Hebreos 1:1 - CHUYA QELLQA La Biblia en Quechua de Ayacucho 2012

¹ Ñawpaq tiempokunapim profetankunatakama achka kutita hinaspa tukuy imaymanapi ñawpaq taytanchikkunaman Dios rimapayarqa.

Quechua Ayacucho Bible 1987

¹ Ñawpaq tiempokunapim achka kutita willakuqninkunawan imaymana formapi abuelonchikkunaman Dios rimapayarqa.

Chuya Qellqa 1992

¹ Ñawpaq tiempokunapim profetankunatakama achka kutita hinaspa tukuy imaymanapi ñawpaq taytanchikkunaman Dios rimapayarqa.

Hebreos 1:1 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Génesis 6:3

Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Lucas 1:55

Chaynatam ñawpaq taytanchik Abrahamman hinaspa mirayninkunaman prometerqa, nispa.

Lucas 1:72

ñawpaq taytanchikkunamanta llakipayarikuspan pacto ruwasqanta yuyarinanpaq.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 16:13

Cheqap Espíritu hamuspanñam pusasunkichik tukuy imapas cheqap kaqkunaman, payqa manam kikillanmantachu rimanqa, aswanqa llapa imapas uyarisqanmantam; hinaspam willasunkichik hamuq punchawkunapi imakunam pasakunanmanta.

Juan 7:22

Moisesmi kamachikuyta qosur-qankichik qari-kaynikichikta señalachikunaykichikpaq. Kaykunaqa karqa ñawpaq taytaykichikmantaraqmi, manam Moisesllamantachu, chaymi samana punchaw kachkaptinpas runata señalankichik.

Juan 9:29

Ñoqaykuqa yachanikum Moisesta Dios rimapayasqanta. Kay runamantam ichaqa maymantam lloqsimusqantapas mana yachanikuchu, nispanku.

Hechos 13:32

Chaynapim ñoqaykupas qamkunaman kay allin noticiata willachkaykiku, chaytam ñawpaq taytanchikkunaman Dios prometerqa.

Hechos 2:30

Davidqa profetam karqa, chaymi payman juraspan Dios prometekusqanrayku yacharqa paypa mirayninmanta Cristo hamunanta hinaspa David hina Israel nacionpi munaychakunanta.

Hechos 28:23

Chaykunamanta rimanankupaq huk punchawtaña akllaruptinkum, Pablopa samakusqanman achka runakuna hamurqaku, hinaptinmi tutapaymanta tardeykuqkama Diospa munaychakusqanmanta paykunaman willarqa. Moisespa hinaspa profetakunapa qellqasqanta qawachispanmi Jesusmanta convencechiyta munarqa.

Hechos 3:21

Jesucristoqa hanaq pachapiraqmi kamunan, tukuy imakunatapas ñawpaqpi hina Dios allichanankama, chaytaqa ñawpaq tiempopi profetankunatakamam nirqaña.

Hebreos 11:18

“Isaacllamantam miraynikiqa kanqa” nispa, Dios nichkaptinpas.

Hebreos 11:2

Iñiyllankuwanmi ñawpaq taytanchikkunapas Diospa allinpaq hapisqan karqaku.

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 2:2

Angelkunawan Diospa willachimusqan palabrankunaqa ancha-ancha atiyniyuqmi karqa, chayraykum huchallikuspa mana kasukuq runakunatapas Diosqa imam kaqmanta castigarqa.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 3:5

Moisesqa Diospa wasinpi allin servikuq hinaspa lliwpi kasukuqmi karqa, imapas Diospa nisqankunamanta willakunanpaq.

Hebreos 4:8

Israel miraykunaman samayta Josué qoykuptinqa, manañachiki huk punchawmantaqa Diosqa rimanmanñachu karqa.

Hebreos 5:5

Cristopas manam kikillanchu Sumo sacerdote kananpaq churakururqa aswanqa Diosmi nirqa: “Qanmi Churiy kanki, kunanmi ñoqa taytayki kani”, nispa.

Hebreos 9:19

Chayraykum Moisespas Diospa llapallan kamachisqankunata llapa runakunaman willaruspan malta toropa yawarninta yakuwan chaqruykurqa, hinaspam puka millwatawan hisopopa kallmanta yawarman challpuykuspan libromanwan runakunaman challarqa: