Hageo 2:9 - CHUYA QELLQA La Biblia en Quechua de Ayacucho 2012

⁹ Kay templopa sumaq kayninqa, punta kaq templopa sumaq kayninmantapas aswan hatunmi kanqa. Hinaptinmi hawkayayta kay allpapi qosqaykichik. Tukuy Atiyniyuq Tayta Diosmi chaynata nin.

Quechua Ayacucho Bible 1987

⁹ Kay temploqa punta kaq templopa sumaqllaña kayninmantapas aswan sumaqraqmi kanqa. Chaynatam nini Llapallan Kamachiq ñoqa Tayta Dios. Hawkayaytañam qosqaykichik ñoqa Tayta Diosqa.

Chuya Qellqa 1992

⁹ Kay templopa sumaq kayninqa, punta kaq templopa sumaq kayninmantapas aswan hatunmi kanqa. Hinaptinmi hawkayayta kay allpapi qosqaykichik. Tukuy Atiyniyuq Tayta Diosmi chaynata nin.

Hageo 2:9 Iomraidhean Croise

Isaías 60:7

Cedar lawpi llapallan uywakunam qampaq huñumusqa kanqa, Nebaiot lawpi carnerokunam qampaq kanqa, chaykunam altarniypi sumaq ofrenda kanqa, kuyayllapaq temploytam aswanraq sumaqyachisaq.

Isaías 66:12

Ñoqa Tayta Diosmi nini: Hawkayaytam mayuta hina Jerusalenman kacharimusaq, nacionkunapa tukuy ima kapuqnintam lloqllata hina chayachimusaq. Paymi qamkunata mikuchisunkichik, marqayninpi apakachasqam kankichik, wawanta moqonpi tusuchichkaq mama hinam kuyasunkichik.

Ezequiel 43:5

Diospa Espiritunñataqmi hoqariruwaspan templopa uku law pationman aparuwarqa, hinaptinmi rikurqani chay temploman Tayta Diospa kanchariynin huntaykusqanta.

Miqueas 5:5

Paymi hawkayayta apamuwasun Asiria nacionña llaqtanchikman hamuspan palacionchikkunaman yaykuptinpas, paykunapa contranpim qanchis michiqkunatawan ancha reqsisqa pusaq kamachikuqkunata kachaykusun.

Hageo 1:8

Orqokunaman rispa qerukunata apamuychik hinaspa temployta kaqllamanta ruwaychik. Chaynata ruwaptikichikqa, kusikuspaymi chaypi yupaychasqa kasaq.

Hageo 2:3

¿Yaqaraqchum qamkunamanta pillapas kachkanraq ñawpaq tiempopi kay templopa sumaq kayninta rikuq? ¿Imaynatataq kay templota kunan qawachkankichik? ¿Manachum kay qawasqaykichik temploqa ñawpaq templomanqa mana imallanpipas rikchakunchu?

Zacarías 2:5

Tayta Diosmi kaynata nin: Ñoqam Jerusalenpa muyuriqninpi lenwachkaq nina murallan kasaq, hinaspaymi chawpinpi atiyniyta qawachikusaq, nispa.

Lucas 2:14

¡Diosyá hanaq pachapi yupaychasqa kachun! ¡Kay pachapipas Diospa kuyasqan runakunapaqyá hawkayay kachun! nispanku.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

Santiago 2:1

Kuyasqay wawqe-panillaykuna, atiyniyuq Señorninchik Jesucristopi iñiq kaspaykichikqa amayá pimanpas sayapakuychikchu.