Hebreos 1:6 - CHUYA QELLQA La Biblia en Quechua de Ayacucho 2012

⁶ Piwi Churinta kay pachaman kachamuspanmi nirqa: Diospa llapallan angelninkunaqa pay-tayá yupaychachunku, nispa.

Quechua Ayacucho Bible 1987

⁶ Piwi Churinta kay pachaman kachamuspanmi nirqa: —Diospa llapallan angelninkunaqa paytayá adorachunku —nispa.

Chuya Qellqa 1992

⁶ Piwi Churinta kay pachaman kachamuspanmi nirqa: Diospa llapallan angelninkunaqa paytayá yupaychachunku, nispa.

Hebreos 1:6 Iomraidhean Croise

Mateo 24:14

Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

Deuteronomio 32:43

Llapa nacionkuna, Diospa llaqtanwan kusikuychik, Tayta Diosmi serviqninkunapa wañusqanmanta vengakunqa, enemigonkunatam castiganqa. Allpantam chuyanchanqa, runankunatam pampachanqa, nispa.

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

Colosenses 1:18

Payqa llapallan iñiqkunapa umanmi, iñiqkunañataqmi cuerpon, paymi llapanmanta puntata kawsarimurqa imapipas punta kaq kananpaq.

Hebreos 1:5

¿Mayqannin angeltataq Diosqa nirqa: Qanmi Churiy kanki, kunanmi ñoqa Taytayki kani, nispa? Nirqataqmi: Ñoqam paypaq Taytan kasaq. Payña-taqmi ñoqapaq Churiy kanqa, nispapas.

Hebreos 10:5

Chayraykum kay pachaman Cristo hamuspan Diosta nirqa: “Sacrificiotawan ofrendataqa manam munarqankichu, aswanqa huk cuerpotam qoykuwarqanki.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.

1~Juan 4:9

Dios-ninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.