imatataq runa hurqokunman kay pachapi kaqkunata ganaruspan vidantañataq pierderuspan?

Hechos 21:33

Soldadokunapa kamachiqninñataqmi asuykuspan Pablota presocharurqa, hinaspam iskay cadenawan watanankupaq kamachirqa, chaymantam tapurqa pim kasqanta, hinaspa imatam ruwarusqanta.

Hechos 28:20

Chaynapim qayachimurqaykichik qamkunawan tupaykuptinchik willanaypaq. Israel miraykunapa suyasqanku hamurusqanmanta willasqayraykum kay cadenawan watasqa kachkani.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

2~Corintios 5:1

Yachankichikmi, sichum purmaruq wasi hinalla kay cuerponchik chinkaruptinqa Diosmi hanaq pachapi wiña-wiñaypaq wasita ruwapuwachkanchik, chayqa manam runapa makinwan ruwasqachu.

Efesios 3:1

Ñoqa Pablom, Jesucristota servisqayrayku preso kachkani mana judío kaqkunapa allinnikichikpaq.

Efesios 4:1

Ñoqaqa Señorta servisqayraykum preso kachkani, chaynaqa ruegakamuykichikmi Diospa akllasqankuna hina allinta kawsanaykichikpaq.

Efesios 6:20

Cristopa rantinpi hamusqayraykum cadenakunawan presochasqa kachkani. Chaynaqa, mañapuwaychikyá mana manchakuspay willakunaypaq.

Filipenses 1:7

Qamkunamanta kayna piensayniyqa allinmi, qamkunatam sonqoypi apay-kichik. Carcelpi kaptiypas, autoridadkunapa qayllanpi kaspay, allin noticiata willakusqay cheqap kasqanmanta valechiptiypas, ñoqawan kaspam yanapawarqankichik, chaywanmi Diospa kuyakuyninta qawaykachiwarqankichik.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

1~Timoteo 6:19

Chaynapim hamuq tiempopaq llapa imankunapas taqesqa hina kanqa, hinaspam cheqap wiñay kawsayta haypanqaku.

2~Timoteo 1:16

Onesi-foropa aylluntayá Señorninchik llakipa-yariykuchun, paymi achka kutipi kall-panchaykuwarqa, manataqmi preso kasqaywanpas penqakurqachu.

2~Timoteo 2:9

chayraykum ñakariykunata aguantani, runa wañu-chiqta hinam cadenaruwanku, Diospa palabranmi ichaqa mana cadenasqachu kachkan.

2~Timoteo 4:8

Chayraykum sapaqchapuwasqan corona suyawachkan chaytaqa allin arreglo ruwaq Señorninchikmi chay punchaw kutimuspan qowanqa, manataqmi ñoqallamanchu aswanqa kuyakuywan paypa kutimunanta suyaqkunamanwanmi.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Hebreos 13:14

Kay pachapiqa manam wiñaypaq llaqtanchikqa kanchu, chay-mi hamuq llaqtata suyachkanchik.

Hebreos 13:3

Presokunamantayá yuyariychik, imay-nam qamkunapas paykunawan preso kachkawaqchikpas hina. Ñakariqkuna-mantapas yuyariychikyá imaynam qamkunapas ñakarichkawaqchik hina.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

1~Pedro 1:4

Chaynapim qamkunapas chaskinkichik Diospa hanaq pachapi waqaychasqan herenciata, chayqa mana tukuqmi, mana qachachakuqmi, mana chakiqmi.

1~Juan 3:2

Kuyasqay wawqe-panikuna, Diospa churinñam kan-chik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.