Hebreos 10:22 - CHUYA QELLQA La Biblia en Quechua de Ayacucho 2012

²² Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Quechua Ayacucho Bible 1987

²² Chaynaqa cheqap sonqowanyá ama iskayrayaspa, confianzawan, huchakunamanta sonqonchikpas limpiasqa chaynataq cuerponchikpas chuya yakuwan mayllasqa Diosman asuykusunchik.

Chuya Qellqa 1992

²² Chaynaqa, cheqap sonqowanyá ama iskayrayaspa, cheqap iñiywan, huchakunamanta sonqonchikpas chuyanchasqa chaynataq cuerponchikpas chuya yakuwan mayllasqayá Diosninchikman asuykusunchik.

Hebreos 10:22 Iomraidhean Croise

1~Reyes 15:3

Abiampas taytanpa imaynam hucha ruwasqanta hinam ruwarqa. Yupaychasqan Tayta Diostapas hawa sonqollam servirqa, paypa sonqonqa manam ñawpaq taytan Davidpa sonqon hinachu karqa.

1~Crónicas 12:33

Zabulón ayllumantam hamurqaku pichqa chunka waranqa runakuna chaylla guerraman lloqsiqkuna, tukuy rikchaq armakuna aparisqa, chaynapi mana iskayrayaspa guerrapi peleanankupaq.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Éxodo 29:4

Aarontawan churinkunatañataqmi ñoqa-man asuykuna carpapa punkunman asuykachimunki, hinaspam bañachinki.

Proverbios 23:26

Churilláy, sonqoykitayá qoykuway ñawikipas ñanniykunatayá qawachun.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Isaías 52:15

chaypim achka nacionkunapas hukmanyanqakuraq, reykunapas qawaykuspankum mana ima rimaytapas atinqakuchu, mana haykapipas rikusqankutam rikunqaku, mana haykapipas uyarisqankutam entiendenqaku.

Jeremías 24:7

Tayta Dios kasqayta reqsiwanankupaqmi yachayta qosaq. Paykunam llaqtay kanqa, ñoqañataqmi Diosninku kasaq, chaynaqa kanqa tukuy sonqonkuwan ñoqaman kutirikamusqankuraykum.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Ezequiel 16:9

Hawaykipi kaq yawartapas yakuwan mayllaykuspaymi miski asnaq aceitewan llusiykurqayki.

Ezequiel 36:25

Imawanpas qachachakusqaykichiktam chuya yakuwan mayllasqaykichik, idolokunawan qacha-chakusqaykichikmantam chuyan-chasqaykichik.

Levítico 14:7

Hinaspam chay yawarwan lepramanta chuyanchakuq runata qanchis kutikama challanqa, chaynapim payqa chuyaña kanqa. Chay kawsaq urpituchatañataqmi pawakunanpaq kachaykunqa.

Levítico 16:4

Yaykunanpaqmi churakunqa linomanta chuya tunicanwan, linomanta calzoncillowan, weqawnintam linomanta chumpiwan watakunqa, umanmanpas linomanta ruwasqa mitrawanmi churakunqa. Chay pachakunaqa ñoqallapaqña sapaqchasqam; chay pachakunawanmi sumaqta bañakuruspan churakunqa.

Levítico 8:6

Hinaspam Aarontawan churinkunata Moisés asuykachispan yakuwan bañachirqa.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Números 8:7

Paykunata chuyanchaspaykiqa kaynatam ruwanki: Paykunatam hucha mayllana yakuwan challanki hinaptinmi lliw cuerponkupi pelonkuta siksikunqaku, taqsakunqakutaqmi pachankutapas, chaynapim chuyanchasqa kanqaku.

Mateo 3:11

Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani.

Lucas 1:1

Ancha kuyasqay Teófilo, achkaq-ñam qellqayta qallaykunku ñoqay-ku ukupi tukuy imam pasakusqan-manta, paykunam qellqarqaku qalla-riyninmantapuni Jesuswan kuska kaqkunapa imam willawasqankuta. Paykunatam Jesús kamachirqa evangelionta willakamunankupaq. Chaymi ñoqapas tukuy imakunam pasakusqanmanta sumaqta qatipaykuspay imam kaqta qellqamuyki,

Juan 3:5

Jesusñataqmi nirqa: Cheqaptapunim niki, pipas yaku-mantawan Espiritumanta mana naceqqa Diospa munaychakuyninmanqa manam yaykunqachu.

Juan 8:9

Payku-nañataqmi Jesuspa nisqanta uyarispan-ku, sonqonku acusaptin, machukuna-manta qallaykuspa warmankunakama chulla-chullamanta asurikurqaku, hinaptinmi Jesuswan warmillaña qeparurqaku.

Hechos 22:16

Kunanqa, ¿imataraqtaq suyachkanki? Hatarispayá bautizakuy, hinaspa Señorpa sutinta qayakuy huchaykikuna pampachasqa kananpaq”, nispa.

Hechos 8:21

Kay chaskinaykipaqa manam partekipas nitaq suertekipas kanchu, sonqoykipas Diospa qayllanpiqa millakuypaqmi kachkan.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Efesios 3:12

Jesucristoman iñiywan hapi-pakuspallam mana manchakuspa Dios-manqa asuykunchik.

Efesios 5:26

Kaytaqa ruwarqa haykam iñiqkunata chuyanchananpaqmi hinaspa yakuwan mayllachkaq hina palabranwan mayllananpaqmi.

Efesios 6:5

Esclavokuna, qamkunapas kay pachapi patronnikichiktayá respetowan hinaspa manchakuywan kasukuychik, imaynam Cristota servichkaq hinayá tukuy sonqowan kasukuychik.

1~Timoteo 4:2

iskay uya llulla runakunataña uyarinqaku, chay runakunapaqa concienciankupas qarayasqañam kachkan.

Tito 3:5

Payqa salvawarqanchik manam allinkuna ruwasqanchikraykuchu, aswanqa llakipayawaspanchikmi Chuya Espirituntakama, huchanchikmanta mayllaykuwaspanchik musoqmanta nacechiwarqanchik hinaspam musoq runataña ruwaykuwarqanchik.

Hebreos 10:1

Moisespa leyninqa karqa ha-muq kaqkunapa llantuynin hinallam, manam kikin allin kaqkunachu. Chayraykum leyman hinaqa animalkunata kañaspa watan-watan ofreceqkunapas mana chuyanchakuyta atiqkuchu.

Hebreos 10:19

Chaynaqa, wawqe-panillaykuna Jesucristopa yawarnin chaqchusqanraykuyá confianzawan “Chuyay-chuyay” lugarman yaykusunchik.

Hebreos 11:28

Iñiyllawanmi Moisespas, Pascua fiestatapas ruwarqa hinaspam yawartapas punkukunaman challarqa, piwi churikuna wañuchiq ángel Israelpa mirayninkunata mana wañuchinanpaq.

Hebreos 12:24

musoq pactoman pusawaqninchik Jesusmanpas chaynataq chaqchusqan yawarninmanpas. Paypa yawarninqa Abelpa yawarninmantapas aswanraqmi yachachiwanchik.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

Hebreos 6:11

Aswanqa munachkanikum kawsanaykichikkamaqa sapakama hina chayna kallpanchakuyllawan kanaykichikta, chaynapi suyasqaykichikta chaskinaykichikpaq.

Hebreos 7:19

Moisespa leyninqa manam imapaqpas servirqachu, kunanmi ichaqa chaypa rantinpi kapuwachkanchik allin confianzawan Diosman asuyku-nanchikpaq.

Hebreos 9:10

Chay kamachikuykunaqa mikuymanta, tomaymanta hinaspa tukuy imakuna yakuwan mayllanallamantam yachachirqa, chaykunaqa karqa chaykunapa rantinpi huktaña Dios churarunankamallam.

Hebreos 9:19

Chayraykum Moisespas Diospa llapallan kamachisqankunata llapa runakunaman willaruspan malta toropa yawarninta yakuwan chaqruykurqa, hinaspam puka millwatawan hisopopa kallmanta yawarman challpuykuspan libromanwan runakunaman challarqa:

Santiago 1:6

Ichaqa ama iskayrayaspayá mañakuychik, iskayrayaspa mañakuqqa lamar qochapa kayman chayman wayrapa apasqan olankunamanmi rikchakun.

Santiago 4:8

Diosmanyá asuykuychik, paypas qamkunamanmi asuykamusunkichik. Huchasapakuna, mana allin ruwasqaykichikmantayá chuyanchakuychik, iskayrayaqkuna sonqoykichiktayá chu-yanchaychik.

1~Pedro 1:2

Qamkunataqa Dios Taytam yachayninman hina ñawpaqmantaraq akllasurqankichik. Espiritunwanmi chuyanchasurqankichik kasukuq kanaykichikpaq hinaspa Jesucristopa yawarninwan mayllasqa kanaykichikpaq. Diospa kuyakuyninwan hinaspa hawkayayninyá qamkunapi llimparichun.

1~Pedro 3:21

Chay yakum rikchakun bautizakuna yakuman, chaywanmi ñoqanchikpas salvasqa kanchik. Bautis-moqa manam cuerponchiktaqa mayllanchu, aswanqa chuya sonqoyuq kayta Diosmanta mañakuymi, hinaspam Jesucristopa kawsarimusqanwan salvasqa kanchik.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.