Hebreos 1:14 - CHUYA QELLQA La Biblia en Quechua de Ayacucho 2012

¹⁴ Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Quechua Ayacucho Bible 1987

¹⁴ Llapallan angelkunaqa Dios serviq espiritukunam, paykunaqa salvakunankupaq kaqkunata servinankupaqmi kachamusqa kachkanku.

Chuya Qellqa 1992

¹⁴ Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Hebreos 1:14 Iomraidhean Croise

Génesis 32:24

Jacobñataqmi sapallan qeparurqa, chaypim huk runawan achikyanankama pelearqa.

1~Reyes 22:19

Micaiasñataqmi nirqa: Chaynaqa, Tayta Diospa nisqantayá uyariy: Ñoqam Tayta Diosta rikurqani trononpi tiyachkaqta, rikurqanitaqmi hanaq pachapi llapallan tropankunatapas alleqninpi hinaspa ichoqninpi sayachkaqta.

Jobwan Sutichasqa Libro 1:6

Huk punchawmi angelkuna Tayta Diospa qayllanman rirqaku. Satanaspas paykunawan kuskataqmi rirqa,

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Daniel 7:10

Ñawpaqninmantapas nina mayum lloqsirqa, paytaqa waranqantin-waranqantinmi servirqaku, ñawpaqninpipas manaña yupay atinam sayarqaku. Tribunalpi juez tiyaykuptinmi librokuna kichasqa karqa.

Mateo 1:20

Chaynata tanteachkaptinmi Diospa angelnin mosqoyninpi rikuriykuspan kaynata nirqa: Davidpa miraynin José, Mariawan casarakuytaqa ama manchakuychu, payqa Chuya Espiritupa atiyninwanmi wiksayakurun.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Mateo 18:10

Amayá kay uchuychakunamantaqa mayqantapas usuchiychikchu. Hanaq pachapiqa paykunapa angelninkunam Taytaypa uyanta tukuy tiempo qawachkanku.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 24:31

Trompetapa waqayninwanmi angelninkunata kamachinqa, akllakusqankunata tukuy hinastinmanta huñumunankupaq.

Mateo 25:34

Hinaspanmi chay Reyqa alleq-ninpi kaqkunata ninqa: “Taytaypa bendecisqankuna hamuychik; manaraq kay pacha unanchasqa kachkaptin qamkunapaq churasqa munaychakuyta chaskiychik.

Mateo 4:11

Chaynapim diabloqa saqerurqa, angelkunañataqmi hamuspanku Jesusta servirqaku.

Marcos 10:17

Pasakunanpaqña Jesús kachkaptinmi, huk runa kallpaylla hamururqa, hinaspam ñawpaqninpi qonqorakuykuspan nirqa: Allin yachachikuq, ¿imatataq ruwasaq wiñay kawsayta haypanaypaq? nispa.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 1:23

Zacariasmi templopi servikunan punchawkunata cumpliruspan wasinman ripukurqa.

Lucas 16:22

Chay limosna mañakuq runam wañukurqa, hinaptinmi Abrahampa kasqanman angelkuna aparurqaku. Chaynataqmi apupas wañururqa, hinaptinmi pamparurqaku.

Lucas 2:13

Hinaptinmi qonqaymanta chay angelwan kuska hanaq pachamanta achkallaña angelkuna rikuriykamurqaku, paykunam Diosta yupaychaspanku kaynata takirqaku:

Lucas 2:9

Paykunamanmi qonqaymanta Señorpa angelnin riku-riykurqa, hinaptinmi muyuriqninkuta Diospa achkiynin kanchariykurqa, chaymi anchallataña mancharikurqaku.

Hechos 11:22

Jerusalén llaqtapi iñiqkunam kaykunata yacharuspanku, Antioquía llaqtaman Bernabeyta kacharqaku.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 12:7

Hinaptinmi qonqayllamanta Señorpa angelnin chaypi rikuriykuspan chay carcelta kanchayninwan huntaykurqa. Chay angelmi Pedrota waqtanpi llapchaykuspan rikcharichirqa, hinaspanmi nirqa: Utqayman hatariy, nispa. Hinaptinmi Pedropa makinmanta cadenakuna wichirurqa.

Hechos 13:2

Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Hechos 16:26

Hinachkaptinmi qonqayllamanta hatun terremoto pasaruptin carcel wasipa cimientonkuna chaspikururqa, chaymi llapa punkukuna kichakuruptin lliw presokunapa cadenankunapas paskakururqa.

Hechos 27:23

Chisi tutam rikuriykuwarqa servisqay Diospa angelnin.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

Romanos 11:14

chayta qawaykuspanku wakin castaykunapas qamkunamanta envidiakuspanku salvakunankupaq.

Romanos 13:6

Chayraykum impuestotapas pagankichik, kamachikuqkunaqa sapa punchawmi Diosta servispanku llamkachkanku.

Romanos 15:16

Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

Romanos 15:27

Chaytaqa kikillankumantam ruwarqaku, hinaspapas ruwanankupunim karqa, paykunaqa debekuq hinam kachkanku judiokunapa yanapakuyninwan Diosta chaskikusqankumanta. Chaymi paykunapas iñiqmasinchik judiokunata wakchayayninkupi imapas kapuqninkuwan yanapananku.

Romanos 8:17

Churinña kaptinchikqa paypa tukuy iman kaqkunapas ñoqanchikpañam, chaynapim Jesucristowan kuska herenciata chaskisun. Cristo hina ñakarispaqa paywan kuskataqmi hatunchasqa kasunchik.

1~Corintios 1:21

Kay pachapi runakunaqa kikinkupa yachayninwanmi Diosta mana reqsirqakuchu, hinaptinmi Diosqa hatun yachayniyuq kaspa iñiqkunata salvayta munarqa Cristomanta allin noticiata willachispan, chaynatam kay pachapi runakunapaq ruwarqa, kay allin noticia mana valeqpaq rikchakuchkaptinpas.

2~Corintios 9:12

Kay yanapakuyta wawqe-panikunaman apaspaqa manam imapas pisisqallankutachu qonchik, aswanqa qosqaykichikraykum paykunaqa anchata Diosman graciasta qonqaku.

Gálatas 3:29

Jesucristopaña kaspaqa, Abrahampa miraynin hinañam kankichik, chayraykum Abrahamman Diospa prometesqan herenciatapas chaskinkichik.

Gálatas 3:7

Chaynaqa, yachaychikyá, Diosman iñispa hapipakuqkunaqa Abrahampa cheqap mirayninmi kanchik.

Gálatas 3:9

Chaynaqa, haykam Abraham hina iñikuqkunaqa paywan kuskam bendecisqa kanqaku.

Efesios 3:6

Pakasqa kaqkunaqa kaymi: Jesucristomanta allin noticiawanmi mana judío kaqkuna judiokunapa herencia chaskiqmasinña rikurirunku, paykunawan hukllaña kasqankuraykum Cristo Jesuspi Diospa promesan chaskiqmasinña karunku.

Filipenses 2:17

Diospi iñisqaykichikwanmi ofrenda hina ofrecekurqankichik, chay ofrendaman completanaypaq wañunay kaptinpas, chaytaqa kusikuywanmi ruwasaq, hinaspam llapallaykichikwan kusikusaq.

Filipenses 2:25

Wawqenchik Epafroditotam qamkunaman kachamuyta piensarqani, paytam kachamuwarqankichik tukuy imapi yanapawananpaq. Kuskaykum soldado hina yanapanakurqaniku.

2~Tesalonicenses 1:7

kunan ñakariqkunamanñataqmi samayta qosunkichik ñoqaykumanwan kuska, kaykunaqa pasakunqa Señor Jesucristo hanaq pachamanta atiy qosqan angelninkunawan rawrachkaq ninapi hina hamuptinmi.

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

Hebreos 10:11

Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 5:9

Chaykunawan qespichisqa karuspanmi llapallan kasuqnin runakunapaq wiñaypaq salvaqnin rikurirun.

Hebreos 6:12

Amayá qellaqa kaychikchu, aswanqa iñiywan hinaspa pacienciawanyá Diospa promesan chaskiqkunapa ruwasqanta hina ruwaychik.

Hebreos 6:17

Chaynapunim Diospas tanteasqanmanta qepamanqa mana kutinmanchu. Chayraykum prometesqankunataqa herencia qosqan chaskiqkunaman juraspan cheqap kasqanta qawachirqa.

Hebreos 8:6

Sumo sacerdotenchik Cristom ichaqa Diospa churasqanman hina, aswan allin llamkayta chaskirqa, paynintakamam aswan allin pactota chaskinchik. Chay pactopim aswan allin promesakunata qowarqanchik.

Hebreos 9:28

chaynataqmi Cristopas huk kutillata achkaqpa huchankunata apaspan wañurqa. Huktawan kay pachaman kutimuspanqa manam hucha pampachaqñachu hamunqa, aswanqa suyaqninkunata salvananpaqñam.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

1~Pedro 1:12

Diosmi paykunaman nirqa chay willakusqankuqa mana kikillankupaqchu, aswanqa ñoqanchikpaqwan kasqanmanta. Kunanñataqmi salvacionmanta willakuqkunaqa willa-suchkankichik hanaq pachamanta hamuq Chuya Espiritupa yanapakuy-ninwan. Chaykunataqa angelkunapas yachaykuytam munanku.

1~Pedro 1:4

Chaynapim qamkunapas chaskinkichik Diospa hanaq pachapi waqaychasqan herenciata, chayqa mana tukuqmi, mana qachachakuqmi, mana chakiqmi.

1~Pedro 3:7

Qosakuna, qamkunapas warmiki-chikwanyá allinta kawsaychik, yachay-wanyá paykunawanqa kawsaychik, chaylla pakiruq vasota hinayá cuidaychik, hanaq pachapi herencia chaskiqmasikichikta hinayá nanachikuychik, chaynapi mañakusqaykichikta Dios uyarisunaykichikpaq.

Judas 1:14

Paykunamantam Adanpa qanchis kaq miraynin Enocpas kaynata profetizarqa: “Qawaychik, Señormi wara-waranqantin akllasqankunawan hamuchkan.

Apocalipsis 5:6

Hinaptinmi Diospa trononpa chawpinpi hinaspa tawa kawsaqkunapa chawpinpi chaynataq ancianokunapa chawpinpi rikurqani huk Cordero sayachkaqta, payqa maqapasqa hinam kasqa. Chay Corderoqa kasqa qanchis waqrayuqmi hinaspa qanchis ñawiyuqmi. Chay ñawinkunaqa tukuy kay pachaman kachasqa Diospa qanchis espiritunkunam.