Hebreos 1:5 - CHUYA QELLQA La Biblia en Quechua de Ayacucho 2012

⁵ ¿Mayqannin angeltataq Diosqa nirqa: Qanmi Churiy kanki, kunanmi ñoqa Taytayki kani, nispa? Nirqataqmi: Ñoqam paypaq Taytan kasaq. Payña-taqmi ñoqapaq Churiy kanqa, nispapas.

Quechua Ayacucho Bible 1987

⁵ ¿Mayqannin angeltataq Diosqa nirqa: —Qanmi Churiy kanki, kunanmi ñoqa Taytayki kani —nispa? Nirqataqmi: —Ñoqam paypaq kasaq Taytan. Payñataqmi ñoqapaq kanqa Churiy —nispapas.

Chuya Qellqa 1992

⁵ ¿Mayqannin angeltataq Diosqa nirqa: Qanmi Churiy kanki, kunanmi ñoqa Taytayki kani, nispa? Nirqataqmi: Ñoqam paypaq Taytan kasaq. Payñataqmi ñoqapaq Churiy kanqa, nispapas.

Hebreos 1:5 Iomraidhean Croise

2~Samuel 7:14

Ñoqam paypaq taytan kasaq, payñataqmi churiy kanqa. Mana allinta ruwaptinqa, imaynam huk tayta churinta azotechkaq hinam payta azotesaq.

1~Crónicas 17:13

Ñoqam paypaq taytan kasaq, payñataqmi ñoqapaq churiy kanqa. Paymantaqa manam kuyakuyniytapas qechusaqchu imaynam Saulmanta qechurusqayta hinaqa.

1~Crónicas 22:10

Paymi temployta ruwanqa. Paymi ñoqapa churiy kanqa, ñoqañataqmi paypa taytan kasaq, hinaspaymi Israel nacionpi munaychakusqanta wiñaypaq takyachisaq”, nispa.

1~Crónicas 28:6

Tayta Diosmi niwarqa: “Churiki Salomonmi temploytawan patioykunataqa ruwapuwanqa, paytam churiypaq akllakuni, ñoqañataqmi paypa taytan kasaq.

Hechos 13:33

Ñoqanchik paykunapa miraynin kaptinchikmi prometewasqanchikman hina Jesusta Dios kawsarirachimurqa, iskay kaq Salmopipas kaynam qellqasqa kachkan: “Qamqa Churiymi kanki, ñoqam churyaqniki kani” niq.

Hebreos 5:5

Cristopas manam kikillanchu Sumo sacerdote kananpaq churakururqa aswanqa Diosmi nirqa: “Qanmi Churiy kanki, kunanmi ñoqa taytayki kani”, nispa.