Hageo 2:4 - CHUYA QELLQA La Biblia en Quechua de Ayacucho 2012

⁴ Chaynaqa, Tayta Diosmi nin: “Zoro-babel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Quechua Ayacucho Bible 1987

⁴ Chaynaqa kallpanchakuyá Zorobabel, ñoqa Tayta Diosmi chaynataqa nichkayki. Qampas kallpanchakuyá Josadacpa churin Josuey, qamqariki kanki sacerdotekunapa jefenmi. Kay allpapi llapallan runakuna, qamkunapas kallpanchakuychikyá ñoqa Tayta Diosmi chaynataqa nichkaykichik. Qamkunaqa llamkaychikyá, ñoqaqariki yanapachkaykichikmi, chaynataqa nichkaykichik Llapallan Kamachiq ñoqa Tayta Diosmi.

Chuya Qellqa 1992

⁴ Chaynaqa, Tayta Diosmi nin: “Zorobabel kallpanchakuy, Josadacpa churin sumo sacerdote Josué qampas kallpanchakuy; kay allpapi llapallan runakuna, qamkunapas kallpanchakuychik hinaspa llamkaychik, ñoqa Tayta Diosmi qamkunawan kachkani”, nispa. Tukuy Atiyniyuq Tayta Diosmi chaynata nin.

Hageo 2:4 Iomraidhean Croise

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

1~Crónicas 22:13

Sichum Israelpa mirayninkunaman Moisesnintakama Tayta Diospa qosqan kamachikuykunata, decretonkunata kasukunki, hinaptinqa ima ruwasqaykipas allinmi lloqsinqa. Chaynaqa, kallpanchakuspayá qarinchakuy, ama manchakuychu nitaq hukmanyaychu.

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

Esdras 10:18

Sacerdotekunapa mirayninkunamanta huklaw nacionniyuq warmikunawan casarakuq qarikunam kaykuna karqaku: Josadacpa churin Josueypa mirayninkunamanta hinaspa ayllunkunamanta Maasías, Eliezer, Jarib hinaspa Gedalías.

Esdras 5:2

Chaymi Salatielpa churin Zorobabelwan Josadacpa churin Josué, kaqllamanta Jerusalenpi Tayta Diospa templon ruwayta qallaykurqaku, paykunatam llapa profetakunapas yanaparqaku.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Hageo 1:13

Chaymi Tayta Diospa profetan Hageo, Diospa kamachisqanman hina llapa runakunata rimapayarqa kaynata: Tayta Diosmi nin: “Ñoqam qamkunawan kachkani”, nispa.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Zacarías 8:9

Tukuy Atiyniyuq Tayta Diosmi kaynata nin: Chaynaqa, temploy musoqmanta hatarichisqa kananpaq cimientonkuna churasqa kasqanmanta kay punchawkunakama profetakunapa willakuyninta uyariqkuna kallpanchakuychik.

Marcos 16:20

Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].

Hechos 7:9

Jacobpa churinkunam wawqenku Joseymanta envidiakuspanku rantikururqaku, chaymi Egipto nacionman aparurqaku. Ichaqa Diosmi Joseywan karqa,

1~Corintios 16:13

Rikchan-rikchanllayá kaychik, iñiynikichikpi qaqa hina sayaychik, qarinchakuspayá allinta kallpan-chakuychik.

Efesios 6:10

Chaynaqa, wawqe-panillaykuna, Señorninchikpa tukuy atiyninpi kallpanchakuychik.

Deuteronomio 31:23

Nunpa churin Josueyta kamachispanmi Tayta Dios kaynata nirqa: Kallpanchakuspa qarinchakuy, qanmi jurasqay allpaman Israelpa mirayninkunata pusanki, ñoqam qanwan kasaq, nispa.

2~Timoteo 2:1

Churilláy Timoteo, Cristo Jesuspa kuyakuyninwan kallpanchakuy.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

Josué 1:6

Qarinchakuspayá kallpanchakuy. Qanmi ñawpaq taytankuman prometesqay allpata kay runakunaman herencianku kananpaq partenki.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

1~Samuel 16:18

Hinaptinmi huknin serviqnin nirqa: Ñoqam reqsini Belén llaqtayuq Isaipa huknin churinta, paymi allinta arpata tocan; payqa sinchi kallpayuqmi, guerrerom, yachaywan rimakuqmi hinaspa kuyayllapaq jovenmi; Tayta Diosmi paywan kachkan, nispa.